Қызбелтау

Қызбелтау, Қызылбелтау — Торғай қолаты мен Торғай үстірті аралығындағы дөңес таулар тізбегі.

Қызбелтау
Сипаттамасы
Тау жүйесі	Торғай қолаты мен Торғай үстірті аралығы
Пайда болған кезеңі	Олигоцен, миоцен
Ұзындығы	60 км
Ені	15 км
Биіктігі	232 м
Орналасуы
50°57′08″ с. е. 64°17′35″ ш. б. / 50.95222° с. е. 64.29306° ш. б. / 50.95222; 64.29306 ^(G) ^(O) ^(Я)Координаттар: 50°57′08″ с. е. 64°17′35″ ш. б. / 50.95222° с. е. 64.29306° ш. б. / 50.95222; 64.29306 ^(G) ^(O) ^(Я)^(T)
Елдер	Қазақстан,Қостанай облысы Науырзым және Жангелді аудандары жерінде
Қызбелтау
Қызбелтау

Географиялық орны, жер бедері

Қостанай облысы Науырзым және Жангелді аудандары жерінде, бойлық бағытта 60 км-ге созылып жатыр, енді жері 15 км-ге жетеді. Абсолюттік биіктігі 232 м, салыстырмалы биіктігі 60-80 м. Беткейлері жыра-сайлармен қатты тілімделген. Онда бұлақтар, қайнар көздер көптеп кездеседі. Шығыс және оңтүстік етектері құлама жарқабақтанып, Торғай қақпасына тіреледі. Солтүстігінде жазық келген Қарт қонысы, оңтүстігінде Сарықопа көлдері жатыр.

Геологиялық құрылымы

Қызбелтау жоғары олигоцен мен миоцен дәуірлерінің сазды, қарбонатты жыныстарынан түзілген; дөң бетін палеогеннің теңіздік шөгінділері жапқан.

Өсімдігі

Тау беткейлерінде бетеге, жусан, селеу өседі. Мал жайылымына қолайлы.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5