Координаттар 48 51 23 с е 2 21 08 ш б 48 85639 с е 2 35222 ш б 48 85639 2 35222 G O Я Париж мэриясы фр hôtel de ville de

Координаттар: 48°51′23″ с. е. 2°21′08″ ш. б. / 48.85639° с. е. 2.35222° ш. б. / 48.85639; 2.35222 ^(G) ^(O) ^(Я)

Париж мэриясы (фр. hôtel de ville de Paris) — атты қалалық сарай (Hôtel de Ville). Бұл — Қазақстандағы қала әкімдері отыратын әкімшілік секілді Париж мэрлері отыратын ғимараты. Мұнда 1357 жылдан бері қалалық билік орналасқан. Отель-де-Виль ортағасырлық (place de Grève) алдынан 110 метрдей жерде.

Париж мэриясы Отель-де-Вильде орналасқан

1975 жылдан бастап, Париж қала әрі департамент болып өзгерді. Оны Париж кеңесінің (Conseil de Paris) париждік мэрі басқарады. Париждік кеңес жылына 11 рет кеңес құрады. Бұл — ашық кеңес, яғни, қарапайым халық пен БАҚ бақылай алады. Екі күнге дейін созылады. Алғашқы мэр тек 1977 жылы ғана сайланды. Себебі, билік қалаға толық администраторлық құқық беруге асыққан жоқ. Бірақ осы күнге дейін Париждік муниципиалдық полиция қала мэрына емес, Республика президенті сайлаған полиция префектіне бағынатын Франциядағы жалғыз қала.

Ғимарат

Ғимарат Теодора Баллю (Théodore Ballu) және Эдуара Деперта (Édouard Deperthes) атты сәулетшілердің жоспары бойынша 1874 және 1882 жылдары аралығында салынған. Ғимаратты 1871 жылғы революция (Париждік коммуна) кезіндегі өрттің әсерінен қайта салды.

Басқару

Париждік кеңестің (conseil de Paris) 163 мүшесі бар. Олар париждіктердің арасынан тікелей емес сайлау бойынша сайланады. Олар муниципиалдық кеңеске (conseil municipal) және Генералдық кеңеске (conseil général) қатысып, қала жағдайы мен департаменттің администраторлық сұрақтарына жауап береді.

Жаңадан сайланған париждік кеңес өз кезегінде қала мэрін және оның 40 орынбасарын (adjoints) жаңадан сайлау мүмкіндігіне ие. Бұл қырық орынбасар негізгі және басты мәселелерге жауап береді: қаланың экономикалық дамуына, транспортқа, халықаралық қатынастарға, гендерлік теңдікке, мектептерге және қоршаған ортаның тазалығына. Сонымен қатар, қала мэрі Жалпы кеңестің президенті болып табылады. Жалпы кеңес департамент үшін жауап береді.

Муниципалитет немесе басқарма 1964 жылдан бастап «Виль де Пари» (Ville de Paris) деген ресми атауға ие. Басқарманың 2005 жылғы есеп бойынша, шамамен 3 мың муниципалитеттік қызметтерде 40 мың жұмысшысы болды. Мұндағы муниципиалдық жұмысшылардың санының көптігі соншалық, францияның Шартр или Байонна секілді кішкене қалаларындағы халықтың санымен тең. Отель-де-Виль ғимаратында басқармалық орындардан бөлек музеилер, кітапханалар, спорттық комплекстер, мектептер, балабақшалар бар.

Париж мэрлері

Қазіргі мэр Бертран Деланоэ Франция социалистік партиясының мүшесі. Ол 2001 жылдың 18 наурызында қайтара сайланған.

Париж бюджеті

2003 жылы қала бюджеті 6,9 млрд еуроны құрады. Оның 1,2 миллиарды — департамент үшін. Бұны Париж қаласының тұрғындарына шаққанда 3 200 еуродан келеді.

Әрбір 100 еуро төмендегідей қажеттіліктерге жұмсалады.

29 — әлеуметтік қажеттіліктерге;
18 — мектепке, мәдениетке, спортқа;
15 — администраторлық шығынға;
15 — суға, тазалыққа, бақшаларға, паркке, саябақтарға;
11 — жолға, тұрғын үйге;
6 — қоғамдық көліктерге;
6 — қауіпсіздікке.

Бауырлас қалалар

Рим, Италия (1956) — Париж үшін жалғыз бауырлас қала. Бұған мына сөздер кепіл бола алады: «Тек Париж ғана Римге лайық; тек Рим ғана Парижге лайық» (фр. Seule Paris est digne de Rome; seule Rome est digne de Paris).