Дина Фәһимқызы Гарипова тат Динә Фәһим кызы Гарипова 25 наурыз1991 Қазан Ресей ресейлік әнші Голос телебағдарламасының а

Дина Фәһимқызы Гарипова (тат. Динә Фәһим кызы Гарипова; 25 наурыз 1991, Қазан,Ресей) — ресейлік әнші, «Голос» телебағдарламасының алғашқы жеңімпазы. Репертуарында орыс, татар, ағылшын, итальян және француз тілдеріндегі әндер бар. Шығармашылығының негізгі бағыты-поп және рок-музыка.

Дина Гарипова
тат. Динә Фәһим кызы Гарипова

Туған күні	25 наурыз 1991 (1991-03-25) (33 жас)
Туған жері	Қазан, Татарстан
Азаматтығы	Ресей
Қызметі	әнші
Ортаққордағы Дина Гарипова

Балалық шағы және сәттілікке алғашқы қадамдары.

Дина Гарипова - танымал орыс әншісі. Динаға атақ 2012 жылы Бірінші арнадағы "Голос" вокалдық шоуының жеңімпазы болған кезде келді. Дина Гарипова – Татарстан Республикасының еңбек сіңірген әртісі. Дина Гарипова Еділ жағасында, Зеленодольск қаласында дәрігерлер отбасында дүниеге келді. Қыздың ата-анасы - зиялы қауым өкілдері, екеуі де медицина ғылымдарының кандидаты. Динаның ағасы Болат Гарипов жоғары заң білімділігімен қатар музыкалық шығармашылықпен айналысады. Дина Гарипова 6 жасында қыз «Алтын Микрофон» ән театрының оқушысы болды. 2,4 октавалық диапазондағы Динаның күшті дауысы тіпті мұғалімдері мен тәлімгерлерін таң қалдырды. Ол көптеген байқаулар мен фестивальдарға қатысты.

Оның музыка саласындағы алғашқы үлкен жетістігі 1999 жылы болды. Дина «Firebird» жас орындаушыларға арналған бүкілресейлік байқауының лауреаты болды. Содан кейін Дина «Жар-птица» жас орындаушыларға арналған бүкілресейлік байқауының лауреаты болды. Бірінші жеңістен кейін Дина Гариповаға жер-жерден шақырулар түсті. Ол «Алтын микрофон» ән театры ұжымының құрамында барлық республикалық, бүкілресейлік, тіпті халықаралық жарыстарға қатысты.

"Алтын микрофонда" оқуын аяқтағаннан кейін Дина Татарстанның Халық әртісі Ғабдельфат Сафинмен гастрольдік сапарға шығу туралы ұсыныс алды. Кейін Дина Қазан Федералды Университетінің журналистика факультетінің студенті болуды шешті. 18 жасқа толғанда, ол Роман Оболенскийдің продюсерлік студиясымен келісімшартқа отырып, онымен бірнеше жыл бірге жұмыс істеді. 2010 жылы ол өзінің алғашқы жеке концертін туған жері Зеленодольск қаласында берді. Дина Гарипова өз күшін ұжымдық шығармашылықта сынап көрді. Динаның музыкалық тобы қалалық «Қысқы сахна» байқауына қатысып, бас жүлдені жеңіп алды. Дина келесі жеке концертіне 2 жыл бойы дайындып - ол 2012 жылы өтті.

«Голос» телешоуына қатысу

2012 жыл әнші Дина Гарипова үшін үлкен бетбұрыс кезеңі болды. Ол Бірінші арнадағы танымал «Голос» байқауының қатысушысы болды. Дина «Голос» түсіріліміне дейін британдық «British's Got Talent» шоуына кастингтен өткен болатын, бірақ ол Бірінші арнаның жобасын таңдады. Дина Гарипова шоудың финалына шықты, қарсыласы оның Татарстан Республикасындағы жерлесі Эльмира Калимуллина болды. Аудиторияның дауыс беруі және қазылар алқасы мүшелерінің жалпы бағасы бойынша Дина Гарипова 131% алды, бұл бүкіл әлемдегі «Голос» жобасы үшін рекордтық нәтиже еді. Дина «Голос» жобасында жеңіске жеткені үшін «Юниверсал» студиясымен екі жылдық келісімшарт және Татарстанның еңбек сіңірген әртісі атағын алды.

Eurovision ән байқауы 2013

Толық мақаласы: Eurovision ән байқауы 2013

Дина Гарипова 2013 жылы «Eurovision 2013» ән байқауының бірінші жартылай финалында

«Голос» телешоуының финалында бұрын-соңды болмаған жеңісінен кейін Дина Гариповаға Мальмё қаласында өткен «Eurovision» халықаралық вокалдық байқауына қатысуға ұсыныс жасалды. Байқауға ән таңдау ұзақ уақытты алды. Іріктеу қойылымында Гарипова «What if» әнін орындап, сенімді түрде финалға өтті. 2013 жылғы 18 мамырда «Eurovision 2013» ән байқауының финалы өтті, онда Дина Гарипова оныншы нөмірмен өнер көрсетті және Дания, Әзербайжан, Украина және Норвегия өкілдеріне жол беріп, 174 ұпай жинап, 5-орынға ие болды. Әншінің туған қаласы Зеленодольскіде үлкен экран арнайы орнатылып, оған жергілікті әкім бастаған жүздеген көрермендер жарыстың соңына дейін тікелей эфирден тамашалады.

Соңғы жетістіктері

2013 жылы Дина «Риф» мультфильмінің дауыстық рөліне қатысты. Гарипова сонымен қатар «Оз сиқыршысы» мұз шоу алаңында өз әндерін орындады. Әншінің «Махаббатқа екі қадам» (Два шага до любви) деп аталатын алғашқы альбомы 2014 жылдың қазан айында шықты. Альбом - "Юниверсал Мьюзик" студиясымен жемісті ынтымақтастықтың нәтижесі. Альбомға «Сумерки» (Анна Герман әнінің нұсқасы), «Бесік жыры», "What if" және басқалары – барлығы 12 шығарма кірді. Дина Гарипованың кинодағы алғашқы жұмысы Александр Стефановичтің «Кураж» фильміндегі хатшының рөлі болды. 12 бөлімнен тұратын бұл жұмыс Алла Пугачеваның өмірі мен шығармашылығына арналған. Қосымша рөлден басқа Гарипова фильмде айтылған барлық әндерді өзі орындады. 2016 жылы Дина татар тілінен аударғанда «жан» деген мағынаны білдіретін «Күнел» атты жаңа әнін ұсынды. Бұл композицияға музыканы Дина өзі жазған. Әннің мәтіні татар ақыны Ғабдолла Тукайдың өлеңіне негізделген. 2016 жылы Дина Гарипова Леонид Дербеневтің 85 жылдығына арналған концертке қатысып, «Адамдар әрқашан бірге бола алмайды» композициясын орындады.

Марапаттары

1999 — Бүкілресейлік «Жар-птица» (Иваново) байқауының I дәрежелі лауреаты
2001 — Бүкілресейлік «Созвездие-Йолдызлык» фестивальінің I дәрежелі лауреаты
2005 — Эстониядағы Халықаралық байқауының иегері лауреаты
2008 — Франциядағы Халықаралық байқауының гран-приі
2009 — Ресей президенті Дмитрий Медведевтің сыйлығына үміткер, «Прорыв» форумы.
2012 — , шоуының жеңімпазы.

Дереккөздер

vokrug.tv сайтындағы Дина Гарипованың жеке беті
Зеленодольск.ru сайтындағы Дина Гарипованың ресми беті
http://www.zelenodolsk.ru/article/5396 Дина Гарипова
https://uznayvse.ru/znamenitosti/biografiya-dina-garipova.html
https://rg.ru/2012/12/30/reg-pfo/artistki.html Финалистки "Голоса" стали заслуженными артистками
https://ren.tv/news/shou-biznes/9865-dina-garipova-liudi-vybiraiut-to-chto-ikh-udivliaet Дина Гарипова: "Люди выбирают то, что их удивляет"
https://www.1tv.ru/news/2012-12-30/82693-dina_garipova_iz_tatarstana_pobedila_v_shou_golos Дина Гарипова из Татарстана победила в шоу «Голос»
https://ria.ru/20130515/937342013.html Земляки российской участницы "Евровидения" болели за нее на родине
https://aif.ru/culture/299690 Дина Гарипова озвучила рыбку в голливудском мультфильме «Риф»
https://www.kazan.kp.ru/online/news/2377832/ Победитель шоу «Голос» Дина Гарипова дебютировала в качестве композитора

[1] vokrug.tv сайтындағы Дина Гарипованың жеке беті

[2] Зеленодольск.ru сайтындағы Дина Гарипованың ресми беті

[3] ttp://www.zelenodolsk.ru/article/5396 Дина Гарипова

[4] ttps://uznayvse.ru/znamenitosti/biografiya-dina-garipova.html

[5] ttps://rg.ru/2012/12/30/reg-pfo/artistki.html Финалистки "Голоса" стали заслуженными артистками

[6] ttps://ren.tv/news/shou-biznes/9865-dina-garipova-liudi-vybiraiut-to-chto-ikh-udivliaet Дина Гарипова: "Люди выбирают то, что их удивляет"

[7] ttps://www.1tv.ru/news/2012-12-30/82693-dina_garipova_iz_tatarstana_pobedila_v_shou_golos Дина Гарипова из Татарстана победила в шоу «Голос»

[8] ttps://ria.ru/20130515/937342013.html Земляки российской участницы "Евровидения" болели за нее на родине

[9] ttps://aif.ru/culture/299690 Дина Гарипова озвучила рыбку в голливудском мультфильме «Риф»

[10] ttps://www.kazan.kp.ru/online/news/2377832/ Победитель шоу «Голос» Дина Гарипова дебютировала в качестве композитора