УЕФА Чемпиондар Лигасының финалы 2012 УЕФА Чемпиондар Лигасының 2011 12 жылғы маусымының шешуші соңғы матчы 2012 жылы 19

УЕФА Чемпиондар Лигасының финалы 2012 — (УЕФА Чемпиондар Лигасының 2011/12 жылғы маусымының) шешуші, соңғы матчы. 2012 жылы 19 мамырда Мюнхендегі "Альянц Арена" стадионында өтті. Германияның "Бавария" және Англияның "Челси" клубтары кездесіп, негізгі және қосымша уақыт 1:1 есебімен тең аяқталды. Пенальтилер сериясында "Челси" 4:3 есебімен жеңіске жетіп, өз тарихында бірінші рет аталмыш турнирде топ жарды.

УЕФА Чемпиондар Лигасының финалы 2012

Турнир

(УЕФА Чемпиондар Лигасы 2011/12)

"Челси" пенальтилер сериясында 4:3 есебімен жеңіске жетті.

Дата

19 мамыр 2012

Стадион

"Альянц Арена",, Мюнхен

Көрермендер

62 500

2011

2013

Матч

Финалдық матчқа "Челсидің" төрт бірдей белді футболшысы сары қағаздар мен қызыл қағадардың кесірінен қатыса алмады. Олар: Джон Терри, Рауль Мейрелиш, Бранислав Иванович және Рамирес. Футболшы жетіспей жатқан соң, негізгі құрамға бұрын ешқашан Чемпиондар Лигасында ойнамаған жартылай қорғаушы Райан Бертрандты қосуға тура келді. Осылайша, Бертранд өзінің аталмыш турнирдегі дебютін финалда бір-ақ бастаған тарихтағы тұңғыш футболшы атанды.

"Бавария" да финалда Луис Густаво Диас, Давид Алаба, Хольгер Бадштубер секілді футболшылардың көмегін пайдалана алмады. Бірақ бұлар негізгі құрамның тұрақты ойыншылары болмағандықтан, "Баварияның" бұл жоғалтулары оларға оншалық әсер ете қоймады.

Матч тұтастай алаң иелерінің басымдығымен өтті. "Бавария" футболшылары Петр Чех қорғаған қақпаның кілтін ұзақ уақыт іздеді. Тек 81 минутта ғана сол қанаттан Бастиан Швайнштайгердің әуелетіп асырған добын Томас Мюллер жақын жерден баспен ұрып, торға түсірді. Бұл голдан соң "екінші нөмірде" ойнап жатқан "Челси" есепті теңестіре қояды деп ешкім ойламады. Бірақ матч бітуге бір минут қалғанда Хуан Матаның бұрыштан берген добын Дидье Дрогба баспен соғып, есепті теңестірді. Қосымша таймдарда да бавариялықтар шабуылын бәсеңдетпеді. Сондай шабуылдардың бірінде қорғаушыларға жәрдем беріп, тылда жүрген Дрогба Рибериді шалып жықты да, пенальти белгіленді. Пенальтиді орындауда "Баварияның" ең жолы ауыр футболшысы" атанған Роббен мүлт кетті. Чех соққыны қайтарды.

Пенальтилер сериясындағы алғашқы жұпта Хуан Мата қателесті де, "Бавария" алға шықты. Кейін есеп 3:2 болған сәтте "Бавария" шабуылшысы Ивица Олич қателесті, содан кейінгі жұпта Швайнштайгердің соққысы бағанадан қайтты. Шешуші соққыны Дрогба дәл соғып, "Челси" 4:3 есебімен жеңіске жетті.

Фактілер

"Челси" — Чемпиондар Лигасында топ жарған тұңғыш лондондық клуб.
"Бавария" — финалдық матчта өз алаңында ойнаған тарихтағы тұңғыш команда.

Протокол

19 мамыр 2012
	Бавария	1–1 пен 2-3	Челси	Стадион: Альянц Арена, Мюнхен Көрермендер: 62 500 Төреші: Педру Проэнса
	Мюллер 83'		Дрогба 88'





Бавария





Челси


GK	1	Мануэль Нойер
RB	21	Филипп Лам (к)
CB	17	Жером Боатенг
CB	44	Анатолий Тимощук
LB	26	Диего Контенто
DM	31	Бастиан Швайнштайгер	2'
DM	39	Тони Кроос
RW	10	Арьен Роббен
AM	25	Томас Мюллер		87'
LW	7	Франк Рибери		97'
CF	33	Марио Гомес
Қосалқы құрам:
DF	5	Даниэль ван Бюйтен		87'
DF	13	Рафинья
FW	11	Ивица Олич		97'
Бапкер:
Юпп Хайнкес


GK	1	Петр Чех
RB	17	Жозе Босингва
CB	4	Давид Луис	86'
CB	24	Гари Кэйхилл
LB	3	Эшли Коул	81'
DM	12	Джон Оби Микел
CM	8	Фрэнк Лэмпард (К)
RW	21	Саломон Калу		84'
AM	10	Хуан Мата
LW	34	Райан Бертранд		73'
CF	11	Дидье Дрогба	93'
Алаңға шыққандар:
MF	15	Флоран Малуда		73'
FW	9	Фернандо Торрес	120'	84'
бапкер:
Роберто ди Маттео

Дереккөздер

https://www.uefa.com/uefachampionsleague/season=2012/matches/round=2000267/match=2007693/index.html

Сілтемелер

Турнирдің ресми сайты

[1] ttps://www.uefa.com/uefachampionsleague/season=2012/matches/round=2000267/match=2007693/index.html