Шоқан Әлмахамбетұлы Төлеш 1 08 1954 Алматы қаласында туған мүсінші Қазақ Шоқан Әлмахамбетұлы ТөлешТуған күні1 тамыз 1954

Шоқан Әлмахамбетұлы Төлеш (1.08.1954, Алматы қаласында туған) - мүсінші. Қазақ.

Шоқан Әлмахамбетұлы Төлеш
Туған күні	1 тамыз 1954 (1954-08-01) (70 жас)
Туған жері	Алматы

Білімі

Н.В. Гоголь атындағы Алматы көркемсурет училищесінің мүсін факультетін (1978), мүсінші;
Абай атындағы Қазақ педагогикалық институтының көркемсурет және графика факультетін бітірген (1984).

Еңбек жолы

Металлды өңдеу техникасымен жұмыс істейді - жылтырату, патина, құю. Материалы - қола, алюминий, күміс, жез,ағаш, әртүрлі тастар. «Қиялдаушы»(1997), «Томирис» (2000), «Қамыс сабағы» (2000), «Ойшыл» (2002) және т.б. жұмыстарының авторы.

1970 жылдан - суретші-қыш бұйымдарын жасаушы.
1974 жылдан - Н.В. Гоголь атындағы Алматы көркемсурет училищесінің студенті.
1978-1980 жылдары - Алматының «Өнер» бейнелеу өнері комбинатының мүсіншісі.
1979 жылдан -Н.В. Гоголь атындағы Алматы көркемсурет училищесінің мүсін және композиция пәндерінің оқытушысы.
1988 жылдан - Т. Жүргенов атындағы Қазақ ұлттық өнер академиясының мүсін пәнінің оқытушысы.
1994 жылдан -«BNB» сәулет-құрылыс компаниясының мүсінші-дизайнері (Стамбул,Анкара қалалары).
1997 жылданбері-жеке кәсіпкер, шығармашылықжүмыста.

Жетістіктері мен көрмелері

1978 жылдан республикалық және халықаралық көрмелерінің қатысушысы.
Швейцарияда (Базель қаласы, Сюрзей қаласы, Ратхаус, 1992), Лихтенштейн Княздығында (Вадутц қаласы, 1992), «Тенгри-Умай» галереясында (1993), Жамбыл атындағы Қазақ мемлекеттік филармониясының 60 жылдығына арналған көрмесі (1995), Ә. Қастеев атындағы Мемлекеттік өнер мұражайында (2002), «Алматы art» галереясы мен Астана қаладағы Президенттік мәдениет орталығында «Самғау» (2003), Алматы қаладығы орталық көрме орталығында «Полет» мерейтойлық көрмелері (2006) жеке көрмелерін өткізген. «Ұлар» галереясындағы «3+2» көрмесі (1994), «Көпір» тұрақты жұмыстар көрмесінің (1996-1998), Лондон қаласы әзірбайжан және қазақ суретшілерінің ассоциациясындағы көрмесі (1999), қазақ суретшілерінің «Филипп Морис» компаниясындағы көрмесі (2000), ҚР Суретшілер одағының 60 жылдығына арналған көрмесі (2001), Мысырдағы халықаралық көрмесі (Каир қаласы, 2001), Ресейдегі халықаралық көрмесі (Мәскеу, 2002) көрмелерінің қатысушысы. Жұмыстары Қазақстанның (Ә. Қастеев атындағы Мемлекеттік өнер мұражайында, «Тәңірі-Ұмай» галереясы) АҚШ, Франция, Бельгия, Италия, Швейцария, Лихтенштейн Княжествосы, Ұлыбритания, Австрия және т.б. елдердің мемлекеттік мұражайларында және жеке коллекцияларында сақталуда.
Мысырдағы әлемдік суретшілер биенналесінің (Каир қаласы,2001), ұсақ пішіндер көрмесінің (Апматы қаласы) дипломанты. Алматы қаласы әкімінің алғыс хатын алған.

Қоғамдық қызметі

ҚР өнер Академиясының академигі (2006 жылдан). ҚазКСР Суретшілер одағының мүшесі (1986 жылдан), ҚР Суретшілер одағы басқармасының мүшесі.

Отбасы

Әкесі - , зейнеткер, ҰОС қатысушы, КСРО Еңбек сіңірген дәрігері, КСРО Денсаулық сақтау үздігі.
Анасы - Төлешева Зияш Қасымқызы, зейнеткер, бухгалтер болған.
Үйленген. Жұбайы - Еспергенова Таужан Сағынышқызы (1958 жылы туған), «Жетісу» газетінің суретші-графигі.
Ұлы - Төлешев Қуаныш Шоқанұлы (1978 жылы туған), фирма директоры;
қызы - Төлешева Ботагөз Шоқанқызы (1980 жылы туған), Т. Жүргенов атындағы Қазақ ұлттық өнер академиясының оқытушысы.

Дереккөздер

Қазақстан Республикасында Кімнің Кім екені – 2011. 2 томдық анықтамалық. Алматы, 2011. ISBN 978-601-278-473-2

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді ауыстыру қажет.

[1] Қазақстан Республикасында Кімнің Кім екені – 2011. 2 томдық анықтамалық. Алматы, 2011. ISBN 978-601-278-473-2