2006 жылы Германияда өткен әлем чемпионатының шешуші матчы 9 шілдеде Берлиндегі Олимпиадалық стадионда Италия және Франц

2006 жылы Германияда өткен әлем чемпионатының шешуші матчы. 9 шілдеде Берлиндегі Олимпиадалық стадионда Италия және Франция құрамалары кездесіп, негізгі уақыт 1:1 есебімен тең аяқталды. Пенальтилер сериясында Италия 5:3 есебімен ұтып, төртінші рет әлем чемпионы атанды.

Футболдан әлем чемпионатының финалы

Турнир

Футболдан әлем чемпионаты 2006

Дата

9 шілде 2006

Стадион

Олимпиадалық стадион, Берлин

Көрермендер

75 000

2002

2010

Толық мақаласы: Футболдан 2006 жылғы әлем біріншілігі

Матч

Чемпионат басталмай жатып, француз футболшысы Зинеддин Зидан турнир біткесін үлкен футболдан кететінін сан рет мәлімдеген болатын. Осылайша, финалдық матч оның кәсіби футболшы карьерасындағы соңғы ресми кездесу болып тарихта қалды.

Ойынның 6 минутында айып алаңына доппен кірген Флоран Малуда Марко Матеррацимен аздап соқтығысты да, жығылып түсті. Төреші италиялықтардың наразылығын елеместен, пенальти белгіледі. Пенальтиді Зидан мүлтіксіз орындады. Осылайша екінші финалда гол соққан Зидан 1958-62 жылдардағы Вава мен 1974-82 жылдардағы Пауль Брайтнердің жетістігін қайталады.

19 минутта Марко Матеррацци тағы да көзге түсті. Пирлоның бұрыштан берген добын баспен ұрып есепті теңестірді. Дәл осы жәйт 35-минутта қайталануға сәл қалды. Тағы да бұрыштан доп асырылып, бұл жолы Францеско Тоттидің баспен ұрған соққысы маңдайшадан қайтты. Негізгі уақытта 1:1 есебі өзгермей, 100-ші минутта Зиданның баспен ұрған қауіпті соққысын италиялық қақпашы Джанлуиджи Буффон сыртқа қайтарып жіберді.

Зидан мен Матерацци

109-минутта француздардың кезекті шабуылы нәтижесіз аяқталып, ойыншылар Италияның айып алаңынан алаңның ортасына беттеп бара жатқан кезде Зидан Матеррацциді кеудеден баспен соғып шалқасынан түсіреді. Кейін қос футболшының түсіндіруінше былай болыпты: Матеррацци Зиданның жейдесінен тартып тоқтатпақ болған. Зидан оған "Футболканы тарта берме, ойын біткен соң онсыз да саған сыйға тартамын" депті. Матеррацци "футболкадан гөрі қарындасыңды бер" дегенге ұқсайды. Ашуға булыққан Зидан оны баспен соғып гүрс еткізген. Зиданның айтуынша, ол матч барысында бірнеше рет ауыр сөздер айтқан.

Төреші ә дегенде бұл жәйтті аңғармайды. Кейін қапталдағы көмекшісінен бәрін сұрап алып, Зиданды алаңнан қуды.

Кейін ФИФА-ның тәртіптік кеңсесі Матерацциді екі ойыннан шеттетіп, біраз айыппұл төлеткен. Зиданды үш ойыннан шеттетіп, оған да біраз айыппұл төлеткен. Бірақ Зидан карьерасын мүлдем аяқтағандықтан, оған үш күн бойы қоғамдық жұмысты тегін атқару жайлы шешім шығарады.

Пенальтилер сериясы

Зидан қуылып, бір ойыншысы артық болса да, қалған 10 минут ішінде Италияның басымдығы біліне қоймай, жеңімпаз пенальтилер арқылы анықталды. Екінші жұптағы Давид Трезегенің нәтижесіз (доп маңдайшадан қайтты) соққысынан соң Италия 2:1 есебімен алға шықты. Мұнан соң ешкім де қателеспеді. Соңғы соққыны Фабио Гроссо орындап, есепті 5:3-ке жеткізді. Осылайша француздарға бесінші соққыны орындаудың қажеті болмай, Италия төртінші рет әлем чемпионы атанды.

Италия құрамасы 1990, 1994, 1998 жылдарғы әлем чемпионаттарында пенальтилер сериясында тек ұтылып келіпті. Тарихта тұңғыш рет пенальтилер сериясында жеңіске жетті. Француздар тек бір мәрте, 1982 жылы ғана пенальтилер сериясында ГФР-ге есе жіберіп қойып еді. Қызығы сол — сол жылы да Италия Әлем чемпионы атанған.

Протокол

9 шілде 2006

Италия	1:1 5:3 пен (1:1, 0:0)	Франция
Марко Матерацци 19'	Голдар	Зинедин Зидан 7' пен

Олимпиаштадион, Берлин
Төреші:

Орасио Элисондо

Италия

Франция



ққ	1	Джанлуиджи Буффон
қр	3	Фабио Гроссо
қр	5	Фабио Каннаваро (к)
қр	19	Джанлука Дзамбротта	5'
қр	23	Марко Матерацци
жқ	8	Дженнаро Гаттузо
жқ	10	Франческо Тотти		61'
жқ	16	Мауро Каморанези		86'
жқ	20	Симоне Перротта		61'
жқ	21	Андреа Пирло
ш	9	Лука Тони
Алмасулар:
жқ	4	Даниэле де Росси		61'
ш	15	Винченцо Яквинта		61'
ш	7	Алессандро Дель Пьеро		86'
Бапкер:
Марчелло Липпи


ққ	16	Фабьен Бартез
қр	3	Эрик Абидаль
қр	5	Вильям Галлас
қр	15	Лилиан Тюрам
қр	19	Вилли Саньоль	12'
жқ	4	Патрик Виейра		56'
жқ	6	Клод Макелеле
жқ	7	Флоран Малуда	111'
жқ	10	Зинедин Зидан (k)
жқ	22	Франк Рибери		100'
ш	12	Тьерри Анри		107'
Алмасулар:
жқ	18	Алу Диарра	76'	56'
жқ	20	Давид Трезеге		100'
ш	11	Сильван Вильтор		107'
Бапкер:
Раймон Доменек

Дереккөздер

https://www.fifa.com/worldcup/archive/germany2006/matches/match/97410064/
http://www.lenta.ru/news/2007/08/18/materazzi/
http://lenta.ru/news/2006/07/12/sorryzi/
http://www.sport-express.ru/art.shtml?124720(қолжетпейтін сілтеме)

Сілтемелер

[1] ttps://www.fifa.com/worldcup/archive/germany2006/matches/match/97410064/

[2] ttp://www.lenta.ru/news/2007/08/18/materazzi/

[3] ttp://lenta.ru/news/2006/07/12/sorryzi/

[4] ttp://www.sport-express.ru/art.shtml?124720(қолжетпейтін сілтеме)