ФИФА жыл ойыншысы ағылш FIFA World Player of the Year фр Meilleur footballeur de l année FIFA 2009 жылға дейін үздік ер

«ФИФА жыл ойыншысы» (ағылш. FIFA World Player of the Year, фр. Meilleur footballeur de l'année FIFA) — 2009 жылға дейін үздік ер және әйел футболшыға сыйға тартылған жылма-жылдық футбол марапаттамасы. Үздік ойыншының таңдауы әлем Ұлттық футбол құрама командаларының бас бапкерлері мен капитандарының дауыс беру тәсілі арқылы өткізіледі. Әр бапкер бес, үш және бір ұпайдан тұратын үш дауыс алады. Ең көп ұпай санын жинағандар жеңімпаз болады. Жеңімпаз «ФИФА гауһар добымен» марапатталатын.

Бірінші марапаттама 1991 жылы сыйға тартылған. 2001 жылдан бастап ФИФА үздік әйел футболшыны марапаттай бастады.

Зинедин Зидан үздік үштікке жалпы кіру саны бойынша алда тұр (6 рет)

Роналдо, 1997 және 2002 жылдардағы тұңғыш екі рет қатар марапатталған футболшы

Лионель Месси 2009 жылғы соңғы марапаттама иегері

Роналдо — 1996 жылы осы марапаттаманы жиырма жасында алған әлемдегі ең жас ойыншы. Сонымен қатар Роналдо бұл марапаттаманы екі рет қатар алған бірінші футболшы болып атанды. Роналдо және Зинедин Зидан марапаттаманы үш рет алған. Үздік үштікке жалпы кіру саны бойынша Зидан алда тұр (6 рет).

Доптардың толық жинағын (алтын, күміс және қола) тек үш футболшы жинай алды: Роналдо (алтын — 1996, 1997 және 2002, күміс — 1998, қола — 2003), Зидан (алтын — 1998, 2000, 2003, күміс — 2006, қола — 1997, 2002) және Криштиану Роналду (алтын — 2008, күміс — 2009, қола — 2007).

Марапаттаманың соңғы иегері — испан клубы «Барселона» және Аргентина құрамасының шабуылшысы Лионель Месси.

2010 жылдан бастап «ФИФА жыл ойыншысы» және «Алтын доп» (француз «France Football» газетімен берілетін марапаттама) атақтары «ФИФА Алтын добы» деп аталатын бір марапаттамаға бірікті. Жаңа сый журналшы, құрама командалардың бас бапкері және команда капитанынан тұратын қазылар алқасының арасындағы дауыс беру арқылы тағайындалады.

**«Жыл ойыншысы» марапаттаманың иегерлері**
Жыл	1 орын	2 орын	3 орын
1991	Лотар Маттеус	Жан-Пьер Папен	Гари Линекер
1992	Марко ван Бастен	Христо Стоичков	Томас Хесслер
1993	Роберто Баджо	Ромарио	Деннис Бергкамп
1994	Ромарио	Христо Стоичков	Роберто Баджо
1995	Джордж Веа	Паоло Мальдини	Юрген Клинсманн
1996	Роналдо	Джордж Веа	Алан Ширер
1997	Роналдо (2)	Роберто Карлос	Деннис Бергкамп Зинедин Зидан
1998	Зинедин Зидан	Роналдо	Давор Шукер
1999	Ривалдо	Дэвид Бекхэм	Габриэль Батистута
2000	Зинедин Зидан (2)	Луиш Фигу	Ривалдо
2001	Луиш Фигу	Дэвид Бекхэм	Рауль Гонсалес
2002	Роналдо (3)	Оливер Кан	Зинедин Зидан
2003	Зинедин Зидан (3)	Тьерри Анри	Роналдо
2004	Андрей Шевченко	Тьерри Анри	Роналдиньо
2005	Роналдиньо (2)	Фрэнк Лэмпард	Самюэль Это’о
2006	Фабио Каннаваро	Зинедин Зидан	Роналдиньо
2007	Кака	Лионель Месси	Криштиану Роналду
2008	Криштиану Роналду	Лионель Месси	Фернандо Торрес
2009	Лионель Месси	Криштиану Роналду	Хави

Тағы қараңыз

Дереккөздер

Футболшылардың ең жақсы достары — гауһарлар. Мұрағатталған 16 ақпанның 2009 жылы.
«Алтын доп» және «ФИФА жыл ойыншысы» бір марапаттамаға бірікті Мұрағатталған 8 шілденің 2010 жылы.

[1] Футболшылардың ең жақсы достары — гауһарлар. Мұрағатталған 16 ақпанның 2009 жылы.

[2] «Алтын доп» және «ФИФА жыл ойыншысы» бір марапаттамаға бірікті Мұрағатталған 8 шілденің 2010 жылы.