Стивен Джеррард

Стивен Джордж Джеррард (ағылш. Steven George Gerrard; 30 мамыр 1980, , Мерсисайд, Англия) — ағылшын футболшысы, «Ливерпуль» футбол клубы мен Англия Ұлттық футбол құрама командасының экс-жартылай қорғаушысы. Қазір "Рейнджерс" клубының бас бапкері.

Стивен Джеррард
Жалпы мағлұмат
Толық аты	Стивен Джордж Джеррард
Лақап аттары	Стиви Джи
Туған күні	30 мамыр 1980 (1980-05-30) (44 жас)
Туған жері	, Мерсисайд, Англия
Азаматтығы	Англия
Бойы	183 см
Салмағы	83 кг
Позиция	жартылай қорғаушы
Клуб жайлы ақпарат
Клуб	Рейнджерс
Қызметі	бас бапкер
Клуб карьерасы 1997—2015 Ливерпуль 504 (120) 2015—2016 Лос-Анжелес Гэлакси 34 (5) Ұлттық құрамы 2000—2014 Англия 114 (21) Бапкерлік карьерасы 2017—2018 Ливерпуль жас 2018— Рейнджерс
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Карьерасы

Алғашқы қадамдар

Джеррард футбол ойнауды туған қаласының «Уистон Джуниорс» командасының құрамында бастаған. 9 жасында оны «Ливерпуль» скауттары байқап, 1989 жылы ол «Қызылдардың» жас жеткіншектер командасына қосылады. Балалық шағында Стивен керемет өнерімен көрінбей, командасының негізгі құрамында сирек енетін.

«Ливерпуль»

Негізгі құрамда 1998 жылдың 29 қарашасында «Блэкберн Роверcке» қарсы ойында екінші таймда Веггард Хеггемді алмастыру арқылы алаңға шығады. Алғашқы маусымында Джеррард УЕФА Кубогында «Сельтамен» болған ойында жақсы жағынан көрсетіп, сол маусымда алмастырып, 13 ойын өткізіп үлгереді.

2004/05 УЕФА Чемпиондар Лигасының топтық турниріндегі соңғы матчта «Олимпиакоспен» өткен ойында мерсисайдтықтарға келесі айналымға шығу үшін 2:0 есебімен жеңіске жету керек еді. «Ливерпуль» мұратына жетіп, шешуші 22 метр қашықтықтан соғылған голдың авторы дәл сол Стивен Джеррард болды. Сол маусымда «Қызылдар» ақтық кездесуге дейін жетіп, баршаның есінде қалған триллердің авторы атанды. Истанбулдың «Ататүрк» стадионында «Милан» алғашқы 45-минутта еш мүмкіндік берместен, ағылшындар қорғанысының тоз-тозын шығарып жатты: 3:0. Екінші тайм сценариі керісінше өрбіді. Командасын алға сүйреген Джеррард бұл ойында өзін нағыз көсем ретінде танытып, «Ливерпульге» жан бітірген алғашқы қарымта добын соқты. Бұдан кейінгі оқиғалар тарихқа мәлім. Нәтижесінде жеңіске жеткен «Ливерпуль» Еуропаның клубтық чемпионы атанды. Ал, күміс Кубокты көтерген Стивен Джеррард жеңіске жеткен екінші ең жас капитан атанды (ең жас капитан 1991 жылы Дидье Дешам болды).

Келесі жылы финалында мергендігімен көрінген Джеррард ағылшын командалары қатыса алатын барлық турнирлердің финалдарында доп соға білген жалғыз футболшы болды. Стивен Англия Кубогы (2006 жылы «Вест Хэм»), Лига Кубогы (2003 жылы «Манчестер Юнайтед»), УЕФА Кубогы (2001 жылы «Алавес»), Чемпиондар Лигасының (2005 жылы «Миланға») қарсы финалдарының бәрінде гол соқты.

Англия құрамасы

Жартылай қорғаушы Стивен Джеррард Англия құрама командасы сапында алғашқы ойнын 2000 жылы 31 мамырда Украинаға қарсы өткізді. Джеррард екі жылдан соң Алмания құрамасымен болған әйгілі 2002 жылғы Әлем чемпионатына іріктеу матчында «бундесманншафт» қақпасына голдарды топырлатқан футболшылардың бірі атанды. Ағылшындар сырт алаңда 5:1 есебімен жеңіске жетіп, Джеррард құрама ойындарындағы алғашқы добын соқты. Англияның 2006 жылғы Әлем чемпионатындағы ширек финалда Португалиямен өткен ойнындағы ағылшындар үшін қашанда қайғы-қасіретке толы пенальтилер сериясында Джеррардтың басқа үш командаласының сияқты соққыларын португалдықтардың қақпашысы Рикарду қағып жіберді. 2010 жылғы әлем чемпионатында да ағылшындардың жолы болмай, Англия 1/8 финалда 1:4 есебімен немістерге жол береді.

Жеке өмірі

• Стивен модель Алекс Курранға үйленген, үш қызы бар: Лили-Элла (2004 жыл, 23 ақпан), Лекси (2006 жыл, 9 мамыр) және Лурдес (2011 жыл, 31 қазан)
• 2006 жылдың 1 қыркүйегінде өзіне қатысты өсек аяңға нүкте қоятын Стивен Джеррардтың алғашқы «Джеррард: Менің тарихым» (Gerrard: My Story) атты автобиографиялық кітабы жарық көрді.

Жетістіктері

Командалық

«Ливерпуль»

• Англия кубогы (2): 2000/01, 2005/06
• Лига кубогы (3): 2000/01, 2002/03, 2011/12
• Англия суперкубогы (2): 2001, 2006
• УЕФА чемпиондар лигасы: 2004/05
• УЕФА кубогы: 2000/01
• УЕФА суперкубогы (2): 2001, 2005

Жеке

• Англия чемпионатының үздік жас ойыншысы: 2001
• Англия чемпионатындағы жыл футболшысы: 2006
• УЕФА-дағы клубтық деңгейдегі үздік футболшы: 2005
• Чемпиондар лигасының финалындағы үздік ойыншы: 2005
• Англия кубогының финалындағы үздік ойыншы: 2006
• "Ливерпульдің" маусымдағы үздік футболшысы: 2004/05, 2005/06, 2008/09, 2014/15
• Маусымның үздік голы: 2006

Статистика

Клубтық

Клуб	Мауысым	Премьер-лига		Англия кубогi		Англия Лига кубогы		Еуропа		Басқа		Барлығы
		Ойындар	Голдар	Ойындар	Голдар	Ойындар	Голдар	Ойындар	Голдар	Ойындар	Голдар	Ойындар	Голдар
Ливерпуль	(2012/13)	6	2	0	0	0	0	3	1	0	0	9	3
	(2011/12)	18	5	6	1	4	2	0	0	0	0	28	8
	(2010/11)	21	4	1	0	0	0	2	4	0	0	24	8
	(2009/10)	33	9	2	1	1	0	13	2	0	0	49	12
	(2008/09)	29	16	2	1	0	0	9	7	0	0	40	24
	(2007/08)	34	11	3	3	2	1	13	6	0	0	52	21
	(2006/07)	36	7	1	0	1	1	12	3	1	0	51	11
	(2005/06)	32	10	6	4	1	1	12	7	2	1	53	23
	(2004/05)	30	7	0	0	3	2	10	4	0	0	43	13
	(2003/04)	34	4	3	0	2	0	8	2	0	0	47	6
	(2002/03)	34	5	2	0	6	2	11	0	1	0	54	7
	(2001/02)	28	3	2	0	0	0	15	1	0	0	45	4
	(2000/01)	33	7	4	1	4	0	9	2	0	0	50	10
	(1999/00)	29	1	2	0	0	0	0	0	0	0	31	1
	(1998/99)	12	0	0	0	1	0	0	0	0	0	13	0
Барлығы		409	91	34	11	24	10	117	39	4	1	588	152

Дереккөздер

1. Профиль ФК «Ливерпуль» ресми сайтада
2. 1st Team squad profiles: Steven Gerrard. Liverpool F.C.. Басты дереккөзінен мұрағатталған 30 шілде 2008. Тексерілді, 19 желтоқсан 2008.

Сілтемелер

• Профиль ФК «Ливерпуль» ресми сайтында  (ағыл.)
• Профиль LFCHistory.net сайтында  (ағыл.)
• Профиль BBC Spor сайтындаt Мұрағатталған 5 қыркүйектің 2007 жылы.  (ағыл.)
• Профиль LiverpoolFC.ru сайтында Мұрағатталған 15 қазанның 2009 жылы.  (орыс.)
• Мансап Liverpool-Live.com сайтында  (орыс.)
• Профиль Liverbird.ru сайтында  (орыс.)
• Статистика football-stat.homeip.net сайтында(қолжетпейтін сілтеме)  (орыс.)