Талғат Досымғалиұлы Теменов

Талғат Досымғалиұлы Теменов (23 қараша 1954 жылы Алматы облысы Еңбекшіқазақ ауданы Малыбай) – театр және кинорежиссері, кинодраматург. Өнертану профессоры. Қазақстанның халық әртісі (1999). Парасат, Құрмет ордендерінің иегері. Қалибек Қуанышбаев атындағы қазақ мемлекеттік академиялық музыкалық драма театрының көркемдік жетекшісі.

Талғат Досымғалиұлы Теменов
Жалпы мағлұмат
Туған күні	23 қараша 1954 (1954-11-23) (69 жас)
Туған жері	Алматы облысы, Еңбекшіқазақ ауданы
Азаматтығы	КСРО  Қазақстан
Мамандығы	актер, режиссёр, профессор
Белсенді жылдары	1976 осы уақыт
Марапаттары	Құрмет ордені

Жалпы мәліметтер

Алматы мемлекеттік консерваториясының театр бөлімін (1976) және Мәскеудегі бұрынғы КСРО Мемлекеттік кино жанындағы жоғары режессерлер мен сценарийшілер курсын (1986, С.А. шеберханасы бойынша) бітірген. Алғашында Талдықорған облысы драма театры труппасында (1976 – 1780) актер болып қызмет етті. Бұдан кейін “Қазақфильм” студиясында режиссердің көмекшісі әрі сценарийші (1980 – 1982), кинорежиссер (1986 – 1987), қоюшы кинорежиссер (1988 – 1994), “Мосфильм” студиясында кинорежиссер (1987 – 1988), 1994 – 2000 жылы Алматы мемлекеттік театр және кино институтының (қазіргі Қазақ ұлттық өнер академиясы) ректоры, 2000 жылдан “Қазақфильм” кинокомпаниясының көркемдік жетекшісі, ал 2004 жылдан Қазақтың мемлекеттік академиялық жастар мен балалар театрының директоры болып қызмет атқарады. Алғаш қойған “Адамдар арасындағы бөлтірік” атты толық метражды көркем фильмі (1988) Майндағы Франкфурт қаласында өткен 15-Халықаралық кинофестивальдың Гран-при (Германия, 1989), Италияда “Күміс аю” жүлдесіне (1989, ) және Португалияда (1990) өткен Халықаралық кинофестивалінің арнайы жүлдесіне ие болды. Оның өзі жазған сценарийі бойынша қойған көркем фильмдері қатарында “Шаңырақ” (1983), “Қайдасың сен, Чапай?” (1984), “Торо” (1986), “Адамдар арасындағы бөлтірік” (1988), “Қызғыш құс” (1991), “Махаббат бекеті” (1993), т.б. бар; пьесалар да (“Алма бағы”, “Көгілдір такси”, соңғысын С.Сматаевпен бірге) жазған. Тарихи тақырыпқа қойылған “Көшпенділер” фильміне (2005) режылы ретінде қатысқан. 1994 жылдан педогог қызметпен (1996 жылдан профессор) айналысты. Теменов – “Қайырлы таң” (1979) және “Гүлнәз” (1986), “Ой жасын” (2004) атты повестер мен әңгімелер жинағының авторы.

Марапаттары

• Қазақстан Ленин комсомолы сыйлығының лауреты;
• «Қазақстанның еңбек сіңірген әртісі» құрметті атағы;
• 1999 жылы «Қазақстанның халық әртісі» құрметті атақтары берілген.
• 2005 жылы президент жарлығымен «Құрмет ордені» нің иегері атанды.
• 2013 жылы президент жарлығымен «Парасат ордені» нің иегері атанды.
• 2016 жылы "ҚР тәуелсіздігіне 25 жыл" медалімен марапатталған.
• медалдармен марапатталған.
• Қазақстан Театрлар Ассоциациясның «Сахнагер – 2017» Ұлттық театр сыйлығының «Театр өнерін дамытуға қосқан орасан зор еңбегі үшін» аталымы бойынша марапатталды. (Астана 27 наурыз 2017 жыл);

Дереккөздер

1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8