Ермек Бекмұхамедұлы Серкебаев 4 шілде 1926 Петропавл 16 қараша 2013 Алматы әйгілі опералық және камералық әнші баритон п

Ермек Бекмұхамедұлы Серкебаев (4 шілде 1926, Петропавл - 16 қараша 2013, Алматы) — әйгілі опералық және камералық әнші (баритон), педагог, КСРО халық әртісі (1959), ҚазКСР халық әртісі (1956), профессор (1982), қоғам қайраткері. Социалистік Еңбек Ері (1986).

Ермек Бекмұхамедұлы Серкебаев
Туған күні	4 шілде 1926 (1926-07-04)
Туған жері	Қазақстан, Петропавл қаласы
Қайтыс болған күні	16 қараша 2013 (2013-11-16) (87 жас)
Қайтыс болған жері	Қазақстан, Алматы қаласы
Азаматтығы	КСРО, Қазақстан
Қызметі	әйгілі опералық және камералық әнші (баритон)
Әкесі	Бекмұхамед Хусайнұлы Серкебаев (1896-1976)
Анасы	Зылиха Сабырқызы Серкебаева (1906—1997)
Жұбайы	Лидия Сергеевна Иванова
Балалары	Алмас - композитор, Байғали - музыкант, "А-Студио" группасының жетекшісі, Ирина - журналист
Марапаттары мен сыйлықтары	Вокалистер конкурсының (Будапешт) лауреаты (1953) ҚазКСР халық әртісі (1956) КСРО халық әртісі (1959) ҚазКСР К.Байсейітова атындағы Мемлекеттік сыйлығының иегері (1972) КСРО Мемлекеттік сыйлығының иегері (1977) Октябрь Революциясы ордені (1984) 2 мәрте Ленин ордені Еңбек Қызыл Ту ордені Социалистік Еңбек Ері (1986) Петропавл қаласының Құрметті азаматы (1990) "Музыка" номинациясы бойынша "Тарлан" сыйлығының лауреаты (2000) "Жыл адамы" фестивалінің жеңімпазы (2011)

Өмірбаяны

Керей тайпасның Тарышы руының Ақсары бөлімінен шыққан. Әкесі - Бекмұхамед Хусайнұлы Серкебаев (1896-1976), педагог, жазушы, ақын, драматург, Қазақстан Жазушылар одағының алғашқы мүшелерінің бірі, білім беру саласында еңбек етті. Анасы - Зылиха Сабырқызы (1906—1997), бастауыш кластар мұғалімі болды. Ермек Серкебаев үшінші сыныптан бастап оқуын Алматыдағы № 54 мектепте оқиды. 1941—1943 ж. П.И.Чайковский атындағы Алматы музыкалық училищесінде скрипка класы бойынша оқып, отбасының материалдық жағдайына байланысты үш жылдан кейін, оны тастап, Қазақстан радиосына дикторлыққа келеді, оған қоса киностудияның кейбір фильмдерінде осы тұрғыда қызмет атқарды.

Еңбек жолы мен жетістігі

1947 жылы Қазақ опера және балет театрына солист болып кіреді.
1951 жылы Алматы консерваториясын профессор А.М.Кургановтың сыныбында тәмамдап, опера және балет театрына оралады. Студент кезінде Абай атындағы опера және балет театрының шығармашылық ұжымына қызмет істеген. Консерваторияны бітірер жылы Абай рөлін орындайды.
1973 жылы Алматы консерваториясының жеке дауыста ән айту кафедрасының оқытушысы болған.
1982 жылы профессор атанады.
50 астам шетел мемлекеттерінде (Румыния, Пәкістан, Франция, Үндістан, Қытай, Бельгия, Куба, Швейцария, Швеция, Финляндия, т.б.) өнер көрсетті.
7-шақырылған КСРО Жоғарғы Кеңесінің депутаты.
8-11-шақырылған Қазақ КСР Жоғарғы Кеңесінің депутаты.

Репертуары

Орыс және шетелдік, сонымен қатар советтік классикалық опералардың негізгі партиялары:

Қожағұл, Амангелді (М. Төлебаев, «Біржан мен Сара»; М.Төлебаев және Е.Брусиловский, «Амангелді»);
Абай, Серке (А.Жұбанов пен Л.Хамиди, "Абай"; С.Мұхамеджанов, "Айсұлу");
Тарғын, Артем (Е.Брусиловский, "Ер Тарғын", "Дударай");
Онегин, Елецкий (П.Чайковский, "Евгений Онегин", "Пиковая дама");
Петруччио (В.Шебалин, "Укрощение строптивой");
Фигаро (Дж.Россини, "Севильский цирюльник");
Валентин ("Фауст");
қазақтың халық әндері, орыс және шет ел композиторларының шығармалары.

Кинодағы рөлдері

1957 - режиссер Ш.Айманов: "Біздің сүйікті дәрігер" - Тәкен
1959 - КСРО, Орталық телевидение: музыкалық фильм "В этот праздничный вечер"
1961 - режиссер Ш.Айманов: "Ән шақырады" - Досай Нұрланов
1968 - режиссер Ш.Айманов: "Тақиялы періште" - Шыңғыс
1976 - "Медеудегі кездесу"

Марапаттары

Вокалистер конкурсының (Будапешт) лауреаты (1953)
ҚазКСР халық әртісі (1956)
КСРО халық әртісі (1959)
ҚазКСР К.Байсейітова атындағы Мемлекеттік сыйлығының иегері (1972)
КСРО Мемлекеттік сыйлығының иегері (1977)
Октябрь Революциясы ордені (1984)
2 мәрте Ленин ордені
Еңбек Қызыл Ту ордені
Социалистік Еңбек Ері (1986)
Петропавл қаласының Құрметті азаматы (1990)
"Музыка" номинациясы бойынша "Тарлан" сыйлығының лауреаты (2000)
"Жыл адамы" фестивалінің жеңімпазы (2011)

Дереккөздер

Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
Есбол Күрсарыұлы (1550-1654) | Kerey.kz/Керей.кз.
Казахская политическая и интеллектуальная элита: клановая принадлежность и внутриэтническое соперничество – тема научной статьи по истории и историческим наукам читайте беспла...
Күзембаев С. Воспеть прекрасное. Алма-Ата, 1982.
Кожиров Б. "Қазақ елінің атақты музыка өнерпаздары" 2010г.
Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2

Серкебаев Ермек Баймуханбетович// Официальный интернет-ресурс Северо-Казахстанской области

[1] Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

[2] Есбол Күрсарыұлы (1550-1654) | Kerey.kz/Керей.кз.

[3] Казахская политическая и интеллектуальная элита: клановая принадлежность и внутриэтническое соперничество – тема научной статьи по истории и историческим наукам читайте беспла...

[4] Күзембаев С. Воспеть прекрасное. Алма-Ата, 1982.

[5] Кожиров Б. "Қазақ елінің атақты музыка өнерпаздары" 2010г.

[6] Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2