Шығыс Қоңырат молибден вольфрам кен орны Қарағанды облысы Ақтоғай ауданында орналасқан 1934 жылы ашылды барлау 1941 жылы

Шығыс Қоңырат молибден-вольфрам кен орны - Қарағанды облысы Ақтоғай ауданында орналасқан. 1934 жылы ашылды; барлау 1941 жылы, пайдалану 1942 жылы басталған.

Геологиялық құрылымы, сипаты

Кен жоғарғы девон мен төменгі карбонның шөгінділік-метаморфтық, эффузивті-туфогендік тау жыныстарын қиған Қоңырат гранит массивінің шығыс бөлігінде орналасқан. Граниттердегі тіктеу құлаған тау жыныстарын толтырған кварц желілері кен денелері болып саналады. Жеке кен денелерінің қалыңдығы бірнеше см, ұзындығы ондаған, жүздеген метрге дейін жетеді. Екі кенді белдемде 60 кен денесі шоғырланған. 28 желінің өндірістік мәні бар.

Минаралдары

Кентас минералдарына: молибденит, пирит, вольфрамит (кварц желілерінде), галенит, сфалерит, флюорит, рутил, сфен (грейзендерде) жатады. Өңделетін металдары: молибден, вольфрам; аз мөлшерде рений, теллур, селен, скандий алынады. Кен орнының гидрогеологиялық жағдайлары пайдалану жұмыстарын жүргізуге қолайлы. Өндірілген кен Балқаш кен байыту фабрикасына жөнелтіледі. Кен гидротермалдық типке жатады. Кеніш молибденге сұраныстың кемуіне орай 1996 жылда жабылған.

Дереккөздер

Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5