Майя Михайловна Плисецкая

Майя Михайловна Плисецкая (20 қараша 1925 — 2 мамыр 2015) — КСРО халық әртісі. 1943 жылы Мәскеу хореографиялық училисін Е.П.Гердт пен М.М.Леонтьеваның класы бойынша бітіргеннен кейім, Үлкен театрдың құрамына қабылданды. Плисецкая — классикалық және қазіргі репертуардың аса үздік орындаушысы. Басты партиялары: П.И.Чайковскийдің "Аққу көліндегі" Одетта-Одилия, "Ұйқыдағы аруындағы" Аврора, А.К.Глазуновтың "Раймондасындағы" Раймонда, Крейннің "Лауренсиясындағы" Лауренсия, Прокофьевтің "Тас гүліндегі" Мыс тауының қожасы, Асафьевтің "Бақшасарай фонтанындағы" Зарема, Минкұстың "Дон Кихотындағы" Китры Бизе-Щедриннің "Кармен-сюитасындағы" Кармен, Щедриннің "Анна Каренинасындағы" Анна Каренина, тағы басқа. Ол орыс хореография мәдениетінің озық дәстүрі мен жаңашыл бағытын би өнерімен ілгері дамытты. 1972 жылы Үлкен театрда Л.Н.Толстойдың шығармасы бойынша басқалармен бірлесіп "Анна Каренина" балетін қойды. Плисецкаяның репертуары тақырып кеңдігімен ерекшеленеді, бірақ үлкен не кішкентай рөл болмасын немесе концерттік нөмір-хореографиялық миниатюра болмасын, ол әр рөліне өзіндік бояу тауып отырды. Музыканы тамаша сезінуі, пластикалығы мен актерлік шеберлігі балерина-актрисаға лирикалық та, драмалық та, трагедиялық та бейнелерді сомдауға көмектесті.

Майя Плисецкая
Туған күні	20 қараша 1925 (1925-11-20)
Туған жері	Мәскеу, КСРО
Қайтыс болған күні	2 мамыр 2015 (2015-05-02) (89 жас)
Қайтыс болған жері	Мюнхен, Германия
Азаматтығы	КСРО →  Ресей  Германия  Литва  Испания
Қызметі	балерина, балетмейстер, балет педагогы, актриса
Белсенді жылдары	1943 - 2015
Театр	Үлкен театр
Марапаттары
IMDb	ID 0687334
Сайты	plisetskaya.de
Майя Плисецкая Ортаққорда

Дереккөздер

1. Өнер: Жалпы білім беретін мектептің жаратылыстану-математика бағытындағы 11-сыныбына арналған оқулык/Қ.Болатбаев, Е.Қосбармақов, А.Еркебай. — Алматы: "Мектеп" баспасы, 2007. ISBN 9965-33-998-8