Италия Ұлттық футбол құрамасы

Италия Ұлттық футбол құрама командасы (итал. Nazionale di calcio dell'Italia) Италияны халықаралық матчтар мен футболдан турнирлерде ұсынады. Елдегі футбол ұйымының негізгі басқарушысы қол астында бақылауда болады. Федерация 1905 жылдан бастап ФИФА мүшесі болса, 1954 жылдан бастап УЕФА мүшесі болып табылады.

Италия Ұлттық футбол құрамасы
Лақап аты	Squadra Azzurra (Көгілдір көкжалдар)
Конфедерация	УЕФА
Федерация
Бас бапкері	Роберто Манчини
Капитаны	Джорджо Кьеллини
Ең көп ойын саны	Джанлуиджи Буффон (176)
Үздік бомбардир	(35)
ФИФА рейтингі	16 (12. 04. 2018)
ФИФА коды	ITA
Формасы
Негізгі форма Қонақтық форма Резервтік
Италия 6 — 2 Франция (Милан, Италия; 15 мамыр 1910 жыл)
Италия 9 - 0 АҚШ (, Англия; 2 тамыз 1948 жыл)
Мажарстан 7 - 1 Италия (Будапешт, Мажарстан; 6 сәуір 1924 жыл)
Қатысу	17 (бірінші 1934)
Жетістіктері	Чемпиондар, 1934, 1938, 1982, 2006
Еуропа чемпионаты
Қатысу	9 (бірінші 1968)
Жетістіктері	Чемпиондар, 1968, 2020
Бұл үлгіні: көру •  • өңдеу

Тарихы

1982 жылғы әлем чемпионатында

Ұлттық құраманың алғашқы матчы 1910 жылы 15 мамырда Милан қаласында Францияға қарсы өткізілді. Ойын 6:2 есебімен италиялықтардың пайдасына шешілді. 1928 жылы тұңғыш рет Жазғы Олимпиада (Ойындар Амстердамда өтті) чемпионы атанды. Бұл табысын сегіз жылдан соң Берлинде тағы қайталады.

Құрама 1930 жылғы тұңғыш әлемдік мундиальға жолды алыссынып қатыспады. Ал, 1934 жылы белгілі диктатор Бенито Муссолинидің араласуымен Әлем Чемпионаты Италияда өтті. Бір қызығы, турнир қожайыны болса да, іріктеу ойындарына қатысып, Грекияны 4:0 есебімен ұтты да, финалдық турнирге жолдама алды. Әйгілі аңыз-бапкер Витторио Поццо баптаған құрама финалда Чехословакия құрамасын 2:1 есебімен ұтып, алтын жүлдеге қол жеткізді.

Арада төрт жыл өткен соң тағы сол Витторио Поццо жаттықтырған құрама екінші рет әлем чемпионы атанды. Бұл жолғы турнир Францияда өтті. Бұл жолғы жүлде оңайға түспеді: ә дегеннен оларға Норвегия футболшылары қатты қарсылық көрсетіп, қосымша уақытта әзер ұтты, келесі қарсылас — алаң иелері Франция болатын. Оларды да 3:1 есебімен ұтып, жартылай финалда турнирдің жалғыз "еуропалық емес" қатысушысы Бразилиямен кездесті. 2:1 есебімен жеңіске жеткен италиялықтар финалда Венгрия құрамасын ұтты — 4:2. Осылайша тарихта қатарынан екі рет әлемдік додада топ жарған тұңғыш құрама атанды. Кейін бұл жетістікті 1958-62 жылдары Бразилия қайталады.

Бұдан кейінгі әлемдік турнир 1950 жылы өтті. Бірақ бұл жолы да, бұдан кейінгі чемпионаттарда да Италия құрамасы жарқырай алмады. Тек жетпісінші жылдары ғана әлемдік элитаға қайта көтеріле алды. 1968 жылғы Еуропа чемпионатында алтын жүлдеге қол жеткізді. Арада екі жыл өткен соң Мексикадағы Әлем чемпионатында финалға шығып, Бразилиядан 1:4 есебімен ойсырай ұтылды.

1974 жылғы турнирде топтық турнирден шыға алмады. 1978 жылы үшінші орын үшін таласта тағы да Бразилиядан 1:2 есебімен ұтылып қалды. Бірақ 1982 жылғы чемпионатта Бразилиядан есе қайырып, оларды жартылай финалға барар жолда 3:2 есебімен тізе бүктірді. Бұл ойында осыған дейінгі матчтарда бір гол да соқпаған Паоло Росси хет-трик жасады. Паоло Росси Польшамен өткен жартылай финалдық матчта да екі гол соқты, сосын финалда Германияның қақпасын дәл көздеп, есеп ашты. Осылайша ол Италия үшін қатарынан алты гол соғып, чемпионаттың сұрмергені атанды. Финалда 3:1 есебімен ұтқан Италия үшінші рет әлем чемпионы атанды.

Араға 24 жыл салып, осы жетістігін қайталады. 2006 жылы Германияда өткен чемпионатта тек екі матчта ғана тең ойнап, қалған ойындарда түгел жеңіске жетті.

2012 жылғы Еуропа чемпионатында финалға дейін жетіп, Испаниядан 0:4 есебімен ойсырай ұтылып қалды.

2014 жылғы әлем чемпионатында топтан шыға алмады, ал 2018 жылғы әлем чемпионатына жолдама беретін шешуші матчта Швециядан өте алмай, 1958 жылдан бері бірінші рет Әлемдік додадан сырт қалды.

Қызықты фактілер

1974-1990 жылдары қатарынан бес Әлем чемпионатында Аргентина құрамасымен кездескен.

Ит жылдары өткізілген Әлем Чемпионаттарында тек Италия мен Бразилия чемпион атанып келген: 1934, 1958, 1970, 1982, 1994, 2006. Бұл дәстүр 2018 жылы ғана бұзылды.

Атақты футболшылары

• Джино Колаусси
• Сандро Маццола
• Роберто Бонисенья
• Таркизио Бургнич
• Антонио Конте
• Алессандро Альтобелли
• Паоло Росси
• Сальваторе Скиллаччи
• Дино Дзофф
• Франко Каузио
• Паоло Мальдини
• Роберто Баджо
• Алессандро Дель Пьеро
• Джанлуиджи Буффон

Жетістіктері

• Әлем чемпионы: 1934, 1938, 1982, 2006
• Әлемнің күміс жүлдегері: 1970, 1994
• Әлемнің қола жүлдегері: 1990
• Еуропа чемпионы: 1968, 2021
• Еуропаның қола жүлдегері: 2000, 2012
• Олимпиада чемпионы: 1936
• Олмипиаданың қола жүлдегері: 1928, 2004
• Конфедерациялар кубогының қола жүлдегері: 2013

Ойыншылар

Қазіргі құрам

Футболдан 2020 жылғы Еуропа біріншілігіне келесі 26 ойыншы таңдалды.

№	Қақпашылар	Туған күні	Клубы
1		12 қаңтар 1987	Торино
21	Джанлуиджи Доннарумма	25 ақпан 1999	Милан
26		22 наурыз 1997	Наполи
№	Қорғаушылар	Туған күні	Клубы
2	Джованни Ди Лоренцо	4 тамыз 1993	Наполи
3	Джорджо Кьеллини	14 тамыз 1984	Ювентус
4	Леонардо Спинаццола	25 наурыз 1993	Рома
13	Эмерсон Палмери	3 тамыз 1994	Челси
15	Франческо Ачерби	10 ақпан 1988	Лацио
19	Леонардо Бонуччи	1 мамыр 1987	Ювентус
23	Алессандро Бастони	13 сәуір 1999	Интернационале
24	Алессандро Флоренци	11 наурыз 1991	Пари Сен-Жермен
25	Рафаэл Толой	10 қазан 1990	Аталанта
№	Жартылай қорғаушылар	Туған күні	Клубы
5	Мануэль Локателли	8 қаңтар 1998	Сассуоло
6	Марко Верратти	5 қазан 1992	Пари Сен-Жермен
7		17 ақпан 1997	Фиорентина
8	Жоржиньо	20 желтоқсан 1991	Челси
12	Маттео Пессина	21 сәуір 1997	Аталанта
16	Бриан Кристанте	3 наурыз 1995	Рома
18	Николо Барелла	7 ақпан 1997	Интернационале
№	Шабуылшылар	Туған күні	Клубы
9	Андреа Белотти	20 желтоқсан 1993	Торино
10	Лоренцо Инсинье	4 маусым 1991	Наполи
11	Доменико Берарди	1 тамыз 1994	Сассуоло
14	Федерико Кьеза	25 қазан 1997	Ювентус
17	Чиро Иммобиле	20 ақпан 1990	Лацио
20	Федерико Бернардески	16 ақпан 1994	Ювентус
22	Джакомо Распадори	18 ақпан 2000	Сассуоло

Жеке рекордтар

Ойыншылардың рекордтары

Көп матч өткізген ойыншылар

Джанлуиджи Буффон - Италия тарихындағы 176 матчпен ең көп қақпада тұрған ойыншы.

2021 жылғы 20 маусымдағы жағдай бойынша Италия құрамасында ең көп ойын көрсеткен ойыншылар:

#	Аты-жөні	Ойын	Гол	Жылдар
1	Джанлуиджи Буффон	176	0	1997–2018
2	Фабио Каннаваро	136	2	1997–2010
3	Паоло Мальдини	126	7	1988–2002
4	Даниэле де Росси	117	21	2004–2017
5	Андреа Пирло	116	13	2002–2015
6	Дино Дзофф	112	0	1968–1983
7	Джорджо Кьеллини	109	8	2004–қазіргі уақытқа дейін
8	Леонардо Бонуччи	105	7	2010–қазіргі уақытқа дейін
9	Джанлука Дзамбротта	98	2	1999–2010
10	Джачинто Факкетти	94	3	1963–1977

Қарамен жазылған ойыншылар ұлттық футбол құрамасында әлі де белсенді.

Мергендер

Луиджи Рива — Италия тарихындағы ең үздік сұрмерген — 35 гол.

2021 жылғы 11 маусымдағы жағдай бойынша Италия құрамасында ең көп гол соққан ойыншылар:

#	Ойыншы	Гол	Ойын	Арақатынас	Кезең
1	Луиджи Рива	35	42	0.83	1965–1974
2	Джузеппе Меацца	33	53	0.62	1930–1939
3	Сильвио Пиола	30	34	0.88	1935–1952
4	Роберто Баджо	27	56	0.48	1988–2004
	Алессандро Дель Пьеро		91	0.3	1995–2008
6		25	47	0.53	1920–1930
	Филиппо Индзаги		57	0.44	1997–2007
	Алессандро Альтобелли		61	0.41	1980–1988
9	Кристиан Вьери	23	49	0.47	1997–2005
	Франческо Грациани		64	0.36	1975–1983

Қарамен жазылған ойыншылар ұлттық футбол құрамада әлі де белсенді.

Сілтемелер

Италия құрамасының 1910 жылдан бергі матчтары(қолжетпейтін сілтеме)

Дереккөздер

1. In attesa della lista per l’Europeo Mancini chiama 28 Azzurri: domani il raduno a Roma  (итал.). . (30.5.2021). Тексерілді, 30 мамыр 2021.
2. Italy – Record International Players: Appearances for Italy National Team. RSSSF (8 April 2016).
3. Classifica marcatori  (итал.). .