Макинск

Макинск — Ақмола облысы Бұланды ауданындағы қала, ауданы және Макинск қалалық әкімдігі орталығы (1957). 1945 жылға дейін "Макинка жұмысшылар кенті" деп аталған.

Қала
Макинск
Әкімшілігі
Ел	ҚазақстанҚазақстан
Статусы	Аудан орталығы
Облысы	Ақмола
Ауданы	Бұланды
Ауылдық округі	Макинск
Әкімі	Шолахов Шайдулла
Тарихы мен географиясы
Координаттары	52°37′44″ с. е. 70°25′48″ ш. б. / 52.62889° с. е. 70.43000° ш. б. / 52.62889; 70.43000 ^(G) ^(O) ^(Я)Координаттар: 52°37′44″ с. е. 70°25′48″ ш. б. / 52.62889° с. е. 70.43000° ш. б. / 52.62889; 70.43000 ^(G) ^(O) ^(Я)
Құрылған уақыты	1914
Бұрынғы атаулары	Макинка жұмысшылар кенті
Қала статусы	1945
Уақыт белдеуі	UTC+5:00
Тұрғындары
Тұрғыны	18 103 адам (2023)
Сандық идентификаторлары
Телефон коды	+7 71646
Пошта индексі	020500
Автомобиль коды	03
makinsk.kz (орыс.)
Макинск Макинск
Макинск шекарасы

Географиялық орны

Облыс орталығы – Көкшетау қаласынан оңтүстік-шығысқа қарай 93 км-дей жерде.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
18540	▼16745	▲18098	108,1	7876	▲8629	109,6	8869	▲9469	106,8

Тарихы және кәсіпорындары

Іргесі 1914 жылы қаланған, 1945 жылы қала мәртебесі берілді. 1942 жылы Тамбов облысы (Ресей) Мичуринск қаласындағы поршеньді сақина жасау зауытының көшіп келуіне байланысты Макинск қаласының өнеркәсібі дами бастады. Кейіннен металл жасау зауыты, бейкентас құрылыс материалдарын шығаратын кәсіпорын, құрылыс және құрастырушы материалдар комбинаты, ағаш өңдеу зауыты, элеватор, нан пісіретін зауыт іске қосылды. Қалада “Степгеология”, “Поршенькомплект”, “Бұланды карьері”, “Макинск элеваторы”, “Прогресс”, “Агротехсервис”, “Макинск мұнайбазасы” акционерлік қоғамы, 3 автокәсіпорын, автоматты телефон станциясы жұмыс істейді.

Инфрақұрылымы

5 жалпы білім беретін мектеп, музыка, спорт мектептері, 3 аурухана, емхана, дәріхана, санитарлы-эпидемиологиялық станциясы, 2 мәдениет үйі, 3 клуб, 2 кинотеатр, 6 кітапхана, балалардың шығармашылық үйі, баспахана бар. Сауда торабы және қоғамдық тамақтану орындарынан 32 дүкен, 7 асхана жұмыс істейді. Қалада 2-дүниежүзілік соғыста қаза болғандарға және Кеңес Одағының батырлары М.В.Яглинскийге, И.Ф.Олиговқа, И.К.Скуридинге обелиск орнатылған. Қала арқылы Астана – Көкшетау автомобиль жолы, Степногорск – Атбасар темір жол өтеді.

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 8 желтоқсанның 2019 жылы.
3. 2021 жылғы ұлттық халық санағының қорытындылары