Тобыл (кент)

Тобыл — Қостанай облысы Бейімбет Майлин ауданындағы кент (1946 жылдан), ірі темір жолы бекеті, Тобыл кенттік әкімдігі орталығы.

Кент
Тобыл
Әкімшілігі
Ел	ҚазақстанҚазақстан
Облысы	Қостанай
Ауданы	Бейімбет Майлин
Ауылдық округі	Тобыл
Тарихы мен географиясы
Координаттары	52°41′19″ с. е. 62°35′22″ ш. б. / 52.68861° с. е. 62.58944° ш. б. / 52.68861; 62.58944 ^(G) ^(O) ^(Я)Координаттар: 52°41′19″ с. е. 62°35′22″ ш. б. / 52.68861° с. е. 62.58944° ш. б. / 52.68861; 62.58944 ^(G) ^(O) ^(Я)
Құрылған уақыты	1939
Уақыт белдеуі	UTC+5:00
Тұрғындары
Тұрғыны	6895 адам (2009)
Сандық идентификаторлары
Автомобиль коды	10
Тобыл Тобыл
Тобыл шекарасы

 Басқа мағыналар үшін Тобыл (айрық) деген бетті қараңыз.

Географиялық орны

Облыс орталығы – Қостанай қаласынан оңтүстік-батысқа қарай 98 км, аудан орталығы – Әйет ауылынан 18 км жерде орналасқан.

Халқы

1999 жылы жергілікті тұрғындар саны 7734 адам (3696 ер адам және 4038 әйел адам) болса, 2009 жылы 6895 адамды (3318 ер адам және 3577 әйел адам) құрады.

Тарихы

Іргесі 1939-40 жылдары Ақмола – Қарталы (Ресей) темір жолы магистралін салуға байланысты қаланған. 1958 жылы Тобыл арқылы Қостанай – Жітіқара темір жолы мен автомобиль жолдары салынды, 1971 жылы одан Лисаковск қаласына темір жол тармағы тартылды.

Кәсіпорындары

Тобылда темір жолы және автомобиль көліктерінің ірі кәсіпорындары мен мекемелері орналасқан. Олардан басқа байланыс бөлімшесі, машина-трактор жөндеу шеберханасы, жанармай стансасы, ірі астық қоймасы, құрылыс материалдары кәсіпорны, нан зауыты, салқын су өндіретін цех, тұрмыс қажетін өтейтін мекемелер бар.

Инфрақұрылымы

2 орта мектеп, балабақша, мәдениет үйі, темір жолы ауруханасы мен емханасы, дәріхана, қонақ үй, демалыс саябағы жұмыс істейді.

Дереккөздер

1. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 8 желтоқсанның 2019 жылы.