Мемлекетаралық МИР телерадиокомпаниясы халықаралық телерадиокешен Мир Мемлекетаралық Мир телерадиокомпаниясы ЖАҚЕл Ресей

Мемлекетаралық «МИР» телерадиокомпаниясы — халықаралық телерадиокешен.

Мир
«Мемлекетаралық „Мир“ телерадиокомпаниясы» ЖАҚ

Ел	Ресей
Хабар тарату аумағы	ТМД
Хабар тарату уақыты	тәулік бойы (2008 жылдан бері)
Хабар тарату тілдері	орысша
Басқару орталығы	Мәскеу, Краснобогатырская көшесі, 44
Бейне форматы	576i (SDTV) 1080i (HDTV)
Арнаның тақырыптамалары	әмбебап
Хабар таратуын бастады	9 қазан 1992 жыл (тіркелді) 1 қыркүйек 2003 жыл (өз жиілігінде хабар тарата бастады)
«Мир» МТРК төрағасы	Радик Батыршин
Сайт	mirtv.ru

1992 жылы Тәуелсіз Мемлекеттер Достастығы елдерінің саяси, экономикалық және гуманитарлық әріптестігін насихаттау арқылы ортақ ақпарат кеңістігін құрып, халықаралық ақпарат алмасуына жәрдемдесу мақсатында құрылды. Телерадиокомпания штаб-пәтері Мәскеу қаласында орналасқан, 9 елде ұлттық филиалдары мен өкілдіктері бар. «Мир» МТРК құрамына «МИР», «МИР 24» телеарналары, «МИР» радиосы, MIR24.TV ақпараттық-сараптамалық порталы мен «МИР-Телепорт» көп функционалды спутниктік жүйесі кіреді.

Құрылымы

«МИР» телеарнасы

«МИР» телеарнасы посткеңестік кеңістіктегі елдердің қазіргі өмірі мен тарихын көрермендерге таныстырады. Телеарна құрылтайшы мемлекеттердің аумағында хабар таратады: Әзірбайжан, Армения, Беларусь, Грузия, Қазақстан, Қырғызстан, Ресей, Тәжікстан және Өзбекстан, сондай-ақ Түрікменстан мен Эстония халқына 4 уақыт белдеуінде SD және HD форматында қолжетімді. Армения, Беларусь, Қазақстан, Қырғызстан және Ресейде телеарна цифрлық эфирлік хабар таратудың ұлттық пакетінің құрамына кіреді. Ресейде «МИР» телеарнасына екінші цифрлық мультиплекстегі 18-түйме бекітілген. Жалпы аудиториясы – 180 млн астам адам.

«МИР 24» телеарнасы

«МИР 24» — 2013 жылы 1 қаңтарда хабар тарата бастаған тәуліктік ақпараттық, мәдени-танымдық телеарна, ТМД елдері мен әлем жаңалықтарын көрсетеді. «МИР 24» телеарнасы 25 елдің аумағында таралады: Әзірбайжан, Армения, Беларусь, Грузия, Қазақстан, Қырғызстан, Ресей, Тәжікстан, Түрікменстан, Өзбекстан, сонымен қатар Болгария, Германия, Израиль, Моңғолия, АҚШ, Оңтүстік Корея және т.б. Жалпы аудиториясы – 75 млн астам адам. Беларусь, Қазақстан мен Қырғызстанда «МИР 24» эфирлік хабар тарататын екінші мультиплекске енгізілген, Ресейде телеарна цифрлық эфирлік телевидениенің жергілікті мультиплексінде хабар таратады.

«МИР» радиосы

«МИР» радиостанциясы Adult Contemporary форматында хабар таратады. Музыкалық саясатының негізі – соңғы 15 жылдағы танымал сапалы орыс тілді музыка. Сонымен бірге эфирде күні бойы жаңалықтар, жұлдыздардан алынған сұхбат пен танымдық ойын-сауық бағдарламалар бар.

«МИР» радиосы Армения, Беларусь, Қырғызстан мен Ресей аумағында 3 уақыт белдеуінде таралады. Жалпы аудиториясы – 47,2 млн адам.

«MIR24.TV» порталы

MIR24.TV ақпараттық жаңалықтар порталы 2011 жылы қаңтарда іске қосылды. «Мир» МТРК эксклюзивті видеолары бар Достастық елдерінің жаңалықтары тәулігіне 250 мыңнан көп адамды тартады.

Тарихы

КСРО ыдырағаннан соң біртұтас ақпарат әлемі де өзінің өмір сүруін тоқтатты. Соған орай, 15 мамырда ТМД Украина үкіметінің бастамасымен Мемлекетаралық телерадиокомпания (МТРК) құру туралы уағдаластыққа қол қойды. 1993 жылдың көктемінен «Ресей қоғамдық теледидары» арнасынан күн сайын «Вместе» бағдарламасы беріліп тұрды. Телерадиокомпанияға – Армения, Белорусь, Қазақстан, Қырғызстан, Ресей, Тәжікстан, Әзірбайжан, Өзбекстан, Украина елдері мүше.

Бағдарламалары

Ақпараттық бағдарлама

Новости
Вместе

Ойын шоу

Миллион за 5 минут
Игра в кино

Танымдық бағдарлама

[Не]Фантастика
Фазенда Лайф
Все как у людей
Пять причин поехать в...

Құқықтық бағдарлама

Дела судебные
Мировое соглашение

Деректі фильм

Наше кино
Рожденные в СССР
«Исторический детектив» с Николаем Валуевым

Басшылары

Компания төрағалары

Ғаділбек Шалахметов (1992-2002)
Виктор Сенин (2002-2007)
Радик Батыршин (2007 жылдан бері)

Қазақстандағы ұлттық филиал директорлары

Асқар Әлімжанов (2009-2021)
Алан Әжібаев (2021 жылдан бастап),

Дереккөздер

Тұрсын Қ., Нұсқабайұлы Ж. Теледидар сөздігі – тележурналист анықтамалығы. Оқу құралы. –Алматы, «Білім», 2001. – 380 бет. ISBN 9965-09-033-5
СПРАВКА О МЕЖГОСУДАРСТВЕННОЙ ТЕЛЕКОМПАНИИ «МИР»
Тұрсын Қ., Нұсқабайұлы Ж. Теледидар сөздігі – тележурналист анықтамалығы. Оқу құралы. –Алматы, «Білім», 2001. – 380 бет. ISBN 9965-09-033-5
МИР. Телепрограмма

[1] Тұрсын Қ., Нұсқабайұлы Ж. Теледидар сөздігі – тележурналист анықтамалығы. Оқу құралы. –Алматы, «Білім», 2001. – 380 бет. ISBN 9965-09-033-5

[2] СПРАВКА О МЕЖГОСУДАРСТВЕННОЙ ТЕЛЕКОМПАНИИ «МИР»

[3] Тұрсын Қ., Нұсқабайұлы Ж. Теледидар сөздігі – тележурналист анықтамалығы. Оқу құралы. –Алматы, «Білім», 2001. – 380 бет. ISBN 9965-09-033-5

[4] МИР. Телепрограмма