Бақыт Ғафуұлы Қайырбеков 23 ақпан 1953 жыл Алматыда туған қазақстандық ақын Ғафу студиясының режиссёры ақын Ғафу Қайырбе

Бақыт Ғафуұлы Қайырбеков (23 ақпан 1953 жыл, Алматыда туған) — қазақстандық ақын, «Ғафу» студиясының режиссёры, ақын Ғафу Қайырбековтың ұлы.

Бақыт Ғафуұлы Қайырбеков

Жалпы мағлұмат

Туған күні

23 ақпан 1953 (1953-02-23) (71 жас)

Туған жері

Алматы, Қазақ КСР, КСРО

Азаматтығы

КСРО (1953–1991)
Қазақстан (1991 бері)

Мамандығы

ақын, режиссёр, сценарийші, Қазақфильм президенті

Белсенді жылдары

1978–

Марапаттары

Құрмет ордені

Қазақстанның еңбек сіңірген қайраткері

Өмірбаяны

Бақыт Қайырбеков 1953 жылдың 23 ақпанында, Алматы қаласында дүниеге келген. Әкесі, Ғафу Қайырбеков — ақын және анасы — Бәдеш Хамзина.

1970 жылы Мәскеудегі Максим Горький атындағы Әдебиет институтында оқыған. «Жазушы» баспасында, «Советский Казахстан сегодня», «Қазақфильм» киностудиясында, көркем және телевизиялық шығармашылық бірлестігінде, Қазақ КСР Мәдениет Министрлігінің репертуар-редакциялық алқасында, Қазақтелефильмде, Мемлекеттік қызметкерлерді қайта даярлау және біліктілігін арттыру институтының баспа орталығында жауапты қызметтер атқарған.

Арғын тайпасының руынан шыққан.

1979–1982 жылдары Қайырбеков аспирант, 1987–1989 жылдары КСРО Мемлекеттік кино жанындағы сценаристер мен режиссёрлер жоғарғы курсының тыңдаушысы болған.

Шәкен Айманов атындағы «Қазақфильм» киностудиясында, репертуарлық-редакциялық коллегияда, ақпараттық-баспасөздік орталықта, « киностудиясында, Қазақстан Республикасының Президентінің телерадиокомплексінде қызмет еткен.

Еңбектері

Отызға таяу фильмдердің жасалуына ат салысқан, соның ішінде президент Нұрсұлтан Назарбаев жөнінде деректі үш фильмі теледидардан көрсетілді. Асан қайғы, Бұқар, Ақтамберді жыраулардың, Шәкәрім Құдайбердіұлының өлеңдерін, Сайын Мұратбеков, Ақселеу Сейдімбек, Қойшығара Салғарин, Тұрсын Жұртбай, Ғафу Қайырбеков, Тұманбай Молдағалиев, Тоқтар Бейісқұлов, Асқар Оразақын, Есенғали Раушановтың шығармаларын орыс тіліне аударған. Тегерандағы (Иран), Гьөрдегі (Мажарстан), Штутгарттағы (Германия) халықаралық кино-фестивальдерге қатысқан. Мәскеуде ТМД елдері 1-Халықаралық теле-форумының дипломанты болған. Өлеңдерін орыс тілінде жазады.

Марапаттары

Қазақстанның еңбек сіңірген қайраткері. Тәуелсіздіктің 10 жылдығына арналған мерекелік медальмен, марапатталған. Махамбет Өтемісұлы атындағы сыйлықтың лауреаты.

Шығармалары

Осенный диалог. Стихи. А., «Жалын», 1978;
Глаголь жить. Стихи. А., «Жазушы», 1982;
За живою водой. Стихи.А., «Жазушы», 1986;
Менің үйім. Өлеңдер. А., «Жалын», 1987;
За решеткой строк. Стихи. А., «Согласие», 1998;
Избранное. В двух томах, 1998;
Дневник. «Интерпринт», 2003;
Биография алмаатинца, 2005.

Дереккөздер

Лоскутное одеяло поэзии Бахыта Каирбекова (орыс.). ТРУД (19 марта 2018). Тексерілді, 15 қаңтар 2023.
БЕРЗИНА, Любовь ПО-РУССКИ, НО КАЗАХСКОЙ КРОВЬЮ (орыс.). Литературная Россия. Тексерілді, 15 қаңтар 2023.
Текті де, терең тұлға (ағыл.). Тексерілді, 17 қыркүйек 2021.
Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6
БАҚЫТ ҚАЙЫРБЕКОВ (қаз.). Әдеби портал. Тексерілді, 16 қазан 2023.
Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл
Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

[1] Лоскутное одеяло поэзии Бахыта Каирбекова (орыс.). ТРУД (19 марта 2018). Тексерілді, 15 қаңтар 2023.

[2] БЕРЗИНА, Любовь ПО-РУССКИ, НО КАЗАХСКОЙ КРОВЬЮ (орыс.). Литературная Россия. Тексерілді, 15 қаңтар 2023.

[3] Текті де, терең тұлға (ағыл.). Тексерілді, 17 қыркүйек 2021.

[4] Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6

[5] БАҚЫТ ҚАЙЫРБЕКОВ (қаз.). Әдеби портал. Тексерілді, 16 қазан 2023.

[6] Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл

[7] Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8