Куроко Тецуя

Тецуя Куроко (黒子 テツヤ, Kuroko Tetsuya) — Куроконың баскетболы ("Kuroko no basuke") анимесінің кейіпкері. Дыбыстаушылар: , .

Сэйрин мектебінің бірінші курс студенті. Тэйко орта мектебіндегі «Ғажайып ұрпақтары» командасының алтыншы ойыншысы. Алтыншы елес ойыншы деген лақап атпен белгілі. Тецуя өзін Көлеңке деп атайды. Енді Сейрин мектебінің тұрақты баскетбол ойыншысы болғандықтан, Куроко өз командасын жеңіске жеткізуге сенімді.

Сыртқы келбеті

Бойы ұзын емес, үнемі білінбей жүретіндігінен Куроко допты басқа ойыншыларға оңай пас арқылы жібере алады. Аспан-көк шашына көк көзі жарасымды. Ойындарда ақ қызыл қара Сэйриннің 11 санды формасын киеді. Сонымен қатар қолында қара тамыр тартқыш байқауға болады. Ол баскетболға көк сызығы бар ақ түсті аяқ киім киеді. Баскетбол ойнамайтын кезде өзінің қарапайым мектеп формасы гакуранды киеді. Кейде ұйқыдан тұрғаннан соң Куроконың шашы апай–топай болып кетеді. Мұндай кезде оның достары «Шашыңды тара!» дейді.

Тұлғасы

Куроко — шырқы бұзылмас тура адам. Ол өте еңбекқор және әрдайым команданың мүддесін өзінікінен биік қояды. Ол қараңғы және түңеріңкі, бұл оған қарсылас команданың ойыншыларының назарын аударуға көмектеседі. Баскетболды жан–тәнімен сүйетін ойыншыларды Куроко қатты құрметтейді. Оның ойынша сэмпайларды мақтан тұтады, ал кохайларды құрметтейді. Шын мәнінде Куроко өте мейірімді болғанымен, кейбір кездері ашулы–ызалы да болып кетуі мүмкін. Мысалы, Кирисаки Дайчи командасымен ойнағанда, олар Сэйрин командасына қарапайым көзге білінбейтін зақыммен жарақаттаған. Сол кезде Куроконың аурасы өзгергені соншалықты, тіпті Кагами Куроконы бұл күйде көріп таңғалды. Куроко ашу үстінде болған кезде оны ешкім жеңе алмайды. Куроко өзін Көлеңке деп атайды. Бұл оның үнемі біреумен жұптасып ойнайтынын білдіреді. Өзінің жұбын ол "Жарық" деп атайды. Яғни, "жарығы" қаттырақ жанса, ол да күштірек ойнай бастайды. Орта мектепте жарығы Аомине болса, дәл қазір жоғарғы мектепте-Кагами. Куроко басында өз командасындағылармен суық қарым-қатынаста болғанымен, уақыт өте келе олардың жанында өзін ашық, еркін ұстай бастайды. Сонымен қатар Куроко сүйкімді жануарларды жанынан артық жақсы көреді. Тіпті бір күні ол өз клубына кішкентай күшік әкеледі. Оның көк көздерінің Куроконыкімен ұстастығынан достары күшікті Тецуя #2 деп атайды.

Ойынға келу тарихы

5 жасында баскетбол ойынының трансляциясын көргенде осы ойынға қызығып, Куроко үйіне жақын алаңда ойнай бастайды. Сол жерде ол баскетбол ойнауды үйреткен Шигехиро Огиварамен танысады. Олардың жолдары тарағанда,Огивара мен Куроко бір-біріне өз Орта мектептері атынан ойнағанда кездесуді уәде береді.

Тэйко орта мектебінде бірінші күні Куроко баскетбол клубына жазылуға барады. Ол жаққа түсуді қалаушылардың санын көріп Куроко таң қалады. Сол кездегі бапкердің көмекшісі Наото Санада Тэйко командасының өте күшті және жылдан жылға ойындарды ұтып келе жатқаны жайлы айтады. Клубтың жүйесі келесі болды. Алдымен әр ойыншы өз күші мен қабілетін көрсетеді, ал сосын оларды 3 топқа бөледі. Куроко бірінші топқа асығады, бірақ физикалық қабілеті нашар болғандықтан, ол үшінші топқа түседі.

Бірінші топқа түсу мақсатымен Куроко тыным таппай жаттыға бастайды. Жаттығу залындағы доптың дыбысынан мектеп оқушылары әзілдесіп жаттығу залдында елес пайда болуы туралы әңгімелесе бастайды. Бір күні кешке бос алаң іздеп бірінші топтың ең күшті ойыншыларының бірі Аомине Куроко жаттығып жатқан жерге барып қалады. Аомине ойыншыларды беделіне байланысты бөлмегендіктен, олар тез арада достасып кетті. Баскетболға деген махаббатын көріп, Аомине Куроконы шын жүректен құрметтей бастайды.

Тынбай жаттыққаннан кейін де Куроко тіпті екінші топқа түсе алмайды, сондықтан бапкердің көмекшісі оған клубтан кетуді ұсынады. Бұл хабарды Аоминеге айтқан кезде, ол Курокоға арығарай ойнауға шабыт береді. Бір күні бірінші топ ойыншысы Сейджуро Акаши Куроконың ойынын байқайды. Қабілеттері мен жағынан Тецуя бәрінен ерекше болғандығын байқаған ол Курокоға өз талантын дамытуға кеңес береді. Күндердің күнінде бапкер де оған мүмкіндік береді. Дәл сол кезде ол өзінің көзге түспейтіндігін байқайды. Куроко Тейко командасының бірінші тобындағы алтыншы ойыншы болады. Ойындарда ол Тэйконың 15 санды формасын киетін. Екінші оқу жылында ол жаңа түскен ойыншы Кисенің жеке бапкері болады. Осындай әлсіз ойыншыны бапкер етіп қойғанына алдымен қуанбайды, бірақ Куроконың жалпы командалық ойынын көріп, ол өз шешімін өзгертеді. Тағы да, Тэйкода оқып жүріп, ол Сацуки Момоимен танысады. Ол Момоиға керемет балмұздақ әпереді. Біраз уақыттан соң Куроконың ойынын көріп, Момои Курокоға ғашық бола бастайды.

Үшінші оқу жылында Куроко «Ғажайып ұрпақтарының» жақсылыққа әкелмейтін өзгерістерін байқайды. Сосын, уақытша ойнай алмаған кезде, Куроко балалық шағындағы досы Шигехиро Огиварамен ойнау мүмкіндігінен айырылып қалады. Тейко Шигехироға жоғарыдан төменге қарамау үшін Куроко өз командасын қаттырақ ойнауды сұрайды. Бірақ, нәтижесінде, Шигехиро баскетбол ойнауға деген ынтасынан айырылады, тіпті Куроконы жек көріп кетеді. Куроко досының мектебіне барғанда, сол команданың капитаны Огивара «Ғажайып ұрпақтарының» мүшелерінің суық қарауынан шошып қалғанын айтады. Сонымен қатар, Огивараның айтуынша, Куроконың көздері де олардыкіндей болғанымен, оларда әлі де жылу бар. Осыдан соң Куроко Огивараның алып, арығарай баскетбол ойнауды ұйғарады. Куроконың келесі мақсаты-«Ғажайып ұрпақтарына» өз баскетболын көрсетіп, оларды біреулеп жеңу. Сондықтан Куроко Сейрин мектебіне түседі.