Компот фр compote сұйық десерт тағамы аздап қант салынған суға қайнатылған жас немесе кепкен жемістердің қоспасы Компот

Компот (фр. compote) — сұйық десерт тағамы; аздап қант салынған суға қайнатылған жас немесе кепкен жемістердің қоспасы. Компот дайындауға жеміс-жидектің барлық түрі пайдаланылады. Жуылып, тазаланған қантты шырын құйылып дайындалады.

Компотты кептірілген, консервіленген және жаңа жиналған жеміс пен жидектен әзірлеуге болады.

Жаңа жиналған алма мен алмұрттан жасалған компот

Тазартылған алманың әрқайсысын 6—8 бөлікке бөліп, өзегін алып тастау керек. Алма қарайып кетпеуі үшін қайнатқанға дейін аздап лимон қышқылы қосылған салқын суға салып қойған жөн. Ішінде қанты бар кастрөлге 2 стақан ыстық су құйып, оған туралған алманы салып, жұмсарғанша 10—15 минут (алма сұрпына қарай) қайнатады. Егер компот піскен антоновка алмасынан дайындалса, оны қайнауына жеткізсе болады. 500 г алмаға: 3/4 стақан қант қажет. Жаңа жиналған алмұрттан жасалатын компотта осы әдіспен дайындалады, бірақ қантты (алмұрттың тәттілігіне қарай) азайтуға болады.

Жаңа жиналған өріктен жасалған компот

Өрікті салқын сумен жуып, сүйегінен ажыратады. Кастрөлге қант салып, 2 стақан ыстық су құйып араластырып, үстіне өрікті салып, қайнату керек. 500 г өрікке: 3 л стақан қант қажет.

Жаңа жиналған алма мен шиеден жасалған компот

Шиені салқын сумен жуып, сүйегінен ажыратыл, табақшаға салады. Шиенің сүйегіне су құйып қайнатып, елекпен немесе дәкемен сүзеді. Алынған шырынға қант сеуіп араластырып, үстіне тазартылып кесілген алма салады. Алма жұмсарғанша 10 минут баяу қайнатады да, үстіне шиені қосып, қайта қыздырады. 300 г алма мен 200 г шиеге: 3Д стақан қант қажет.

Жаңа жиналған алма мен өріктен жасалған компот

Кастрөлге қант үстіне 2 стақан ыстық су құйып араластырады да, тазартылып, кесілген алма қосып, жұмсарғанша 10 минут баяу қайнатады. Сосын оған сүйегінен тазартылған өрік салып, қайтадан қайнату керек. 300 г алма мен 200 г өрікке: стақан қант қажет.

Тоңазытылған жеміс пен жидекті де компот дайындау үшін (алдын ала пісірмей-ақ) пайдалануға болады, қант пен судан өзінше бөлек шәрбат жасау керек 500—700 г жеміске 3/4 стақан қант және 2 стақан су құйып, шәрбат суығаннан кейін үстіне жеміс салады. Жеміс қағынан жасалған компот. Қақты жуып, ұзақ қайнатуды керек ететін неғұрлым қатты алма мен алмұртты іріктеп алып, үстіне салқын су құйып, 15—20 минутт баяу қайнатады. Сонан соң қант, ваниль немесе лимон ұнтағын, қалған жемісті қосып, тағы да 5—6 минут қайнатады. 200—300 г кептірілген жеміске: 1 стақан қант, 4 стақан су, ваниль мен лимон қабығының үгіндісі дәміне қарай қосылады. Қара өріктен жасалған компот. Қара өрікті жуып, үстіне ыстық су құйып, қант салып, 10—15 минут қайнатады. 200—300 г қара өрікке: 3/ І стақан қант, 3 стақан су керек.

Тағы қараңыз

Дереккөздер

Қазақ тілі терминдер сөздігі I том
Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[source1-1] Қазақ тілі терминдер сөздігі I том

[2] Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9