Барокамера грекше baros ауырлық және camera күмбез бөлме ауа қысымын жасанды түрде өзгерту үшін қолданылатын тұмшаланған

Барокамера (грекше baros — ауырлық және camera — күмбез, бөлме) — ауа қысымын жасанды түрде өзгерту үшін қолданылатын тұмшаланған жабық камера. Ол төмен қысымды (вакуумдық Барокамера) және жоғары қысымды (компрессиялық Барокамера) болып бөлінеді. Сондай-ақ Баокамераның қысымға қоса температурараны да өзгертуге болатын термобарокамера деп аталатын түрі де бар. Барокамера байқау терезелерімен, люктермен, дыбыс және жарық сигналын беру жүйелерімен, т.б. жабдықталады. Вакуумдық Барокамера биіктік факторлары (гипоксия, ауа ыдырауы, атмосфера қысымының күрт төмендеуі т.б.) мен өзгеріске ұшыраған газды ортаның адам не жануар организміне тигізетін әсерін зерттеу үшін, сондай-ақ биіктік жабдықтары мен аппаратураларды сынау және жаттығулар жасау үшін ғарыштық медицинада пайдаланылады. Ал компрессиялық Барокамера кессондық ауруларды (ауа қысымы жоғары ортадан қысымы төмен ортаға шапшаң ауысу кезінде пайда болатын аурулар) зерттеуге және емдеуге, т.б. қолданылады. Барокамераның көлемі ондаған дм3-тен жүздеген м3-ке дейін жетеді.

Дереккөздер

Қазақ Энциклопедиясы

Сыртқы сілтемелер

Барокамера

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[source1-1] Қазақ Энциклопедиясы