Левон Исаевич Мирзоян

Левон Исаевич Мирзоян (арм. Լևոն Եսայիի Միրզոյան, 14 қараша 1897 жыл, Шуша, Елизаветполь губерниясы – 26 ақпан 1939 жыл, Мәскеу) — мемлекет қайраткері.

Левон Исаевич Мирзоян арм. Լևոն Եսայիի Միրզոյան
Лауазымы
Ту Қазақстан КП(б) ОК 1 - бірінші хатшысы Ту
23 сәуір 1937 жыл — 23 мамыр 1938 жыл
Ізашары	Лауазымы бекітілді; ол өзі, БКП (б)Қазақстан өлкелік комитетінің хатшысы ретінде
Ізбасары	Николай Скворцов
Ту БКП(б)Қазақстан Өлкелік Комитетінің 3-хатшысы Ту
Ақпан 1933 жыл — 23 сәуір 1937 жыл
Ізашары	Филипп Голощёкин
Ту Әзірбайжан Компартиясы ОК 3-бірінші хатшысы Ту
21 қаңтар 1926 жыл — 5 тамыз 1929 жыл
Ізашары	Рухулла Ахундов
Ізбасары	Николай Гикало
Өмірбаяны
Партиясы	КОКП (1917 жылдан)
Азаматтығы	Ресей империясы  КСРО
Діні	Армян шіркеуі
Дүниеге келуі	14 қараша 1897 (1897-11-14) Шуша, Шуша уезі, Елизаветполь губерниясы, Ресей империясы
Қайтыс болуы	26 ақпан 1939 (1939-02-26) (41 жас) Лефортово түрмесі, Мәскеу
Жерленді	Дон зираты (Мәскеу)
Жұбайы	Юлия Федоровна Тевосян
Марапаттары
Levon Mirzoyan Ортаққорда
өңдеу

Өмірбаяны

Ұлты – армян. 1912 жылдан Бакудегі төңкерісшіл қозғалысқа қатысты.

• 1917 – 18 жылдары Баку Кеңесінің мүшесі болған.
• 1918 жылы 31 шілдеде Бакуде Кеңес өкіметі құлағаннан кейін Закавказьеде жасырын жұмыс жүргізген.
• 1920 – 25 жылдары кәсіподақтардың Әзірбайжан Кеңесінің төрағасы, Әзірбайжан КСР Еңбек Халкомы,
• 1925 – 29 жылдары Әзірбайжан Коммунистік партиясы ОК-нің хатшысы қызметінде болды.
• 1929 – 33 жылдары БК(б)П Пермь округі кенесінің, Орал облысы кенесінің 2-хатшысы болған.
• 1933 жылғы қаңтардан БК(б)П Қазақ Өлкелік партия кенесінің,
• 1937 жылы маусым – желтоқсан аралығында Қазақстан Коммунистік партиясы ОК-нің 1-хатшысы қызметінде болды.

Қазақстанда 1931 – 33 жылы Ф.Голощекин ұйымдастырған ашаршылық салдарын жою мақсатында жүргізген шаралары үшін қазақ халқы оны “мырзажан” деп құрмет тұтқан. Мирзоян басшылық еткен кезеңде Қазақстан мәдениеті алға дамыды. 1934 жылы ҚазМУ ашылды, 1936 жылы. Мәскеуде Қазақстан әдебиеті мен өнерінің онкүндігі өтті, 1938 жылы алғашқы қазақ кино туындысы “Амангелді” жарыққа шықты.

1936 жылы Қазақ АКСР-і РКСФР құрамынан шығып, жеке одақтас республикаға айналды. Ол саяси қуғын-сүргінге ұшырап КСРО Жоғарғы Соты әскери алқасының шешімімен ату жазасына кесілген. 1955 жылы 10 қарашада ақталды.

Марапаттары

Ленин орденімен марапатталған. Алматы көшелерінің бірі Мирзоян есімімен аталады.Алматыдағы көше Шафик Чокин атына өзгертілді.

Дереккөздер

1. Қазақ энциклопедиясы, 6 том
2. https://tengrinews.kz/kazakhstan_news/stalo-izvestno-kakie-ulitsyi-pereimenuyut-v-almatyi-307276/