Макарон тағамдары құрамында белогы көп жоғары сортты ұннан жасалады Макарон тағамдары түтікшелі макарондар рожки фигурал

Макарон тағамдары құрамында белогы көп жоғары сортты ұннан жасалады. Макарон тағамдары: түтікшелі (макарондар, рожки), фигуралы (алфавит, жұлдызшалар, қауашақтар, құлақшалар, шығыршықтар тәрізді т.б.), вермишель (кәдімгі жұқа және өрмек, бантиктер тәрізді т.б.), кеспе сияқты түрлерге бөлінеді. Макаронның дәмдік қасиеттері ұзақ сақталады. Өте жұғымды, тез әрі оңай дайындалады. Макарон тағамдарын қайнаған тұзды суға (100 г құрғақ макарон тағамдарына 3 стакан су, жарты шай қасық тұз) салып пісіріп, бұдан кейін кепсерге салып алады да, жабысып қалмауы үшін суық сумен шаяды немесе бірден май салады. Ірі макарондарды шамамен 25—35 минут, кеспені 15—20 минут, вермишельді 12—15 минут, ал ең жіңішке вермишельді 5—10 минут пісіреді. Піскен макарон тағамдарына сары май салады, үгітілген сыр , помидор, көкөніс, ет өнімдерін қосады; сондай-ақ жұмыртқа, қосып та пісіреді. Макароннан пісірілетін тағамдардың бәрін дерлік кестелеп, вермишель мен рожкиден де жасауға болады.

Суға пісіріп, май мен сыр қосқан макарон

Макаронды әдегтегідей пісіріп алады, суын төгіп, май салады, үгітілген сыр сеуіп, жақсылан араластырады. Ірімшік қосқан макарон. Макаронды пісіріп алып, шикі жұмыртқа, тұз және құмшекер салып араластырады. Ет тартқыштан өткізген ірімшікті мақаронмен араластырып. май жаққан табаға салып, тегістейді де, бетіне көптірілген нан сеуіп, май бүркіп, 10—15 минут духовкаға қояды. 250 г макаронға: 2 жұмыртқа, 1 стакан ірімшік, 2 ас қасық кептірілген нан, 2 ас қасық құмшекер, жарты шай қасық тұз, 1 ас қасық сары май қосады.

Қызанақ мен брынза қосып пісірген макарон

Макаронды пісіріп алып, суық сумен шаяды, сүзбе ожауға салып, суын әбден сарқады да 2—3 ас қасық еріткен май құнды. Қызанақты жуып, кесіп, елеуіштен өткізіп үгеді де, осы қызанақ сөлін макаронның үстіне құнды, үгітілген брынза қосып араластырады да, май жаққан қаңылтыр табаға салады. Макаронның бетіне үгітілген не қышқыл сыр себеді, 4—5 ас қасық ерітілген май салып, духовкада пісіреді. Дастарқанға салатпен бірге қояды. 300 г макаронға: 500 г қызанақ, 1 стакан үгітілген брынза, 6—8 ас қасық сары май керек.

Дереккөздер

Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9