Гүлназ Жоланова

Гүлназ Жоланова (12 қараша 1993 жыл, Ақтау) — қазақстандық актриса, биші, жарнама моделі және тележүргізуші. «Қазақ Аруы-2014» ұлттық сән байқауының бас жүлдегері. «Махаббатым жүрегімде», «Қыздар» сериалдарының негізгі рөлін сомдады. Қыздардағы рөлі үішн «Жас актриса», «Үздік кейіпкер» номинацияларын иеленді және жиырмадан астам фильмдерде рөл сомдады, кино мен телевизияда жүреді.

Гүлназ Жоланова
Жалпы мағлұмат
Туған күні	12 қараша 1993 (1993-11-12) (30 жас)
Туған жері	Ақтау, Маңғыстау облысы, Қазақстан
Азаматтығы	Қазақстан
Мамандығы	актриса

Мансабы

Гүлназ Жоланова 1993 жылғы 12 қарашада, Ақтаудағы төртбалалы үйде дүниеге келген. Әпкесі, ағасы және інісі бар. Жоланованы жалғыз анасы тәрбиеледі. Жоланова Ақтау экономикалық лицейінде оқыған және Әл-Фараби атындағы Қазақ ұлттық университетінің журналистика факультетін тәмамдап туризм менеджері мамандығын алған.

Бишілігі

Жоланова — Ресей (2006), Чехия (2008), Аустрия (2008), Солтүстік Македония (2009) және Арменияда (2010) өткен ұлттық би санатындағы халықаралық байқаулардың лауреаты.

Модельдігі

Гүлназ Жоланованың туыстары әлеуметтік желіден сұлулық байқауын өткізу туралы хабарландыруды көріп қалған. Олар қызбен байланысып, оған өзін сынап көруге кеңес берді. Жас үміткердің бойы аласа (169 сантиметр) және шашы қысқа болғанына қарамастан Жоланова «Қазақстан аруы — 2014» атағының иегері атана алды. Байқауға ол өзінің туған қаласының атынан қатысты. Іс-шараға дайындық бір айдан астам уақытқа созылды. Байқаудағы жеңіс және «Шайн Продакшн» продюсерлік орталығындағы жұмыс оның кинодағы мансабын бастады.

Актрисалығы

Алғашқы дебютін Жоланова «Махаббат әрқашан менің жүрегімде» (2015–2016) мелодрамалық сериясында жасады. Кәмшат кейіпкерінің рөлін сомдағаны үшін ол белгілі болды. Оның әйгілі фильмдері қатарында осы шығармалар бар:

• Маэстро (2015) — деректі өмірбаяндық драма.
• Тараз (2016) — экшн-фильм.
• Мәңгілік үміт (2017) — драмалық сериал.
• Тұрақты уақыт (2018) — спорттық драма.
• Uzilmes Umit (2018) — шағын сериал.
• (2018) — драма.
• Әкім (2019) — комедия.
• Ессіз әйелдің күнделігі (2019) — комедия.
• Шабдалы көшесі (2020) — комедиялық мелодрама.
• Сәлем, мен Нұрлан Қоянбаев (2021) — сериал.

Гүлназ Жоланова «Қазақша бизнес» (2016-2023) атты бірнеше фильмнен тұратын комедиялық медиафраншизадағы Айсұлу рөлі үшін де танымал.

Сондай-ақ актрисаның қатысуымен Тимур Дулатовтың «Кем дегенде кинода» комедиясы (2022), «Сұлу мен Нұрдәулет» (2022) шағын сериалы, «Аула Ханшайымы» (2022 жылдан бастап), «Жорға. Бір бидің тарихы» (2021 жылдан бастап), онда Гүлназ рөлдерді ойнаған сериалдары бар. Гүлназ Жоланованың жанкүйерлері оны «Жаңа күн» және «Жексенбі» бағдарламаларында көре алады.

Өз өмірі

2023 жылғы ақпанның ортасында актриса өзінің сырға салу рәсімінен суретін жария қылды. Рәсімге әнші Мадина Сәдуақасова да қатысқан. Жоланова жарының қоғамдық тұлға емес екенін айтты. Жұп бірлескен фотосуреттерін жарияламайды, Жоланова күйеуінің есімін құпия ұстайды.

Жоланова кумирі ретінде америкалық тележүргізуші және актер Вуди Алленді көреді. Жоланова бұрын кино түсіру, режиссёр болу ниетін білдірген. Ол орыс, түрік, қазақ және ағылшын тілдерін меңгерген және ат шабу мен семсерлесумен айналысады.

Дереккөздер

1. Гульназ Жоланова: факты из жизни и развитие карьеры актрисы  (орыс.). nur.kz (23 октября 2023). Тексерілді, 28 тамыз 2024.
2. Гульназ Жоланова: фото, биография, фильмография, новости - Вокруг ТВ  (орыс.). vokrug.tv.
3. Гульназ Жоланова (Gulnaz Zholanova): фильмы, биография, семья, фильмография — Кинопоиск  (орыс.). kinopoisk.ru. Тексерілді, 28 тамыз 2024.