Болат Қасымжанұлы Ұзақов

Болат Қасымжанұлы Ұзақов (25 қараша 1962 жыл, Шелек ауданы, Алматы облысы) — қазақстандық актёр, театр режиссёрі, Қазақстанның еңбек сіңірген қайраткері (2009), Қалибек Қуанышбаев атындағы қазақ мемлекеттік академиялық музыкалық драма театрының қоюшы-режиссёрі.

Болат Қасымжанұлы Ұзақов
Жалпы мағлұмат
Туған күні	25 қараша 1962 (1962-11-25) (62 жас)
Туған жері	Алматы облысы, Қазақ КСР, КСРО
Азаматтығы	КСРО (1962–1991)  Қазақстан (1991–)
Мамандығы	актер театр режиссёрі
Белсенді жылдары	1984–
Бағыты	драма
Марапаттары	Қазақстанның еңбек сіңірген қайраткері

Өмірбаяны

Болат Ұзақов 1962 жылдың 25 қарашасында Алматы облысының Шелек ауданындағы ауылында дүниеге келген. Албан тайпасы Қыстық руынан шыққан.

1980–1984 жылдары ол Т.Жүргенов атындағы Қазақ ұлттық өнер академиясының (бұрынғы Алматы Мемлекеттік театр-көркемсурет институты) Театр факультетін Қазақ КСР халық әртісі, профессор Асқар Тоқпанов пен КСРО халық әртістері Ыдырыс Ноғайбаев және Фарида Шәріпованың сыныбын бітірген.

1994–1997 жылдары Т.Жүргенов атындағы Қазақ ұлттық өнер академиясының «Драма режиссёрі» мамандығы бойынша Қазақстан халық әртісі, профессор Маман Байсеркенов пен Қазақстанның еңбек сіңірген қайраткері Сәулебек Асылхановтың сыныбын бітірген.

1984–1997 жылдары Ұзақов Бикен Римова атындағы Талдықорған қалалық қазақ драма театрының актёрі, әрі қоюшы-режиссёрі болды. 1997 жылдан ол — Қалибек Қуанышбаев атындағы қазақ мемлекеттік академиялық музыкалық драма театрының қоюшы-режиссёрі.

1998 жылдан бастап Астана күніне арналған жыл сайынғы «» бағдарламасының сценарисі және бас режиссёрі. 2003–2012 жылдары «Президент шыршасы» мерекесінің бас режиссёрі. Қазақ ұлттық өнер университетінде «Актерлік өнер» факультетінде «актер шеберлігі» және «сахна тілі» пәндерінен дәріс береді.

Шығармашылығы

Театрдағы актёрлігі

1984–1997 жылдары Бикен Римова атындағы театр сахнасында ойнаған рөлдері: Әуезовтің «» Кебек, «Хан Кенедегі» Наурызбай, «Түнгі сарындағы» Жүніс; Шекспирдың «Асауға тұсауындағы» Транио; Кәрімнің «Ай тұтылған түніндегі» Ақжігіт; «Пұшайман болған әулиесіндегі» Әулие; Исабековтың «Әкпесіндегі» Тимур; «Қара керей Қабанбайдағы» Әлі; «Қыздай жесіріндегі» Дәріс; Балғабаевтың «Қыз жиырмаға толғандағы» Есімсейіт; Ілияс Жансүгіровтың «Күйшісіндегі» Күйші; «Әке тағдырындағы» Жеңісбек.

Режиссёрлік мансабы

1990 жылдардан Болат Ұзақов актерлік өнерімен қатар режиссерлік жұмыспен де айналыса бастады: Ілияс Жансүгіровтің «Күйші»; Мұхтар Әуезовтің «Қанды азу», «Қара қыпшақ Қобланды»; «Еңлік-Кебек»; Тахауи Ахтановтың «Күшік күйеу»; Ақселеу Сейдімбектің «Қош бол ардағым»; Төлен Әбдіктің «Біз үшеу едік»; Ермек Аманшаевтың «Үзілген бесік жыры», «Қыр астындағы ғажайып әлем»; Мұсатай Ақынжанов «Алтын сақа», «Алдардың айласы»; «Күйеуге шыққан кемпірлер»; Серік Тұрғынбековтің «Мұқағали»; «Кеш»; Қанат Жүнісовтің «Махаббат мелодрамасы»; Еркін Жуасбектің «Антивирус»; Думан Рамазанның «Кенесары-Күнімжан», «Керей-Жәнібек»; «Гамлет»; Шерхан Мұртазаның «Бір кем дүние»; Қуаныш Жиенбайдің «Таңғажайып планета»; Сұлтанәлі Базарбайұлы Балғабайдың «Ең жақсы еркек»; «Тіл табысқандар»; өзінің «Үміт», «Жандауа» және т.б режиссёрлік жұмыстары бар.

Марапаттары

• Халықаралық және Республикалық театр фистивальдерінің бірнеше мәрте жүлдегері;
• (2000);
• «Қазақстанның еңбек сіңірген қайраткері» құрметті атағы (2009, Елбасының жарлығымен);
• Қазақстан Республикасының тәуелсіздігіне 20 жыл медалі (2011);
• ТМД Халықаралық "" сыйлығы (2015);
• Қазақстан Республикасының Тәуелсіздігіне 25 жыл медалі (2016).

Дереккөздер

1. Сағыныш Еспергенұлы Бәйдібек баба - Алып бәйтерек ұрпақтар шежіресі, Қыстық руы кітабы — Алматы: Исламнұр, 2020. — 460 б. — ISBN 9978-601-7295-14-1.