Тоби Алдервейрелд

Тобиас Альбертине Мауриц Алдервейрелд (нид. Tobias Albertine Maurits Alderweireld, оқылуы [ˈtoːbi ˈɑldərˌweːrəlt]; 1989 жылы 2 наурызда туған, , Антверпен) — бельгиялық футболшы, «Әл-Духайль» футбол клубы мен Бельгия құрама командасының орталық қорғаушысы.

Тоби Алдервейрелд
Жалпы мағлұмат
Толық аты	Тобиас Альбертине Мауриц Алдервейрелд (нид. Tobias Albertine Mauritz Alderweireld)
Туған күні	2 наурыз 1989 (1989-03-02) (35 жас)
Туған жері	Вилрейк, Антверпен, Фландрия, Бельгия
Азаматтығы	Бельгия
Бойы	187 см
Салмағы	90 кг
Позиция	орталық қорғаушы
Клуб жайлы ақпарат
Клуб	Әл-Духайль
Номері	4
Жастар клубы 1994—1999 Жерминаль Экерен 1999—2004 Жерминаль Беерсхот 2004—2008 Аякс Клуб карьерасы 2008—2013 Аякс 128 (7) 2013—2015 Атлетико Мадрид 12 (1) 2014—2015 Саутгемптон 26 (1) 2015—2021 Тоттенхэм Хотспур 174 (8) 2021— Әл-Духайль 20 (0) Ұлттық құрамы 2009— Бельгия 118 (5)
Марапаттары мен медальдары
Футболдан әлем чемпионаты Қола Ресей 2018
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналадысоңғы рет жаңартылды: 2 наурыз 2022. Ресми матчтарда ұлттық құрамда болған ойындары мен голдар санысоңғы рет жаңартылды: 10 қазан 2021.
Бұл үлгіні: көру • талқылау • өңдеу

Амстердамдық «Аякс» академиясының тәлімгері. Аяксидтер сапында 2008 жылы ойнай бастады. Нидерландыда орталық қорғаушы, фуллбэк позициясында өнер көрсетті, үш мәрте чемпиондық титулды иемденді, 2010 жылы кубокты жеңіп алды. 2013 жылы «Атлетико Мадрид» сапына ауысты. Әлем біріншілігінен соң «Саутгемптонға» жалға берілді. Бір маусымнан соң, «Тоттенхэмге» көшіп, Лондонда біраз жыл өткізді. 2021 жылдан бастап «Әл-Духайль» сапында доп тебеді.

Футболдан 2018 жылғы әлем біріншілігінің қола жүлдегері.

Балалық шағы

Тоби Алдервейрелд Бельгияның Антверпен қаласы, ауданында, 1989 жылы 2 наурызда дүниеге келген. Оның отбасы Экерен теміржол стансасының маңында өмір сүрген. Соның маңайында футбол стадионы орналасқан болатын. Алдервейрелдтің сөзінше, футболмен 5 жасынан бастап айналыса бастаған. 1999 жылы «Жерминаль Экерен» клубы атауын «Жерминаль Беерсхот» деп өзгертіп, қайта құрылған соң, «Жерминаль Беерсхот» клубы амстердамдық «Аякспен» балалар және жасөспірімдер футболын дамыту мақсатында келісім жасады. «Жерминаль Беерсхот» клубы Ян Вертонгенді, Томас Вермаленді және «Аяксқа» жіберді.

Тобидың ата-анасы ұлдарының футболмен айналысуына қарсы болды, бірақ оның атасы Мауриц Бёйле немересін қолдады. Оның атасы сол кезде «Жерминаль» клубының делегаты еді. Алдервейрелдтің «Аякс» сапында ойнау мүмкіндігі болғанда, ата-анасы бұл шешіміне қарсы болды. Тобидың Брюссельде полиция инспекторы болып жұмыс істейтін ағасы Стив ата-анасын көндірді.

2004 жылы, 15 жасында Тоби Алдервейрелд Амстердамға көшіп келеді. Сенбі күндері ол жасөспірімдер командасындағы матчтарға қатысатын, дәл сол күні оның әкесі Тобиды үйіне апарып тұратын еді. Ал, келесі күні Тоби қайтадан Амстердамға қайтатын. 2007/08 маусымда Алдервейрелд «Аякстың» жастар академиясына алынды. 2007 жылдың ақпан айында ол 2010 жылы 30 маусымға дейінгі кәсіби келісім шартқа қол қойды.

Мансабы

«Аякс»

2008/09 маусым

2008/09 маусымның ортасында «Аякстың» бас бапкері Марко ван Бастен 19 жасар Тоби Алдервейрелдті негізгі құрамға қосады. 2009 жылдың қаңтар айындағы Португалиядағы оқу-жаттығу жиындарына бельгиялықты алып барады. Оның «Аякс» сапындағы дебюттік матчы 2009 жылдың 18 қаңтарында клубына қарсы өтті. Сол ойында Тоби алаңға екінші таймда Миралем Сулейманидің орнына шыққан еді. Ойыншы алмасуының себебі, «Аякстың» екінші шабуылшысы қызыл қағаз алуы болатын. Сондықтан да, бапкерге команданың қорғанысын күшейтуге тура келді.

Сол матчта «Аякс» клубын 4:2 есебімен жеңді.

Тоби Алдервейрелд амстердамдық «Аякс» сапында

Алдервейрелд 2009 жылы 26 ақпанда УЕФА кубогындағы дебюттік ойынын итальяндық «Фиорентинаға» қарсы өткізді, Тоби алаңға 92-минутта шабуылшы Миралем Сулейманидің орнына шығады. Ойын 1:1 есебімен аяқталды, және «Аякс» 1/8 финалға жолдама алды. 1/8 финалда франциялық «Марсельмен» кездесті. Францияда өткен алғашқы матчта амстердамдықтар 2:1 есебімен жеңіліс тапса, екінші ойында 2:2 есебімен тең түседі.

Өзінің дебюттік маусымында Голландия чемпионатында Алдервейрелд 5 матч өткізеді, маусым соңында «Аякс» чемпионатта үшінші орын алады. 2009 жылдың 22 шілдесінде ол «Аякспен» келісім шартын 2014 жылдың 30 маусымына дейін ұзартады.

2009/10 маусым

Маусымның басында негізгі құрамда ойнай бастайды. Командаласы Томас Вермален «Арсеналға» ауысқан соң, Ян Вертонгенмен бірге орталық қорғаныста жұп құрайды. Бірнеше керемет матч өткізгеннен кейін өз шешімін өзгертпейді. 4 қыркүйек күні «Хераклеске» қарсы матчта чемпионаттаға дебюттік голын салды, ойын 3:0 есебімен аяқталды. 27 қаңтар күні клубына гол салып, матчты овертаймға дейін жеткізді. Ойынның аяқталуына бес минут қалғанда шешуші голды салды, матч 3:2 есебімен «Аякстың» пайдасына шешілді. Маусым қорытындыса бойынша, командасының жыл таланты атанды.

2010/11 маусым

УЕФА Чемпиондар Лигасының топтық кезеңінде «Сан Сиро» стадионында «Миланға» қарсы ойында 15 метр қашықтықтан гол салып, есепті 2:0 жеткізеді. Біраз күндер өткен соң, «Фейеноорд» қақпасына да гол соғады.

2011/12 маусым

Маусымаралық үзіліс кезінде өзінің ойынын және қорғаныстағы әріптесі Ян Вертонгенмен түсіністігін жақсартты. Екінші тур аясында өткен «Херенвен» клубына қарсы матчта өзінің керемет голымен көзге түседі.

5 тамыз күні Суперкубоктық матчта ПСВ қақпасына 44 минутта голдың авторы атанады, ойын Эйндховендік клубтың пайдасына 4:2 есебімен шешіледі.

2012/13 маусым

Алдервейрелд үшінші мәрте Нидерланды чемпионы атанады. Оның есебінде үш гол: екеуі — чемпионатта («Твенте» мен « қақпасына) және біреуі — Еуропа Лигасында («Стяуаға» қарсы ойында). Чемпиондар Лигасында «Реал Мадридпен», «Манчестер Ситимен» және «Боруссия Дортмундпен» бір топқа түседі. Топта үшінші орын алып Еуропа Лигасына жолдама алады. Ол турнирде румындарға қарсы жауапты матчта 2:4 есебімен жеңіліп, жарысты аяқтайды.

Клубпен келісімшартының аяқталуына бір жыл қалғанда, Тоби оны ұзартуды жөн көрмеді.

«Атлетико Мадрид»

2013 жылдың тамыз айында Алдервейрелдке біраз клубтар қызығушылық танытады: «Тоттенхэм Хотспур», «Эвертон», «Ливерпуль», «Арсенал», мәскеулік «Спартак», «Атлетико Мадрид». Ол «Атлетико Мадридке» ауысуға шешім қабылдайды. 31 тамыз күні Тоби медтексерістен өткен соң, «Атлетико Мадридпен» төрт жылдық келісім шартқа қол қояды. Бельгиялық прессаның хабарлауынша, трансфер құны 5 млн мен 7 млн еуро арасында болды. Трансфер ресми түрде 2 қыркүйек күні жарияланды. Жаңа клубта Тоби 12 номерді алады. Бірақ, «матрасшылар» сапында бельгиялық негізгі құрамға ене алмады, оның дебюті 20 қазан күні «Эспаньолға» қарсы матч болды, ол алаңға негізгі құрамда шығып, толық матч ойнады, ойын 0:1 есебімен «Эспаньолдың» пайдасына шешілді. Чемпиондық маусымында бар болғаны 12 ойын өткізді, еншісінде «Малага» қақпасына салған жалғыз гол. 2014 жылғы Чемпиондар Лигасының финалының 83-минутында әріптесі Филипе Луисты алмастырды. Экстратаймға жалғасқан матчта Атлетико бітіспес қарсыласы «Реал Мадридке» 1:4 есебімен жеңіліп, күміс жүлдемен шектелді.

«Саутгемптон» (жалға алу)

Диего Симеоненің сеніміне кіре алмаған Алдервейрелд ағылшындық «Саутгемптонге» сатып алу құқығымен бір маусымға жалға берілді. Маусымның басынан-ақ негізгі құрамға ене бастады. 13 қыркүйек күні дебюттік матчын «Ньюкасл Юнайтедке» қарсы өткізіп, 4:0 есебімен ойсырата жеңді. 26 желтоқсанда бұрыштама пасынан баспен өзінің дебюттік голын соқты.

Маусым соңында «Саутгемптон» футболшыны толыққанды сатып алуға дайын болатын, бірақ «Атлетико Мадрид» «Тоттенхэммен» келісімге келіп қойған еді. Алдервейрелд лондондық клубпен 2020 жылға дейінгі келісім шартқа қол қойды. Трансфер құны £11,5 млн құрады.

«Тоттенхэм»

2015 жылдың 8 шілдесінде Алдервейрелд «Тоттенхэммен» 5 жылдық келісімшарт жасасты. Жаңа клубында Аякстағы Кристиан Эриксен, Ян Вертонген сынды бұрынғы әріптестерімен қайта қауышты.

Алдервейрелд мәскеулік ЦСКА'ға қарсы

2015/16

Шілденің 30-ында Алдервейрелд Денверде өткен МЛС жұлдыздарына қарсы ойында дебюттік матчын өткізді. Ол ойында 62-ші минутта Федерико Фасионы алмастырған болатын.

«Тоттенхэм» үшін алғашқы голын қыркүйектің 26-сы күні «Манчестер Сити» қақпасына соқты. Араға екі ай салып, қарашаның 22-сі күні «Вест Хэм Юнайтед» қақпасына бағыттан соққысы нәтижелі болды. 2016 жылдың наурыздың 5-інде солтүстіклондондық дербиде Тоби таблодағы есепті теңестірген болатын. Бір айдан соң, «Манчестер Юнайтедке» салған добы есепті еселеді.

Ағылшын Премьер-лигасындағы дебюттік маусымында Тоби Алдервейрелд өзін лигадағы ең үздік қорғаушылардың бірі ретінде таныта білді. Бұл нәтижеге маусым басындағы қорғаныстағы әріптесі Ян Вертонген, кейіннен Кевин Виммер оң әсер етті. Бұл қорғаушылардың арқасында «Тоттенхэм» 38 матчта небәрі 35 гол жіберіп, бұл көрсеткіш бойынша лига үздігі деп танылды. Маусым қорытындысы бойынша Алдервейрелд ПФА нұсқасы бойынша «жыл командасы» құрамына ілікті.

2016/17

Маусымның басын әдеттегідей негізгі құрамда өткізіп келе жатқанда, 15 қазан күні «Вест Бромвич Альбионмен» ойында жарақат алып, қатардан шығып қалды. Араға екі ай салып, мәскеулік ЦСКАға қарсы Чемпиондар Лигасы матчында қосалқы құрамнан ойынға қосылды. 21 мамырда Халл Сити қақпасына Тоттенхэмнің сол маусымдағы соңғы голын соқты. Тоби Тоттенхэмнің Премьер-лига тарихындағы жеке рекордына себепкер болды: команда 38 турда небәрі 26 гол өткізіп алды (оның 9-ы үйдегі ойындарда соғылған).

2017/18

2017 жылдың 1 қарашасында Реал Мадридке қарсы Чемпиондар Лигасының кезекті ойынында Тоби Алдервейрелд тақым сіңірін қатты жарақаттап алды. Бірнеше ай саптан шығып қалған ол, командаға 5 қаңтар күнгі Ньюпортқа қарсы кубоктық ойында алаңға оралды. Араға екі апта салып, ескі жарақаты қайта маза бере бастады. Өзінің сәтсіз маусымын Тоби бар-жоғы 21 матчпен аяқтады.

Құрамадағы мансабы

Тоби Алдервейрелд (сол жақта) ӘЧ-2014-те Бельгия құрамасы сапында

2009 жылдың мамыр айында Бельгия құрамасының бас бапкері Рене Вандерейкен Алдервейрелдті Жапонияда өткен қатысу үшін ұлттық құрамаға алды. Тобидің құрама сапындағы дебюті 29 мамыр күні Чилиге қарсы ойын болды, ойын 1:1 есебімен аяқталды. Екінші ойында Бельгия Жапониядан 4:0 есебімен жеңілді.

2010 жылы Оңтүстік Африкада өткен Әлем чемпионатының іріктеу кезеңіндегі бірнеше ойынға шақырылды, бірақ қосалқы құрамда қалды.

2014 жылы мамырда Алдервейрелд 2014 жылы Бразилияда өткен әлем чемпионатына шақырылды. Ол турнирдегі барлық бес кездесуде, соның ішінде Аргентинаға қарсы ширек финал ойынында алаңнан көрінді. Бельгия минималды есеппен қарсыласына жол беріп, турнирден қалыс қалды.

2016 жылы мамырда Алдервейрелд Еуро-2016-ға шақырылды. Турнирде командасының барлық бес кездесуінде алаңға шықты, оның үшеуі топтық кезеңде Италия, Ирландия және Швеция құрамаларына қарсы, екеуі плей-офф кезеңінде өтті. Мажарстан құрамасына қарсы 1/8 финалдық кездесуде Алдервейрелд өз командасының алғашқы голын 10-минутта соқты, ал 1/4 финалда Уэльс құрамасына қарсы ойында Бельгия жеңіске жете алмады, қарсыласынан 1:3 есебімен жеңіліп қалды.

Тоби 2018 жылы Ресейде өткен әлем чемпионатына да қатысты. 5 кездесу өткізді: екеуі топтық кезеңде, үшеуі плей-оффта болды, бұл оның командасына Англияға қарсы үшінші орын үшін матчқа қатысуға мүмкіндік берді. Матч 2:0 есебімен Бельгия пайдасына шешілді, Алдервейрелд командасымен бірге қола жүлдегер атанды.

Жеке өмірі

Алдервейрелд 2015 жылдың 19 шілдесінде Шани ван Мигхем есімді әйелге үйленді. Неке Антверпен қаласында қиылды. Тұңғыш балалары Айла 2018 жылы қыркүйек айында туылды. Джейс есімді ұлы 2020 жылы ақпанда өмірге келді.

Жетістіктері

Командалық жетістіктері

«Аякс»

• Голландия чемпионы (3): 2010/11, 2011/12, 2012/13
• Голландия кубогының иегері (1): 2009/10
• Голландия суперкубогының иегері (1): 2009/10

«Атлетико Мадрид»

• Испания чемпионы (1): (2013/14)
• УЕФА Чемпиондар Лигасының финалисті: (2013/14)

«Тоттенхэм»

• УЕФА Чемпиондар Лигасының финалисті: (2018/19)
• Карабао кубогының финалисті: 2020/21

Бельгия

• Әлем Чемпионатының қола жүлдегері: 2018

Жеке жетістіктері

• «Аякстың» жыл таланты: 2009/10
• ПФА жыл командасының мүшесі: 2015/16
• УЕФА Еуропа Лигасы жыл командасының мүшесі: (2015/16)
• «Тоттенхэмнің» жыл ойыншысы: 2015/16

Статистикасы

Клуб

Клуб, маусым, сайыс бойынша өткізген ойыны мен салған голдары

Клуб	Маусым	Лига			Кубок		Еурокубок		Басқа		Жиыны
		Дивизион	Ойын	Гол	Ойын	Гол	Ойын	Гол	Ойын	Гол	Ойын	Гол
Аякс	2008/09	Эредивизие	5	0	0	0	3	0	0	0	8	0
	2009/10	Эредивизие	31	2	6	1	8	0	0	0	45	3
	2010/11	Эредивизие	26	2	4	0	12	3	1	0	43	5
	2011/12	Эредивизие	29	1	3	0	7	1	1	1	40	3
	2012/13	Эредивизие	33	2	3	0	8	1	1	1	45	4
	2013/14	Эредивизие	4	0	0	0	0	0	1	0	5	0
	Жиыны		128	7	16	1	38	5	4	2	186	15
Атлетико Мадрид	(2013/14)	Ла Лига	12	1	6	1	4	0	0	0	22	2
Саутгемптон (жалда)		Премьер Лига	26	1	2	0	0	0	0	0	28	1
Тоттенхэм Хотспур		Премьер Лига	38	4	1	0	16	0	0	0	55	4
	(2016/17)	Премьер Лига	30	1	4	0	5	1	0	0	39	2
	(2017/18)	Премьер Лига	14	0	2	0	5	0	1	0	22	0
	(2018/19)	Премьер Лига	34	0	0	0	12	0	4	0	50	0
	(2019/20)	Премьер Лига	33	2	3	0	6	0	0	0	42	2
	(2020/21)	Премьер Лига	25	1	3	0	5	0	2	0	35	1
	Жиыны		174	8	13	0	49	1	7	0	243	9
Әл-Духаиль		Қатар Жұлдыздар Лигасы	20	0	0	0	0	0	0	0	20	0
Бүкіл мансабы			360	17	37	2	91	6	11	2	499	27

Ұлттық құрама

Ұлттық құрама сапында өткізген ойыны мен салған голдары

Ұлттық құрама	Жыл	Ойын	Гол
Бельгия	2009	4	0
	2010	6	0
	2011	5	0
	2012	5	0
	2013	11	1
	2014	13	0
	2015	9	0
	2016	12	2
	2017	8	0
	2018	15	0
	2019	10	2
	2020	6	0
	2021	14	0
Жиыны		118	5

Халықаралық матчтарды салған голдары

	Күн	Стадион	Қарсылас	Есеп	Нәтиже	Сайыс
1	19 қараша 2013	Патша Бодуэн стадионы, Брюссель, Бельгия	Жапония	2–3	2–3
2	26 маусым 2016	, Тулуза, Франция	Мажарстан	1–0	4–0	УЕФА Еуро 2016
3	7 қазан 2016	Патша Бодуэн стадионы, Брюссель, Бельгия	Босния мен Герцеговина	3–0		Футболдан 2018 жылғы әлем біріншілігі (іріктеу турнирі)
4	9 қыркүйек 2019	Хэмпден Парк, Глазго, Шотландия	Шотландия	3–0	4–0	Футболдан 2020 жылғы Еуропа біріншілігі (іріктеу турнирі)
5	10 қазан 2019	Патша Бодуэн стадионы, Брюссель, Бельгия	Сан Марино	5–0	9–0

Дереккөздер

1. Alderweireld drukt als prof bij Ajax de voetsporen van Vertonghen en Vermaelen.  (нид.). nieuwsblad.be.
2. Alle ogen gericht op Alderweireld.  (нид.). parool.nl.
3. Ajax sign Toby Alderweireld.  (ағыл.). ajax.nl.
4. Ajax finish good training camp.  (ағыл.). ajax.nl.
5. Ajax komt als winnaar uit spektakelstuk.  (нид.). ajax.nl.
6. Ajax houdt zicht op kwartfinale.  (нид.). ajax.nl.
7. Trots overheerst na uitschakeling.  (нид.). ajax.nl.
8. Alderweireld — season 2008/09 Мұрағатталған 23 қазанның 2012 жылы.
9. Alderweireld tot medio 2014 Ajacied.  (нид.). ajax.nl.
10. Ajax confirm offer for Toby Alderweireld after Tottenham linked with defender.  (ағыл.). skysports.com.
11. Everton target Toby Alderweireld would welcome a move to Merseyside according to player's father.  (ағыл.). mirror.co.uk.
12. Long-term Liverpool target Alderweireld issues a 'come and get me' plea to put Premier League's top clubs on high alert.  (ағыл.). dailymail.co.uk.
13. Martinez in danger of losing chase for Ajax £5m man Alderweireld as Spartak strike first.  (ағыл.). dailymail.co.uk.
14. Ajax rejects Atletico offer for Alderweireld.  (ағыл.). goal.com.
15. Алдервейрелд прошёл медосмотр в «Атлетико». eurosport.ru.
16. Ajax rejects Atletico offer for Alderweireld.  (нид.). ajax.nl.
17. Más fuerza para el Atleti.  (исп.). clubatleticodemadrid.com.
18. «Саутгемптон» готов судиться с «Атлетико» в случае перехода Алдервейрелда в другой клуб
19. «Тоттенхэм» согласовал с «Атлетико» трансфер Алдервейрелда за 16 млн еуро
20. «Тоттенхэм» объявил о переходе Алдервейрелда
21. https://www.bbc.com/sport/football/33442272
22. MLS All-Stars 2, Tottenham Hotspur 1 2015 AT&T MLS All-Star Game  (ағыл.). mlssoccer.com.
23. Tottenham centre back Toby Alderweireld is the best defender in the Premier League, claims former Spurs boss Tim Sherwood  (ағыл.). Daily Mail.
24. Who has been the Premier League's best defender so far this season?  (ағыл.). Sky Sports.
25. Charlie Nicholas believes Tottenham's Toby Alderweireld is the most consistent defender in Premier League  (ағыл.). Hitc.com.
26. Toby Alderweireld hails partnership with Spurs centre-back partner Jan Vertonghen  (ағыл.). Sky Sports.
27. Tottenham's Jan Vertonghen set for spell on sidelines with knee injury  (ағыл.). Sky Sports.
28. Phil Thompson raves about Toby Alderweireld and Jan Vertonghen partnership at Tottenham Hotspur  (ағыл.). Hitc.com.
29. Tottenham and Manchester United's stingy defences a stark contrast  (ағыл.). ESPN.
30. The PFA Premier League Team of the Year  (ағыл.). Thepfa.com.
31. Collomoss, Tom. Tottenham FA Cup highlights and analysis: Toby Alderweireld & Co. hand Mauricio Pochettino north London derby headache, The Evening Standard (7 February 2018). Тексерілді 12 шілденің 2018.
32. Chili — Belgium 1:1
33. Alderweireld debuteert met gelijkspel  (нид.)
34. Japan — Belgium 4:0
35. Toby Alderweireld stapt in het huwelijksbootje. HLN (19 June 2015).
36. Maak kennis met Ayla, het dochtertje van Toby Alderweireld en vrouw Shani  (нид.) (4 September 2018).
37. Family and football for Toby. Tottenham Hotspur F.C. (14 February 2020).