Сарықамыс ойпаты

Сарықамыс ойпаты (түрікм. Sarygamyş çöketligi, өзб. Sariqamish botigʻi) — Азиядағы ең үлкен тұйық ойпаттардың бірі. Өзбекстан мен Түрікменстан елдерінің аумағында, Арал т-нен оңт.-батысқа қарай 200 км қашықтықта жатыр. Ұзындығы 150 км шамасында, енді жері 90 км, түбінің таяз жері теңіз деңгейінен 45 м төмен. Ойыс пішіні сопақша келген. Оның бетін ертедегі көл шөгіндісі мен сор және үрме құм жапқан. Неогеннің аяғы және жоғ. төрттік дәуірінде пайда болды. Сарықамыс ойпатына Әмудария өз. құйғанда, көлге айналып, өзен қайтадан Арал т-не құйғанда, көл ойпаты құрғап қалады. Әмударияның суы соңғы рет Сарықамыс ойпатына 1878 жылдың жазында құйды. Қазір Сарықамыс ойпаты екі ойысқа бөлінген, бұларда көктемде қар суы жиналып, жазда олар құрғап, сорға айналады.

Сарықамыс ойпаты түрікм. Sarygamyş çöketligi, өзб. Sariqamish botigʻi
Орналасуы
42°00′ с. е. 57°30′ ш. б. / 42.000° с. е. 57.500° ш. б. / 42.000; 57.500 ^(G) ^(O) ^(Я)Координаттар: 42°00′ с. е. 57°30′ ш. б. / 42.000° с. е. 57.500° ш. б. / 42.000; 57.500 ^(G) ^(O) ^(Я)^(T)
Елдер	Түрікменстан  Өзбекстан
Сарықамыс ойпаты
Сарықамыс ойпаты