Риддер Сокольный полиметалл кен орны Шығыс Қазақстан облысында Өскемен қаласынан солтүстікке қарай 100 километр жерде 17

Риддер-Сокольный полиметалл кен орны - Шығыс Қазақстан облысында, Өскемен қаласынан солтүстікке қарай 100 километр жерде. 1784 жылы ашылған.

Геологиялық құрылымы

Кен орны қалыңдығы 700 метрден асатын күрделі дислокацияланған және күшті метаморфтанған тақтатастардан тұратын Лениногор грабенінің көтерілген бөлігінде орналасқан. Өнеркәсіптік кенденуі жағынан: Лениногор (D2e11n) мен Крюковский (D2e1kr) свиталарының шекарасында жатқан төменгі мыс-мырышты және крюковский свитасының ортаңғы және жоғарғы бөлігіндегі қорғасын-мырышты горизонтқа бөлінеді. Олар 20 км² ауданды алып, 19 кенді шоғырларда жинақталған. Кенді шоғырлар мыс-колчеданды, мыс-мырышты, полиметалды, баритполиметалды болып бөлінеді.

Минералдануы, құрамы

Минералдар саны 100-ге дейін жетеді. Кенді минералдану ерте девонның метаморфты тақтатастарымен қоса барлық свиталарда анықталған. Жоғары горизонттарда сыйыстырушы горизонттармен үйлесімді жатқан жазық қабат тәрізді дене, ол тереңдеген сайын қысылып, штокверк типті кенге ауысады. Заттық құрамы жағынан кен полиметалдық, ондағы қорғасын, мырыш, мыстың арақатынасы 1:2,1:0,2, ал мыс-мырыштыда 1:4,3:8,1 болады. Негізгі өнеркәсіптік құраушыларға қорғасын, мырыш, мыс және серіктестеріне алтын, күміс, кадмий, т.б. жатады. Өндірілетін кендер “Қазмырыш” акционерлік қоғамы кәсіпорнының маңызды шикізат базасы болып есептеледі.

Дереккөздер

Қазақ энциклопедиясы , 7 том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ энциклопедиясы , 7 том