Астана ауданы Ақтөбе қаласының әкімшілік аумақтық бірлігі Халқы 313 830 адам 2023 Уақыт белдеуі UTC 5 Қала ішіндегі ауда

Астана ауданы — Ақтөбе қаласының әкімшілік-аумақтық бірлігі. Халқы — 313 830 адам (2023). Уақыт белдеуі — UTC+5.

Әкімшілігі
Қала ішіндегі аудан
Астана ауданы
Облысы	Ақтөбе облысы
Қаласы	Ақтөбе
Әкімі	Алмас Жақсылықұлы Жақсылықов
Аудан әкімдігінің мекенжайы	Ақтөбе қаласы, Сәңкібай батыр даңғылы, №145Б
Тарихы мен географиясы
Құрылған уақыты	2018 жыл
Уақыт белдеуі	UTC+5:00
Тұрғындары
Тұрғыны	313 830 адам (2023)
Сандық идентификаторлары
Телефон коды	+7 7132
Автомобиль коды	04
Ақтөбе қаласының «Астана» ауданы әкімінің аппараты

2018 жылдың 30 наурызында Ақтөбе қаласының мәслихатының сессиясында Ақтөбе әкімінің ұсынысы бойынша екі ауданды құру жайында шешім қабылданды және Ақтөбе қалалық әкімдігі аумағында екі әкімшілік ауданды құруға дайындық жұмысы басталды.

Тұрғындар Сазды ауданы атауын ұсынды.

Шекарасы

Астана ауданы Ақтөбе қаласының батыс бөлігінде орналасқан. Ауданның шығыс бөлігі Алматы ауданымен шекаралас. Солтүстік бөлігі Ақтөбе облысының Мәртөк ауданымен шекаралас. Оңтүстік-батыс, батыс және солтүстік-батыс аумағы Ақтөбе облысының Алға ауданымен шектеседі.

Аудан шекарасы Ақтөбе қаласының солтүстік-батыс бөлігінен басталып, теміржолмен, жоғары аймақты өтіп, 5500 метрді қамтитын ауылшаруашылығы мақсатындағы жерлермен өтіп, ауылшаруашылығы мақсатындағы жерлердің солтүстік-батыс бөлігінің жиегімен, батыс бағытында 12800 метр арақашықта бұрылып, 6000 метрге дейін оңтүстік-батысқа бағытталып, Құрашасай ауылына жетеді. Құрашасай ауылының қасындағы Алға ауданының шекарасы жиегімен "Самара-Шымкент" республикалық маңызы бар автомобиль жолы мен "Жіңішке" көлін қиып өтіп, Ақтөбе қаласының батыс бөлігімен ұштасады. Алға ауданы шекарасымен байланыса отырып, ауылшаруашылығы мақсатындағы жерлер арқылы 9200 метр қашықтыққа жоғарғы аймаққа жүріп, 8000 метр арақашықтықтан оңтүстік-батыс бағытқа бұрылып, орман шаруашылығы жерлерінің бойымен "Ақтөбе-Богословка" облыстық маңызы бар автомобиль жолына дейін жетеді. "Ақтөбе-Богословка" облыстық маңызы бар автомобиль жолынан батыс бағытқа бұрылып, 5500 метр арақашықтықтан Алға ауданы шекарасына дейін, Сазды ауылы бойымен оңтүстік-батысқа бұрылып, Сазды өзені арқылы өтіп, ауылшаруашылығы мақсатындағы жерлердің бойымен 12100 метр арақашықтықтан оңтүстікке бұрылып, жоғары вольтті желілер арқылы Алға ауданы шекарасынан теміржолға жетіп, осы жерден бастапқы санау нүктесіне келеді.

Әкімдері

Бағжан Тілегенов 2018-2019
Дариға Исмағамбетова 2019-2021
Мамырғали Аққағазов 2021-2022
Айбек Көпенов 2022-2023
Алмас Жақсылықов 2023-

Дереккөздер

Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
Ақтөбе қаласында екі ауданды құру жəне қала аудандарының шекараларын белгілеу туралы.

[1] Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)

[2] Ақтөбе қаласында екі ауданды құру жəне қала аудандарының шекараларын белгілеу туралы.