Солтүстік Қазақстан мал шаруашылығы және өсімдік шаруашылығы ғылыми зерттеу институты жауапкершілігі шектеулі серіктесті

«Солтүстік Қазақстан мал шаруашылығы және өсімдік шаруашылығы ғылыми-зерттеу институты» жауапкершілігі шектеулі серіктестігі («СолтҚазМӨҒЗИ» ЖШС) Қазақстанның ауыл шаруашылығы саласында ғылыми-зерттеу жұмыстарын жүргізеді және олардың нәтижелерін өндіріске енгізеді.

Негізгі миссиясы

Ауыл шаруашылығы жануарларының селекциясында, мал азығын өндіруде және азықтандыруда инновациялық шешімдерді әзірлеп енгізу арқылы, өндірілетін мал шаруашылығы өнімінің көлемін, сапасын және тиімділігін арттыруды ғылыми тұрғыдан қамтамасыз ету. 1962 жылы құрылған. 2008 жылдан бастап « АҚ құрамындағы ғылыми-зерттеу институты.

Ғылыми әлеуеті

Қазақстанның солтүстігінде мал азығын өндіруді жүргізу жүйесі, шөп тұқымын сеуіп өсіретін шабындықтар жасап қолдану, мүйізді тұқымдық төлін өсіруді бағыттау, мүйізді қара малдан машинамен сүт сауу, мал табындарын өз төлі есебінен толықтыру, үй шаруашылықтарында және шаруа қожалықтары жағдайында шошқа етін өндіру, мен жеке аула шаруашылықтарында мал шаруашылығын тиімді жүргізу және т.б. көкейтесті мәселелер бойынша ұсынымдар әзірленіп шығарылды. Ғылыми жетістіктерді және озық тәжірибені насихаттау, ғалымдардың жетістіктеріне мемлекеттік билік пен инвесторлардың назарын аудару мақсатында, Қазақстанның солтүстігінде мал шаруашылығы мен жемшөп өндіруді жүргізудің ғылымды қажетсінетін қазіргі заманға лайық технологиялары бойынша басшыларға, мамандарға және тікелей ауыл шаруашылығы тауарын өндірушілерге арналған ғылыми-зерттеу жобаларының, ұсынымдардың, авторлық куәліктердің, монографиялардың жинақтары баспадан шығарылды. Барлық бөлімдер мен зертханалар ғылыми-зерттеу жұмыстарын орындауға арналған қажетті зертханалық-техникалық құрал-жабдықпен жарақтандырылған.

Негізгі ғылыми жетістіктері

Институттың ғалымдары мамандармен тығыз байланыс жасай отырып мыналарды шығарды:

Қостанай облысы «Сұлукөл» асыл тұқымды мал зауыты» ЖШС-те сұлукөл зауыттық типі;
Солтүстік Қазақстан облысы «Алабота» асыл тұқымды мал зауыты» ААҚ-да қазақы тұқымының тұқыл типі;
Қарағанды және шаруашылықтарда қырдың тұқымының жаңадан 7 зауыттық аталық ізі;
Жоғары өнімді ірі ақ шошқа және кемеровтық етті типтес шошқа табындары құрылды;
ірі қара малдың төлін бордақылаудың, сүт, жүн, қой еті мен шошқа етін өндірудің инновациялық, ресурс үнемдейтін технологиялары;
ауыл шаруашылығы жануарларының өнімділігі жоғары табындары.

Басшылық

Бас директор: Мыңжасов Қанат Исмаилұлы
Бас директордың ғылым жөніндегі орынбасары: Антюхов Виктор Михайлович
Бас ғылыми хатшы: Байматова Алтыншаш Қалиқызы
Мекен-жайы: 150700, Қазақстан Республикасы, Солтүстік Қазақстан облысы, Қызылжар ауданы, Бескөл ауылы, Институт көшесі,1-үй