Ұлтарақов Қазтай

Ұлтарақов Қазтай (26 шілде 1925, Таушелек ауылы, Райымбек ауданы, Алматы облысы) — қоғам қайраткері, ғалым, Ұлы Отан соғысының ардагері.

Албан тайпасы Қыстық руынан шыққан.

1961 жылы Мәскеудегі Жоғарғы партия мектебін, 1966 жылы КОКП ОК жаныңдағы Қоғамдық ҒА-н бітіріп, экономика ғылымның кандидат дәрежесін алған. Майданнан оралған соң Кеген ауданның шаруашылықтарын (1944-57) басқарған. 1958-59 жылдары Кеген ауданы партия комитетінде 2-хатшы, 1961- 64 жылдары Балқаш, 1969-73 жылдары Іле аудандық партия комиттерінде 1-хатшы, 1966-69 жылдары Алматы облыстық партия комитетінде бөлім меңгерушісі, 1973-83 жылдары облысы атқару комитеті төрағасының 1-орынбасары. 1984-89 жылдары Қазақ ҒЗИ-н, Алматы ғылыми-өндірістік бірлестігін басқарды. 1989-91 жылдары Алматы халық ш. институтының аға ғылым қызметкері. 1991 жылдан облыстық шаруалар одағының төрағасы.

Марапаттары

Ленин және екі мәрте Еңбек Қызыл Ту және Ұлы Отан соғысы, "Құрмет белгісі", "Қызыл Жұлдыз" ордендерімен, бірнеше медальмен марапатталған.

Дереккөздер

1. Сағыныш Еспергенұлы Бәйдібек баба - Алып бәйтерек ұрпақтар шежіресі, Қыстық руы кітабы — Алматы: Исламнұр, 2020. — 460 б. — ISBN 9978-601-7295-14-1.
2. Алмабеков Т. Албан ата энциклопедиялық шежіре. // [1] — Алматы, 2003. — 1352 б. — ISBN 9965-00-838-8.
3. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3