Фернандо Торрес

Фернандо Хосе Торрес Санс (исп. Fernando José Torres Sanz; 20 наурыз 1984, , Мадрид, Испания) — испан футболшысы, шабуылшы. 2008, 2012 жылдары Еуропа чемпионы, 2010 жылы әлем чемпионы атанды.

Фернандо Торрес
Жалпы мағлұмат
Толық аты	Фернандо Хосе Торрес Санс
Лақап аттары	Эль Ниньо (Балақай) (ис. El Niño) Fernandon’t Scorres
Туған күні	20 наурыз 1984 (1984-03-20) (40 жас)
Туған жері	Фуэнлабрада, Мадрид, Испания
Азаматтығы	Испания
Бойы	183
Салмағы	70
Позиция	шабуылшы
Жастар клубы 1995—2001 Атлетико Клуб карьерасы 2001—2007 Атлетико 214 (82) 2007—2011 Ливерпуль 102 (65) 2011—2014 Челси 110 (20) 2014 →  Милан 10 (1) 2015—2016 →  Атлетико 49 (14) 2016—2018 Атлетико 58 (13) 2018—2019 Саган Тосу 35 (5) Ұлттық құрамы 2003—2014  Испания 100 (38)
Марапаттары мен медальдары
Әлем чемпионаты Алтын ОАР 2010 Конфедерациялар кубогы Қола ОАР 2009 Еуропа чемпионаты Алтын Австрия/Швейцария 2008
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналадысоңғы рет жаңартылды: 13 Қыркүйек 2015. Ресми матчтарда ұлттық құрамда болған ойындары мен голдар санысоңғы рет жаңартылды: 3 желтоқсан 2011.
Бұл үлгіні: көру • талқылау • өңдеу

Фернандо Торрес

Карьерасы

Клубтық

1984 жылы 20 наурызда дүниеге келген Фернандо бес жылдан соң футболға алғашқы қадамын жасайды. Бұл жайтты «Атлетиконың» жанкүйері болған атасы да нақтылайды. Дәл сол кісі Фернандоға футбол ауруын жұқтырған. Кішкентайынан стадионға апарып футбол көрсетіп, нағыз ойынның не екенін сездірткен. Осыдан барып ол жастар командасында доп тебе бастайды.

10 жасында «Райо 13» командасына алынып, бір маусымда 55 доп соғады. Осыдан барып оны «Атлетико» футбол мектебіне шақырады. Онда ол өзін керемет көрсете біледі де, жастар командасына ауысады. Үш жылдан кейін Торрес өзінің ең алғашқы жеңісін тойлайды. 15 жасар футболшылардың арасында өткен Еуропаның мықты командалары қатысқан ірі турнирде ол командасына жеңіп шығуға үлкен көмек көрсетеді. Сөйтіп сол турнирдің үздік ойыншысы деген атаққа ие болады.

1999-жылы ол «Атлетиконың» негізгі командасымен алғашқы келісімшартқа отырады. 16 жасарлардың арасындағы Еуропа чемпионатын ұлттық құрама сапында жеңеді. Онда да ол қарап жүрмей 7 ойында 6 доп соғады. 2000/01-жылғы маусымда тұсаукесер кездесуін «Альбасете» командасына қарсы өткізеді. Бір апта өткен соң бірінші голын ұрады.

2003/04 жылы Торрес 35 ойында 19 доп кіргізіп, команданың ең жас капитаны болады. Ол шақта «Эль Ниньоны» Испанияның ұлттық құрамасына шақырады. Португалиямен жолдастық кездесуде ұлттық команданың жейдесімен тұңғыш рет алаңға шығады.

2007 жылдың 4 маусымында ол ағылшынның «Ливерпульіне» ауысады. Торрес 9 нөмірлі жейдеге иелік етіп, өзінің бұл командаға жай келмегендігін бірден аңғартады. Себебі клуб тарихында бұл нөмірмен ойнаған футболшылардың барлығы «мерсисайдтықтардың» жадында мәңгі қалған. Иан Раш, Робби Фаулер секілді аты аңызға айналған жігіттердің орнын жоқтатпауға келген Фернандо келісімен бірден көзге түсті. «Мидлсборомен» өткен кездесуде ол үш гол ұрып алғашқы хет-трик жасайды.

Торрес өзінің бұл ғажайып командаға келгеніне бақытты. Өзінің командаластары туралы да жылы пікірде. «Менің осыншама жақсы өнер көрсетіп жүргенімнің арқасы әрине командалас достарым мен бас бапкер Рафа Бенитестің арқасы. Шабуылшы көбінесе ойынды өзіне ала алатын, өзінше ойын көрсетіп, алаңдағы жағдайды реттеп жүретін футболшыларға байланысты болады. Мен де сондаймын. Ал менің капитаным Стивен Джеррард дәл сондай адам. Ол доппен үлкен жылдамдықпен келе жатқанда менің қай жерде тұратынымды сезеді». Әрине мындай деңгейдің футболшылары бір командада ойнағанда бірін-бірінің жағдайларын жақсы түсінісуі заңды. Торрес ағылшын футболына тез арада бейімделіп, өзінің физикалық қасиеттерін оңына пайдалануды үйренді. Бұл сөзімізді өзіде растайды. «Испанияның ла-лигасында ойнайтын Торрес қазір жоқ. Менің ойын мәнерім ағылшын футболына лайықтанған. Мұнда қарсыластың қақпасына жақындау үшін 25 пас жасаудың қажеті жоқ. Англияда жылдамдық пен дәл, тез 3-4 пастың арқасында қақпаға соққы жасауға жағдай туады».

Торрес «Челси» клубында өзінің сүйкті 9 номерімен ойнады. Бірақ Торрес өкінішке орай «Челси» клубында өзін көрсете алмады. Торрес «Челси» сапында 110 ойынға қатысып не бары 20 гол салды. 2014 жылы Торрес «Челси» клубына керек емес секілді болып кетті. Соның есебіне Торрес «Милан» клубына ауысты.

Торрес 2015 жылы «Милан» клубынан «Атлетико Мадрид» клубына жалға келді. Өзінің бұрынғы клубында ол алғашқы ойынында көзге түсті. Торрес 19 номермен ойнады, Ал ол кезде 9 номерді Хорватиялық футболшы Марио Мандзукич алған болатын.

Ұлттық құрама

2004-жылғы Еуропа біріншілігі мен соңғы Әлем чемпионатына Торрес Испанияның ұлттық құрамасымен қатысты. Соңғысында екі доп соқты. Оның бірі финалда Германия қақпасына. Әлемнің үздік қорғаушыларының бірі Филип Лам дәл сол сәтте Фернандодай жылдам шабуылшыға күші жетпесін бірден ұқты. Бір қателік, бір гол. Бұл 2008 Еуропа біріншілігінің финалында соққан голы болатын! Бұл біріншіліктен соң Эль-Ниньо лақап атымен әйгілі Фернандо Торрес Испания ұлттық құрамасының сапында 2010 жылғы әлем біріншілігіне қатысып, 1-орын медалін қанжығасына байлайды.

Жеке өмірі

Фернандо Олалье Доминигес атты испан қызына үйленген. 29 мамыр күні Мадридтің Эскориал ауданында үйлену рәсімін өткізді. Ал осы жылдың 8 маусымында олардың қызы – Нора дүниеге келді. Торрестің біршама қымбат дүниелері Мадридте. Үйі, екі иті және «Сони ПС» ойын құрылғысы. Оның барлығы құжаттар дұрыс болысмымен Англияға келуі тиіс. Фернандоның денесінде 5 тату бар. Оң қолында 9 саны мен оның қызының аты – Нора. Сол қолында қайтыс болған көкесінің құрметіне – Фернандо және әйелінің аты – Олалья. Оң аяғында VII-VII-MMI (7.7.2001) деген жазу бар. Бірақ оның мағынасын шабуылшы ешқашан, ешкімге айтпаған көрінеді. Қолында үш сақина бар. Ол үшеуін де ешқашан қолынан шешпейді. Сонымен қатар, Фернандо үй шаруасына да жақсы қарайды екен. Тамақ пісіргенді ұнатады. Өзі «Пепси» немесе «Кола» сусыны болмаса ас іше алмайтыны тағы бар.

Жетістіктері

Командалық

«Атлетико Мадрид»

• Сегунда чемпионы: 2001/02
• Еуропа Лигасы: 2017/18

«Челси»

• Англия кубогы: 2011/12
• Чемпиондар Лигасы: 2011/12
• УЕФА Еуропа Лигасы: 2012/13

Испания құрамасы

• Еуропа чемпионы (17 жас): 2001
• Еуропа чемпионы (19 жас): 2002
• Еуропа чемпионы (2): 2008, 2012
• Әлем чемпионы: 2010

Дереккөздер

1. Статистика  (ағыл.) (PDF). premierleague.com (21.10.2011). Басты дереккөзінен мұрағатталған 20 ақпан 2012. Тексерілді, 21 қазан 2011.
2. White, Jim. Fernando Torres: exclusive interview with Liverpool and Spain's 'El Nino'  (ағыл.),  (21.11.2009). Тексерілді 21 қазанның 2011.
3. Cheer Up, Chelsea—Always Look on the Bright Side of Life  (ағыл.), rantsports.com (05.02.2012). Тексерілді 24 ақпанның 2012.
4. First Team Profiles (Fernando Torres)  (ағыл.). chelseafc.com (21.10.2011). Тексерілді, 21 қазан 2011.