Джузеппе Меацца (стадион)

«Джузеппе Меацца» стадионы (итал. Stadio Giuseppe Meazza) — Милан қаласындағы футбол стадионы, "Сан-Сиро" деген атпен де танымал. "Милан" және "Интер" клубтарына ортақ арена, екі клуб та өз алаңындағы ойындарын осы стадионда өткізеді.

«Сан-Сиро»
4-ші санаттағы УЕФА стадионы
Шынайы атауы	Stadio Giuseppe Meazza
Орналасуы	Милан, Италия
Салынған	19 қыркүйек, 1926 жылы
Жаңартылған	1956, 1989
Сәулетші	Улиссе Стаккини
Сыйымдылығы	80 018
Команда	«Милан»/«Интернационале»
Алаңның өлшемі	105×68 м
Алаң беті	табиғи
Сайты	https://www.sansirostadium.com/stadium/stadio-san-siro
«Сан-Сиро» Ортаққорда
Бұл үлгіні: көру •  • өңдеу

Тарихы

1920 жылдары "Миланның" президенті Пьерро Пирелли бос жатқан аймақты сатып алады да, жаңа стадионның құрылысын бастайды. Стадион 1926 жылы толығымен аяқталады. Стадион "Сан-Сиро" деп аталады. Кейін жергілікті әкімшілік стадионды "Миланнан" сатып алады да, ақырындап үлкейте бастайды. Ә дегенде 35 мың адам жайғаса алатын стадион 1940 жылдары 65 000 адам сыятындай алып аренаға айналады.

1940 жылдардың соңына қарай миландық тағы бір клуб — "Интердің" стадионы — "Арена" үлкен клубтар үшін аздық қылады да, бір қаладағы екі команда үйдегі матчтарын "Сан-Сирода" өткізе берсін деген ұсыныстар екі тараптан да қолдау табады. Бірақ ол үшін "Сан-Сироны" бұдан да үлкейту керек деген де идея ортаға тасталады. Ол идея жүзеге асып, 1955 жылы реконструкция жасалады да, енді стадионға 82 000 адам жайғаса алатын болды.

1979 жылы стадионға атақты италиялық футболшы Джузеппе Меаццаның есімі беріледі.

Стадионға соңғы рет алдағы әлем чемпионатына дайындық ретінде 1989 жылы реконструкция жасалады.

Стадионда өткізілген ірі турнирлер

Стадионда 1934, 1990 жылғы әлем чемпионаттарының бірнеше матчтары, УЕФА Чемпиондар Лигасының төрт бірдей (1965, 1970, 2001, 2016) финалдық кездесу ойнатылған. Сондай-ақ, 1980 жылғы Еуропа чемпионатының үш кездесуі ойнатылды.