УЕФА Чемпиондар Лигасының финалы 2011 УЕФА Чемпиондар Лигасының 2010 11 жылғы маусымының шешуші матчы 2011 жылы 28 мамыр

УЕФА Чемпиондар Лигасының финалы 2011 — УЕФА Чемпиондар Лигасының 2010/11 жылғы маусымының шешуші матчы. 2011 жылы 28 мамырда Лондондағы "Уэмбли" стадионында өтіп, Испанияның "Барселона" клубы Англияның "Манчестер Юнайтед" командасын 3:1 есебімен ұтып, турнир жеңімпазы атанды. Бұл — каталондықтардың бұл турнирдегі төртінші жеңісі.

УЕФА Чемпиондар Лигасының финалы 2011

Турнир

(УЕФА Чемпиондар Лигасы 2010/11)

Стадион

"Уэмбли", Лондон

Көрермендер

87 695

2010

2012

Толық мақаласы: (УЕФА Чемпиондар Лигасы 2010/11)

Матч

"Уэмблиде" алтыншы рет осы турнирдің финалдық ойыны өткізілді. Бұл рекордтық көрсеткіш. 2013 жылы да финал осы стадионда өтті. Айта кетейік, "Манчестер Юнайтед" те, "Барселона" да бұрын "Уэмблиде" өткізілген финалда ойнаған. 1968 жылы манчестерліктер "Бенфиканы" ұтса, 1992 жылы "Барселона" "Сампдорияны" ұтқан еді. Демек, екі клуб та осы турнирдегі алғашқы жеңістерін "Уэмблиде" атап өткен.

Екі жыл бұрынғы финалда осы екі клуб кездескен-ді. Ол жолы да "Барселона" 2:0 есебімен ұтқан болатын. Бұл жолы да екі доп айырмасымен (3:1) жеңіске жетті.

Матч тең дәрежеде басталғанымен, уақыт өте келе стадионда каталондықтардың "Тики-така" әдісі салтанат құра бастады. Допты көбірек иеленген олар қауіпті сәттерді де көбірек жасай бастады. Ойынның 27 минутында Хавидің дәлме-дәл берген пасынан соң қорғаушылардан сытылып алға озған Педро Родригес жақын бұрышты дәл көздеп, есеп ашты. Жеті минут өткен соң Уэйн Руни - Хавьер Эрнандес - Уэйн Руни комбинациясы сәтті аяқталды. Руни айып алаңына кіре берісте қатты соққымен тоғыздықты көздеп, есепті теңестірді.

Екінші таймда "Барселонаның" басымдығы айқын байқалды. 54 минутта Мессидің айып алаңының сыртынан жерлете тепкен добын Ван дер Сар қайтара алмады — 2:1. 69 минутта Вильяның тепкен добы доғаша иіліп ұшып, Ван дер Сар тағы қапы қалды. Осы есеп матч соңына дейін сақталып қалды.

Протокол

28 мамыр 2011

Барселона	3–1	Манчестер Юнайтед
Педро Родригес 27 Лионель Месси 54 Давид Вилья 69	Голдар	Уэйн Руни 34

Уэмбли, Лондон
Көрермендер саны: 87,695
Төреші: (Мажарстан)





Барселона





МЮ



GK	1	Виктор Вальдес	85'
RB	2	Даниэл Алвес	60'	88'
CB	14	Хавьер Маскерано
CB	3	Жерар Пике
LB	22	Эрик Абидаль
DM	16	Серхио Бускетс
CM	6	Хави (к)
CM	8	Андрес Иньеста
RF	7	Давид Вилья		86'
CF	10	Лионель Месси
LF	17	Педро Родригес		90+2'
Қосалқы құрам:
DF	5	Карлес Пуйоль		88'
MF	15	Сейду Кейта		86'
MF	20	Ибраһим Афеллай		90+2'
Бапкер:
Хосеп Гвардиола



GK	1	Эдвин ван дер Сар
RB	20	Фабио Перейра да Силва		69'
CB	5	Рио Фердинанд
CB	15	Неманья Видич (к)
LB	3	Патрис Эвра
RM	25	Антонио Валенсия	79'
CM	16	Майкл Кэррик	61'	77'
CM	11	Райан Гиггз
LM	13	Парк Чжи Сун
SS	10	Уэйн Руни
CF	14	Хавьер Эрнандес
Қосалқы құрам:
MF	17	Луиш Нани		69'
MF	18	Пол Скоулз		77'
Бапкер:
Алекс Фергюсон

Финал туралы фактілер

"Манчестер Юнайтедтің" нидерландылық қақпашысы Эдвин ван дер Сар өзінің кәсіби карьерасындағы соңғы кездесуін өткізді.
Матчтың елшісі Англия құрамасының экс-шабуылшысы Гари Линекер болды.
Жеңімпаз команданы марапаттау кезінде кубокты әдеттегіше "Барселонаның" капитаны емес, ұзақ уақыт ауырып, емделіп, жақында ғана қатарға қосылған Эрик Абидаль басынан асыра көтерді.

Дереккөздер

https://www.uefa.com/uefachampionsleague/season=2011/matches/round=2000122/match=2003352/index.html

Сыртқы сілтемелер

УЕФА Чемпиондар Лигасының финалы-2011

[1] ttps://www.uefa.com/uefachampionsleague/season=2011/matches/round=2000122/match=2003352/index.html