Алина Қабаева

Әлинә Маратқызы Қабаева (тат. Алина Марат кызы Кабаева, Älinä Marat qızı Qabayeva) — ресейлік, әлемдік көркем гимнастиканың шоқ жұлдызы.

Марапаттар
Олимпиада ойындары
Алтын	Жазғы Олимпиадалық Ойындар 2004
Қола	Жазғы Олимпиадалық Ойындар 2000
Алтын	1998 Seville	Rope
Алтын	1999 Osaka	Team
Алтын	1999 Osaka	All-around
Алтын	1999 Osaka	Ball
Алтын	1999 Osaka	Ribbon
Алтын	2003 Budapest	Team
Алтын	2003 Budapest	All-around
Алтын	2003 Budapest	Ball
Алтын	2003 Budapest	Ribbon
Алтын	2007 Patras	Team
Күміс	1998 Seville	Hoop
Күміс	1998 Seville	Ribbon
Күміс	1999 Osaka	Rope
Күміс	1999 Osaka	Hoop
Күміс	2003 Budapest	Hoop
Қола	2003 Budapest	Clubs
Қола	2007 Patras	Ribbon

Әкесі — Марат жастайынан ала доптың құдіретіне арбалып, Ташкенттің «Пахтакоры» және Павлодардың «Трактор» командалары сапында өнер көрсетті. Анасы Людмила кезінде баскетболмен шұғылданды. Болашақ чемпионның өзі 1983 жылы Ташкентте дүниеге келді. Қызының бойындағы дара талантты ерте байқаған анасы оны Ресейге апарып, әйгілі Ирина Виннерге табыс етуді жөн көрді. Марат зайыбының бұл әрекетін құптамай, «қызымды ешқайда да жібермеймін» деп байбалам салған көрінеді. Ерлі-зайыптылар арасында біраз ұрыс-керіс болып, ақыры анасы Алинаны жетектеп, Мәскеуге аттанса, әкесі Ташкентте қалып қойды.

Алина өз қатарластары арасында дара талантымен бірден оқшауланады. 1996 жылы Ресейдің ұлттық құрама командасына қабылданған 13 жасар қыз көп кешікпей әлемдік гимнастиканың жарық жұлдызына айналды. Қабаева екі рет әлемнің (1999 жыл, . 2001 жыл, Мадрид) және төрт рет Еуропаның (2000 жыл, Сарагоса. 2002 жыл, Гранада. 2003 жыл, Лиссабон, 2004, Киев) абсолютті чемпионы атағын жеңіп алды. «Гран-при» додаларында ол алтын тұғырдан түскен жоқ. Жекелеген есепте және командалық сайыста бірнеше мәрте дүние жүзі чемпионы атанды. 2000 жылы Сидней Олимпиадасында Алина алтын медаль алуға тиіс еді. Алайда құрсаумен өнер көрсетіп жатып, оны абайсызда қолынан түсіріп алды. Сол қателіктің салдарынан Ресей спортшысы қола жүлдені қанағат тұтуға мәжбүр болды.

2004 жылы Грекияның астанасында ол өзінің, шын мәнінде, теңдессіз екенін тайға таңба басқандай етіп дәлелдейді. Ресей гимнасшысы жекелеген есепте де, көпсайыста да алдына жан салмады. Сөйтіп, Алина өзі армандаған Олимпиада алтынына қол жеткізді.

Ол бақ сынауды аңсады. Тіптен 2006—2008 жылдар аралығында бірқатар халықаралық жарыстарда топ жарып, өзінің мықтылығын мойындатты. Бірақ соңғы мәліметтерге сүйенсек, әйгілі гимнасшының ескі жарақаттары сыр беріп, жаттығу жасамағанына жарты жылға жуықтапты.

Марапаттары

Оның есімі спорт шежіресіне алтын әріптермен жазылды. Ресей үкіметі оның еңбегін жоғары бағалап, «Дружба» және «За заслуги перед отечеством» ордендерімен марапаттады.

Сондай-ақ Қабаева Ресей Федерациясының Мемлекеттік Думасының депутаты болып сайланды.

Ортаққорда бұған қатысты медиа санаты бар: Alina Kabaeva