Көпен Әмірбек

Көпен Әмірбек (29 наурыз 1950, Түркістан облысы, Отырар ауданы, ауылы — 9 қараша 2022, Астана) — журналист, сықақшы, Қазақстанның қоғам қайраткері.

Көпен Әмірбек
Туған күні	29 наурыз 1950 (1950-03-29)
Туған жері	ауылы, Отырар ауданы, Түркістан облысы, Қазақ КСР, КСРО
Қайтыс болған күні	9 қараша 2022 (2022-11-09) (72 жас)
Қайтыс болған жері	Астана, Қазақстан
Шығармашылық жылдары	1975–2022 (?)
Шығармалардың тілі	қазақша

Өмірбаяны

Көпен Әмірбек қоңырат тайпасынан шыққан. ҚазҰУ-ді (1974) бітірген соң, қаласында екі жылдық әскери-партия мектебінде оқыған.

1975 жылдан бері шығармашылықпен айналысып келеді. "Қазақ әдебиеті", "Егемен Қазақстан" газеттерінде сатира, фельетон бөлімінің меңгерушісі, "Білім және еңбек", "Ара - Шмель" журналында жауапты хатшы, Республиканың Бас прокуратурасы мен Жоғарғы Сотта баспасөз хатшысы болып ұзақ жылдар қызмет істеген. "Ара" журналының бас редакторы, Қазақ радиосы директорының орынбасары болған. Қазақстан жазушылар одағы басқармасы сатира кеңесінің төрағасы. Мәскеу (1980) мен Ташкентте (1980) өткен Бүкілодақтық жас сатириктер конкурсының лауреаты. Әр жылдары жарық көрген "Аты жоқ кітап", "Алып", "Тілім қышып барады", "Қысыр әңгіме", "Ауызбастырық", "Мың бір мысал", "Неменеңе жетісіп күлесің?", "Өзіңді танисың ба?", "Сайдағы қойшыдан сарайдағы патшаға дейін" атты әзіл-сықақ, пародия кітабы арқылы оқырмандарға кеңінен танымал болған. "Тамаша" ойын-сауық отауының белсенді авторы. Өзі құрған "Көпен келе жатыр!.." әзіл-сықақ, пародия театрымен де көрермендердің көзіне түскен.

Дереккөздер

1. Ушёл из жизни сатирик Көпен Әмірбек Мұрағатталған 9 қарашаның 2022 жылы. inform.kz. Kazinform. 9 қараша, 2022
2. Қазақ телевизиясы. Энциклопедия. — Алматы: “ҚазАқпарат”, 2009, 1-т. — 640 б. ISBN 978-601-03-0070-5