Алматы ауданы (Ақтөбе)

Алматы ауданы — Ақтөбе қаласының әкімшілік-аумақтық бірлігі. Халқы — 246 135 адам (2023). Уақыт белдеуі — UTC+5.

Қала ішіндегі аудан
Алматы ауданы
Әкімшілігі
Облысы	Ақтөбе облысы
Қаласы	Ақтөбе
Әкімі	Аслан Серікұлы Шуиншалиев
Аудан әкімдігінің мекенжайы	Ақтөбе қаласы, Қарғалы тұрғын массиві, 60 лет Октября көшесі, №70Б
Тарихы мен географиясы
Құрылған уақыты	2018 жыл
Уақыт белдеуі	UTC+5:00
Тұрғындары
Тұрғыны	246 135 адам (2023)
Сандық идентификаторлары
Телефон коды	+7 7132
Автомобиль коды	04
Ақтөбе қаласы «Алматы» ауданы әкімінің аппараты

     Астана ауданы     Алматы ауданы

 Басқа мағыналар үшін Алматы ауданы деген бетті қараңыз.

2018 жылдың 30 наурызында Ақтөбе қаласының мәслихатының сессиясында Ақтөбе әкімінің ұсынысы бойынша екі ауданды құру жайында шешім қабылданды және Ақтөбе қалалық әкімдігі аумағында екі әкімшілік ауданды құруға дайындық жұмысы басталды.

Тұрғындар Елек ауданы атауын ұсынды.

Шекарасы

Алматы ауданы Ақтөбе қаласының шығыс бөлігінде орналасқан. Ауданның батыс бөлігі Астана ауданымен шекаралас. Солтүстік бөлігі Ақтөбе облысының Мәртөк ауданымен шектеседі. Солтүстік-шығыс бөлігі Ақтөбе облысының Қарғалы ауданымен, шығыс және оңтүстік-шығыс аумағы Ақтөбе облысының Хромтау ауданымен шектеседі. Оңтүстік жағы Ақтөбе облысының Алға ауданымен іргелес.

Ауданның шекарасы Ақтөбе қаласының солтүстік бөлігінен басталып, теміржолдан облыстық маңызы бар "Ақтөбе-Мәртөк" автомобиль жолын кесіп, ауылшаруашылығы мақсатындағы жерлерден өтіп, солтүстік-шығыс бағытында бұрылып, бағытында орман шаруашылығы жерлерінің бойымен "Елек" өзенін өтіп,9700 метр арақашықтықта Мәртөк ауданымен шекаралас ауылшаруашылығы мақсатындағы жерлерге жетіп, оңтүстік-батыстағы ауылшаруашылығы мақсатындағы жерлердің шетімен жоғарғы аймақты өтіп, шығыс бағытқа жүріп, 14300 метр арақашықтықтан оңтүстік-шығыс бағытта солтүстікке қарай бұрыла жүріп, 16100 метр арақашықтықтан "Бұтақ" өзенінің бойымен Мәртөк ауданының шекарасына дейін барады. Мәртөк ауданы шекарасының жиегімен "Ақтөбе-Родниковка" автомобиль жолымен қиылысып, Ақтөбе қаласының солтүстік-шығыс бөлігіне дейін жетеді. 6800 метр арақашықтыққа дейін оңтүстік-шығыс бағытына бұрылып, 17700 метр арақашықтыққа дейін ауданның шығыс бағытына бұрылып, "Қарғалы" өзенін және Хромтау ауданының шекарасы бойындағы Шиелісай ауылының қасындағы "Ақтөбе-Орск" облыстық маңызы бар автожолын қиып өтіп, солтүстік-шығыс бөлігінде Қарғалы ауданының шекарасына дейін барады. Хромтау ауданы шекарасының жиегімен ауылшаруашылығы мақсатындағы жерлері арқылы өтіп, солтүстік-шығыс, шығыс, оңтүстік-шығыс бөліктегі жоғарғы аймаққа қарай сай арқылы беталып, жоғары вольтты желілер мен "Қазтрансойл" акционерлік қоғамдастығының желілерінен өтіп, 16300 метр арақашықтықтан "Жаман-Қарғалы" өзенін қиып, Өлке ауылының қасындағы "Ақтөбе-Хромтау" автомобиль жолына дейін барады. Автомобиль жолынан Хромтау ауданының шекарасын бойлай өтіп, ауылшаруашылығы мақсатындағы жерлер мен сай арқылы оңтүстік-шығыс бағытпен жүріп, 8900 метрге дейін жетіп, Табантал ауылының автомобиль жолына жетеді. Әрі қарай оңтүстік-шығысқа қарай жалғасып, ауылшаруашылығы мақсатындағы жерлері арқылы 15000 метр арақашықтықтан кейін Алға ауданының шекарасына барып тіреледі. Алға ауданының шекарасынан оңтүстік бағытта 10100 метр арақашықтықтан Астана ауданының шеткі шекарасына тіреліп, оңтүстік-батысқа қарай беталып, "Қазтрансойл" акционерлік қоғамдастығы желілерімен өтіп, Ақтөбе суқоймасына дейін барады. Ақтөбе суқоймасынан 2000 метрден кейін "Ақтөбе-Астрахань" автомобиль жолына дейін, "Ақтөбе-Астрахань" автомобиль жолынан теміржолға жетіп, осы жерден теміржол бойымен бастапқы санау нүктесіне келеді.

Әкімдері

• Алмаз Әлімбаев 2018-2019
• Әділкерей Әуелбаев 2019-2020
• Әміржан Оразғалиев 2020-2022
• Абат Көбенов 2022
• Медет Ысқақов 2022-2023
• Аслан Шуиншалиев 2023-

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға) Мұрағатталған 5 наурыздың 2023 жылы.
2. Ақтөбе қаласында екі ауданды құру және қала аудандарының шекараларын белгілеу туралы.