Кеңгір алтын кен орны Жамбыл облысы Мойынқұм ауданында Ақбақай алтын кен орнынан оңтүстік шығысқа қарай 15 км қашықтықта

Кеңгір алтын кен орны - Жамбыл облысы Мойынқұм ауданында, Ақбақай алтын кен орнынан оңтүстік-шығысқа қарай 15 км қашықтықта орналасқан. Кен орны 1966 жылы ашылған.

Геологиялық құрылымы

Құрылымдық жағдайы Жалайыр-Найман тектоникалық белдемі аумағындағы солтүстік-шығыс бағыттағы радиальді-шеңберлі жарылымдармен сипатталады. Кен алабы төменгі ордовиктің алевролит-құмтасты қабаттарынан, ортаңғы және жоғарғы девонның вулканиттерінен, қызыл жартас (D2), желтау (D3) интрузиялық кешендерінен құралған. Кен Кеңгір массивінің гранодиорит-порфирлерінде кварц-желілі және желіше-сеппелі түрде орналасқан.

Құрамы

Кентастың құрамында пирит, арсенопирит, антимонит, висмутин, саф алтын, т.б. бар. Кентастағы алтынның орташа мөлшері 10 г/т. Кен алаңының оңтүстік бөлігіндегі кварц желілерінен 300 кг алтын өндірілген. Кен орнындағы жұмыстар уақытша тоқтап тұр (2002).

Дереккөздер

Қазақ энциклопедиясы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ энциклопедиясы