Куроко баскетболы Kuroko no Basuke жапон 黒子のバスケ жапондық мангака Тадатоси Фудзимакидың баскетбол жайлы туындысы Мангада

Куроко баскетболы (Kuroko no Basuke (жапон. 黒子のバスケ)) — жапондық мангака Тадатоси Фудзимакидың баскетбол жайлы туындысы.

Мангада мектеп оқушылары арасындағы баскетболдан ұлттық чемпионатта алғашқы орынды иеленгесі келетін баскетбол құрамасы туралы баяндалады. 2012 жылы Жапонияда аталмыш манга сатылымы бойынша One Piece-тен кейінгі екінші орынды иеленсе, ал 2013 жылы рейтинг бойынша үшінші орында тұрды.

Оқиға желісі

Бірнеше жыл бұрын Тэйко орта мектебінің баскетбол құрамасы аса мықты баскетболшылардан құралған болатын. Олар көптеген жарыстарда жеңіске жетіп, үш жыл қатарынан орта мектептер арасындағы ұлттық чемпионатта жеңімпаз болды. Ойыншылардың ішінде аса дарынды бестік ерекше көзге түсті. Аталмыш ойыншылар «ғажайып ұрпақтары» (поколение чудес) деген атпен танылған болатын. Алайда, оларменен қатар жүрген тағы да бір ойыншы бар болатын. Оны барлық бес данышшпан да мойындап, халық оған «алтыншы қатысушы, бұлыңғыр» деген лақап ат берген болатын. Алтауы орта мектепті бітіргенннен кейін оқуын әр түрлі мектептерде жалғастырады. Тэцуя Куроко баскетбол құрамасының құрылғанына бар жоғы екі жыл болған Сэйрин жоғарғы мектебіне ауысады. Курокомен бірге бұл мектепке бұрын АҚШ-тан келген Кагами Тайга да түседі. Сэйрин баскетбол құрамасы жаңадан қосылған ойыншылармен толығып, ұлттық жеңімпаз команда атағы үшін жарыстарға қатысады. Алайда, осы атақты иелену үшін Сэйрин бұрын «ғажайып ұрпақтары» құрамында болған ойыншыларына қарсы ойнауға мәжбүр болады.

Кейіпкерлер тізімі

Сэйрин жоғарғы мектебі

Куроко Тецуя - Сэйрин мектебінің бірінші курс студенті. Тэйко орта мектебіндегі «Ғажайып ұрпақтары» командасының алтыншы ойыншысы. Алтыншы аруақты ойыншы деген лақап атпен белгілі.Тецуя өзін көлеңке деп атайды.Онымен қоса،«көлеңке және жарық» деген жұптық ойынға қатысады. Ойын бойынша оның жұбы — Кагами Тайга. Аласа бойлы, көк шашты, аса шынықпаған, адамдардың көзіне мүлдем көрінбейтін жасөспірім. Тецуя осы көрінбеушілік қасиетін ойын барысында ұтымды пайдаланады.
Кагами Тайга - Сэйрин мектебінің бірінші курс студенті. Туа біткен баскетболшы. Бұрындары АҚШ-та тұрған. Стритбол арқылы өзінің деңгейін көтеріп, жаттыққан. Алайда соңынан Отанына оралады. Басында Жапониядағы баскетболдың деңгейіне қарап көңіл күйі түседі, бірақ «Ғажайып ұрпақтары» жайлы естіп, олармен сайысқа түскісі келеді. Болған оқиғадан кейін Тайга «Сейрин» командасына қосылады. Онда ол «көлеңке және жарық» деген жұптық ойынға қатысады.Ойын бойынша оның жұбы — Тецуя Куроко.
Рико Айда - екінші курс студенті және баскетбол жаттықтырушысы. Оның қыз бола тұра жаттықтырушы болу себебі, Рико спортшының денесіне бір рет қана қарап, оның мықты және әлсіз тұстарын біле алады, шамасының шарықтау шегін айқындап береді. Рикоға бұл қасиеттер әкесінің зерттеу жұмыстарын бақылау арқылы дарыған.
Дзюмпэй Хюга - екінші курс студенті және Сэйрин баскетбол құрамасының капитаны.Үш ұпайлықтарды лақтырумен айналысады. Дзюмпэй қиын кезеңдерде команданың тірегі.
Тэппэй Киеси - Сэйрин баскетбол командасының негізін қалаушы, екінші курс студенті және де «мойындалмаған король» құрамасының мүшесі.
Сюн Идзуки - екінші курс студенті, басқалардан өзінің сабырлылығымен, жинақылылығымен ерекшеленеді. Идзуки өте ақылды және керемет стратег.
Ринносукэ Митобэ - өте еңбекқор және ойын барысында барын салатын ойыншы. Бір қызығы бірде-бір команда мүшесі оның дауысын ешқашан естіген емес.
Синдзи Коганэи - әмбебап ойыншы және өзінше талантты. Ол Митобэ мүлдем сөйлемесе де, оның айтқаның тез қағып алады.
Сатоси Цутида - допты қағып алғанда өте жақсы ойыншы. Алайда көбінесе қосалқы ойыншылар қатарында отырады.
Коки Фурихата - бірінші курс студенті. Жүріп жүрген қызы тастап кетпес үшін баскетбол командасына қосылды және де қорқақтау болып келеді.
Коити Кавахара - спорттық денгейінің төмендігінен өзгелерге кедергі келтіретін. Бірақ ұзақ уақыт дайындалып, беделді команда мүшесіне айналды.
Хироси Фукуда - баскетбол құрамасында тек өзгелерге көмектесе алатыны үшін жүр. Баскетболдағы алғашқы күндері өзіне ұнаған жоқ. Баскетболдан кеткісі келді. Бірақ،Курокоға қарап،ол да Куроко секілді ойнай алатынын түсінді.

Кайдзе жоғарғы мектебі

Рета Кисе- кез келген баскетболшыға қарап оның ойынын дәлме дәл қайталай алады,«ғажайып ұрпақтары» ойыншысы болған.
Юкио Касамацу- Кайдзе баскетбол командасының капитаны. Өте тез ашуланады және көбінесе Киседен өшін алады.
Еситака Морияма- ерекше доп лақтыру әдісі арқылы көзге түседі.
Мицухиро Хаякава- шабуыл мен допты қағып алумен айналысады.
Кодзи Кобори- 8 нөмірде ойнайды, қорғаныста өте жақсы және де Кисенің стилін құрметтейді.
Гэнта Такэути-Кайдзе командасының бапкері.

Шутоку жоғарғы мектебі

Синтаро Мидорима - «ғажайып ұрпақтары» ойыншысы, алаңның кез келген жеріннен допты себетке түсіре алады. Баскетболды жақсы көргендігі соншалықты тырнағын және саусақтарын қатты күтеді. Әрдайым сүйенеді.
Кадзунари Такао - «қаршыға көзінің» иегері және де сол қасиеті арқылы алаңда не болып жатқанын біліп тұрады.
Тайсукэ Отцуба - Сютоку баскетбол құрамасының капитаны.
Киеси Миядзи - өте қатал және талапшыл. Мидориманың қылықтарын ұната бермейді. Синсукэ Кимура-Мидориманы ашықтан ашық ұнатпайды, алайда оның талантына бас иеді.
Масааки Накатани - Сютоку баскетбол командасының жаттықтырушысы.

Тоо академиясы

Дайки Аоминэ - «ғажайып ұрпақтары» баскетболшысы және де солардың арасындағы ең таланттысы. Екінші оқу жылында оның күші едәуір көбейеді.
Сацуки Момои - баскетбол командасының менеджері, өте байқампаз және алғыр қыз.
Сеити Имаеси - құрама капитаны. Имаеси сырт көзге мейірімді көрінгенімен, шындығында ондай емес. Оны ерекше етіп көрсететін дарыны болмаса да, ол капитан міндетін жақсы атқарады.
Косукэ Вакамацу - қорғаныста жақсы ойнайды және допты лезде қағып ала алады. Аоминемен жиі сөзге келіп қалады.
Ре Сакураи - дарынды қорғаушы және болашақ « королі». Сакураидың басты доп лақтыруын ешкім де тоқтата алмайды және де бұл ойыншы өте сезімтал, әр нәрсеге өзін кінәлай береді.
Есинори Суса - баскетбол командасының маңызды ойыншыларының бірі, алайда оның негізгі қабілеттері белгісіз.
Кацунори Харасава - Тоо баскетбол құрамасының бапкері.

Кирисаки Даитий жоғарғы мектебі

Макото Ханамия - команданың жаттықтырушысы және капитаны. Өзінің арам ойынымен танымал.
Кэнтаро Сэто - өте ақылды және де ол ойынның жеңіл өтуі үшін Ханамиямен бірігіп ойнайды.
Кадзуя Хара - ұзын кекілінің кесірінен көзі көрінбейді. Әрдайым сағыз шайнап жүреді. Хироси Ямадзаки - шабуылшы әрі қорғаушы.
Кодзиро Фурухаси - Кирисаки Даитийдің жеңіл форварды.

Есэн жоғарғы мектебі

Ацуси Мурасакибара - «ғажайып ұрпақтары» ойыншысы және солардың ішіндегі ең ұзыны. Ойыннан тыс өзін бала сияқты ұстайды, бірақ алаңға кірген бетте өзгеріп шыға келеді.
Тацуя Химуро - бұрындары Америкада өмір сүрген және сол жерде баскетбол ойнай бастаған. Кагамиді ді ең алғаш баскетболға алып келген де Тацуя болатын.
Кэнъити Окамура - Есэн баскетбол камандасының капитаны.
Кэнсукэ Фукуи - Окамураның досы және баскетбол клубының . Вэй Лю-екінші курс студенті және баскетболшы.
Масако Араки - баскетбол құрамасының бапкері.

Ракудзан жоғарғы мектебі

Сэйдзюро Акаси - «ғажайып ұрпақтары» капитаны болған. Оның оң көзі қызыл, ал сол көзі сары түсті, алайда бұрындары екі көзі де қызыл болған.
Эйкити Нэбуя - «мойындалмаған король» қатарында және өз жасына ірі дене иесі.
Лео Мибути - «мойындалмаған король» бірі. Тез жиырылып, ұқыптылықты ұнатады.
Котаро Хаяма - «мойындалмаған король» қатарында және оны «Райдзю» деп атайды. Себебі ол өте жылдам.
Тихиро Маюдзуми - Куроконың қасиеттерінің барлығы оның бойында бар,бірақ ол одан мықты.

Өзгелер

Александра «Алекс» Гарсия - Кагами мен Химураның ең алғашқы бапкері. Америкада тұрады.Жапонияға оқушыларының жетістіктерін көру үшін келді.
Кагэтора Айда - Риконың әкесі. Баскетбол жайлы бар затты біледі және бапкер болып жұмыс істейді. Қызының өтініші бойынша Сэйрин командасын жаттықтырған.