Шетпе

Шетпе — Маңғыстау облысы, Маңғыстау ауданындағы ауыл, аудан және Шетпе ауылдық округі орталығы, темір жол бекеті.

Ауыл
Шетпе
Әкімшілігі
Ел	ҚазақстанҚазақстан
Статусы	аудан орталығы
Облысы	Маңғыстау
Ауданы	Маңғыстау
Ауылдық округі	Шетпе
Тарихы мен географиясы
Координаттары	44°08′25″ с. е. 52°08′45″ ш. б. / 44.14028° с. е. 52.14583° ш. б. / 44.14028; 52.14583 ^(G) ^(O) ^(Я)Координаттар: 44°08′25″ с. е. 52°08′45″ ш. б. / 44.14028° с. е. 52.14583° ш. б. / 44.14028; 52.14583 ^(G) ^(O) ^(Я)
Құрылған уақыты	1929
Ауыл статусы	2000
Климаты	Континентті
Уақыт белдеуі	UTC+5:00
Тұрғындары
Тұрғыны	17 044 адам (2023)
Сандық идентификаторлары
Пошта индексі	130400
Автомобиль коды	12
Шетпе Шетпе
Шетпе шекарасы

Географиялық орны

Облыс орталығы Ақтау қаласынан солтүстік шығысқа қарай 96 км жерде, Маңғыстау түбегіндегі Батыс Қаратау мен жоталары арасында орналасқан.

Халқы

1970	1979	1989	1999	2009	2021
4974	▲8162	▲10581	▼10237	▲12223	▲16762

Тарихы

Іргесі 1929-30 жылдары "Ұшқын" серіктестігінің орталығы есебінен қаланған. 1933 жылы оның негізінде құрылған Жаңажол ұжымшарының, 1965 жылы Маңғыстау ауданының орталығына айналды. Шетпе аудан орталығы мәртебесін 1966 жылы түбекті елдің қалған бөлігімен байланыстыратын теміржол құрылысына байланысты алды, Шетпе стансасы облыс орталығынан гөрі басқа аймақтарға жақын. Станса мен оның айналасындағы құрылыстар, аудан орталығы жалпы халық арасында "Жаңа Шетпе" деп аталады. Аудан орталығы бұрынғы кепкен Жапырақты көлінің орнында тұрғызылған, одан ол кезде тек батпақ қана қалған. Қазір батпақ құрғап қалды.

1967 жылы ауыл, 2000 жылы қайтадан кент болған. Шетпе арқылы Маңғыстау - Ақтөбе темір жолы және Ақтау - Ақтөбе автомобиль жолы өтеді.

Шаруашылығы

Шетпеде құрылыс материалдары зауыты, ұлутас пен қиыршықтс кеніштері ("Мырзабек Алтын Тас групп" АҚ, "Роландтехник” компаниясының уату-сұрыптау зауыты, "Қызылтұран" ЖШС), су барлау экспедедициясы, жылжымаалы механикалық колонна, тұрмыс қажетін өтейтін мекемелер, шаруа қожалықтары, 130 шағын орта кәсіпкерлер, 28 мемлекеттік, 4 қазыналық, 4 өндірістік-көліктік мекемелер, темір жол және автомобиль бекеттері, байланыс бөлімшесі бар.

"КаспийЦемент" - бұл жаңа цемент зауыты. Алғашқы жұмыс 2013 жылдың қараша айында іске қосылды. Ал 2014 жылдың жазында зауытта цемент өндірісі ресми түрде басталды.

Мәдени-әлеуметтік мекемелер

• 2 орта мектеп,
• өнер мектебі,
• спорт мектебі,
• гимназия,
• лицей,
• 2 бала бақша,
• аудандық мәдениет үйі,
• 2 кітапхана,
• аурухана мен дәріхана,
• жұқпалы аурулар ауруханасы,
• Маңғыстау техникалық колледжі

Діни ұйымдар қызметі

• Шетпе мешіті — Маңғыстау ауданының орталығында 1997 жылы бой көтерген. Ауласы қоршалған. Түнгі мезгілде жарық беретін шамдар орнатылған. Іргетасы биік, қабырғалары мен күмбездері, мешітке бастар жолдар теңіз тасынан қаланған. Кіреберіс маңдайшасына «Алла» және «Мұхаммед» деп араб әріптерімен жазылып, ою-өрнектермен көріктендірілген. Төрт бұрышында кіші күмбездері бар, ол ортадағы үлкен күмбезге айшық қондырылған. Аспалы шам ілінген.

Ғимараттың ішкі қабырғалары түгелдей оюлармен өрнектелген. 700 адам сиятын ерлерге арналған намаз бөлмесі, 200 адамға арналған әйелдер бөлмесі, имам бөлмесі бар. Діни сауат ашу курсы үшін де бөлме қарастырылған. Едендеріне кілем төселген. Мешіттің артқы жағында газбен жылытатын қазандық қойылған бөлме бар.

Галерея

• Айналма жол
• Әкімшілік кеңселер
• Аудандық аурухана
• Өнер мектебі
• Мұражай
• Мотель
• Мәдениет үйі
• Мешіт
• Казпошта
• Аллея
• Шетпе
• Шетпе
• Шетпе
• Шетпе

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2. 2021 жылғы ұлттық халық санағының қорытындылары
3. ШЕТПЕ: ЖЕЛЕЗНОДОРОЖНАЯ СТАНЦИЯ vs. ТРАДИЦИОННАЯ САКРАЛЬНОСТЬ http://otuken.kz/shetpe/
4. Маңғыстау энциклопедиясы. Бас редактор Б.Ғ.Аяған. — Алматы: “Қазақ энциклопедиясы”, 2008. 609-бет. ISBN 9965-893-13-6
5. Путешествуя по Мангистау: село Шетпе https://tumba.kz/vse-o-mangistau/57-vse-o-mangistau/19901-puteshest_po_mang_sel.html
6. Шетпе өнер мектебі https://onermektep-shetpe.kz/ Мұрағатталған 23 тамыздың 2022 жылы.
7. Шетпе гимназиясы https://2gis.kz/aktau/firm/70000001036517246
8. МАҢҒЫСТАУ ТЕХНИКАЛЫҚ КОЛЛЕДЖІ https://www.mtkshetpe.kz/ Мұрағатталған 23 тамыздың 2022 жылы.
9. «Шетпе» мешіті https://www.muftyat.kz/ru/mosque/2927/