Қазақстан Республикасының Тәуелсіздігіне 25 жыл мерекелік медалі Қазақстан Республикасы Президентінің 2016 жылғы 28 қырк

Қазақстан Республикасының Тәуелсіздігіне 25 жыл мерекелік медалі — Қазақстан Республикасы Президентінің 2016 жылғы 28 қыркүйектегі №344 жарлығы негізінде құрылған Қазақстан Республикасының мемлекеттік наградасы.

Қазақстан Республикасының тәуелсіздігіне 25 жыл медалі


Мемлекет	Қазақстан
Түрі	Медаль
Жағдайы	беріледі
Негізделді	28 қыркүйек 2016 жыл
Medal "25 Years of Independence of Kazakhstan" Ортаққорда

Медаль туралы ереже

Мерекелік медальмен Қазақстан Республикасы мемлекеттілігінің қалыптасуына, егемендігінің нығаюына және әлеуметтік-экономикалық дамуына елеулі үлес қосқан Қазақстан Республикасының азаматтары мен шетел азаматтары марапатталады.

Мерекелік медальмен марапаттауға ұсыныстарды Парламент, Үкімет, министрліктер, өзге де орталық мемлекеттік органдар, облыстардың немесе Астана мен Алматы қалаларының әкімдері, сондай-ақ қоғамдық ұйымдар енгізеді.

Мерекелік медальді Мемлекет басшысы тапсырады. Сондай-ақ медальді Президенттің атынан және оның тапсырмасы бойынша Қазақстан Республикасының Мемлекеттік хатшысы, облыстардың немесе Астана немесе Алматы қалаларының әкімдері, сондай-ақ Қазақстан Президенті осыған уәкілеттік берген өзге де лауазымды адамдар тапсыра алады.

Мерекелік медальді тапсыру салтанатты жағдайда жүргізіледі. Медаль марапатталушының жеке өзіне тапсырылады. Тапсыру алдында Қазақстан Республикасы Президентінің марапаттау туралы Жарлығы жария етіледі. Марапатталған адамға медальмен бірге белгіленген үлгідегі куәлік тапсырылады.

Марапаттауға арналған тізімде мерекелік медальдің тапсырылғаны туралы тиісті жазба жасалады. Жүргізілген марапаттаулардың есебін, сондай-ақ мерекелік медальдің тапсырылу барысы туралы есептілікті Қазақстан Республикасы Президентінің Әкімшілігі жүргізеді.

Мерекелік медаль кеуденің сол жағына тағылады. Қазақстан Республикасының мемлекеттік марапаттары болған жағдайда олардан кейін орналасады.

Сипаттамасы

Мерекелік медаль диаметрі 34 мм дұрыс шеңбер нысанында болады.

Медаль тағайындау туралы Жарлықта бет бөлігінің мынадай сипаттамасы келтіріледі:

“	Мерекелік медальдің бет жағында Қазақстан Республикасы Тәуелсіздігінің 25 жылдығы логотипінің бейнесі орналасқан. Сәулелі күн шығыңқы жылтыр рельефте көгілдір эмальмен бейнеленген. Төменгі бөлігінде қызыл эмальді бояумен ұлттық ою-өрнек бейнеленген.	”
— Қазақстан Республикасы Президентінің 2016 жылғы 28 қыркүйектегі №344 Жарлығы

Медальдің бет жағының негізгі бөлігі Қазақстанның күңгірт картасының аясында орналасқан Ақорда президенттік сарайы ғимаратының, "Қазақ Елі" монументінің және "азаматтар қоршауында Қазақстан Конституциясына ант беретін Қазақстан Президенті Нұрсұлтан Назарбаев" барельефінің суреттерімен жазылған. Қазақстан Тәуелсіздігінің 25 жылдығының логотипі түрлі-түсті эмальмен боялған және көгілдір эмаль аясында сәулелері бар күн болып табылады, оның үстінде 25 қызыл сандар бейнеленген.

Мерекелік медальдің сыртқы жағында орталық бөлігінде "Қазақстан Республикасының Тәуелсіздігіне 25 жыл" деген бедерлі жазу орналасқан.

Мерекелік медаль жезден дайындалады және құлақша мен шығыршық арқылы ортасында қызыл тік жолағы бар көгілдір түсті қатқыл лентамен тысталған ені 32 мм және биіктігі 50 мм тағанға жалғанады. Медальді киімге бекіту үшін визорлы бекіткіші бар түйреуіш пайдаланылады.

Дереккөздер

Медаль «25 лет независимости Республики Казахстан».

[1] Медаль «25 лет независимости Республики Казахстан».