Қозы Көрпеш Есімұлы Жаңбыршин 1960 жылғы 2 шілдеде Қазақ Кеңестік Социалистік Республикасы Ақтөбе облысы Байғанин ауданы

Қозы-Көрпеш Есімұлы Жаңбыршин 1960 жылғы 2 шілдеде Қазақ Кеңестік Социалистік Республикасы Ақтөбе облысы Байғанин ауданы Жарқамыс ауылында туған, 2017 жылғы 12 ақпанда [1] қайтыс болған (Қазақстан Астана қаласы). Қазақ.

Қозы-Көрпеш Есімұлы Жаңбыршин

Ту	Алматы қаласының Әкімі

10 желтоқсан 1997 жыл — 8 желтоқсан 2004 жыл

Өмірбаяны

Дүниеге келуі

2 шілде 1960
Қазақ КСР Ақтөбе облысы Байғанин ауданы Жарқамыс

Қайтыс болуы

12 ақпан 2017 (56 жас)
Қазақстан Алматы

Әкесі

Жаңбыршин Есім Құсайынұлы (1916-1975)

Анасы

Жаңбыршина Қаншайым Болатқызы (1926-2007),

Марапаттары

Құрмет ордені

Қозы-Көрпеш Есімұлы Жаңбыршин Ортаққорда

Әкесі - Есім Құсайынұлы Жаңбыршин (1916-1975), партия қызметкері болған. Анасы - Қаншайым Болатқызы Жаңбыршина (1926-2007) мұғалім болып жұмыс істеген, зейнеткер.

Мәскеу экономика-статистика институтының экономикалық кибернетика факультетін бітірген (1982), экономист-математик.

Экономика ғылымдарының кандидаты (1991), докторы (2003). Докторлық диссертациясының тақырыбы: «Гетерогенді әлеуметтік-экономикалық жуйелер: стратегиялық басқару теориясы мен әдістемесі».

«Статистикалық бағалау әдіснамасы және басқару әлеуетін талдау» (1994), «Гетерогенді әлеуметтік-экономикалық жүйелер: стратегиялық басқару теориясы мен әдіснамасы» (2003) монографияларының, сонымен қатар 40-тан аса жарияланымның авторы.

Қазақ және орыс тілдерін білген.

1977 жылдан - Мәскеу экономика-статистика институтының студенті. 1982 жылдан - ҚазКСР Мемлекеттік жоспарлау мекемесінің жанындағы Ғылыми-зерттеу институтының инженері, экономисі және аға экономисі. 1987 жылдан - Мәскеу экономика-статистика институтының аспиранты. 1990 жылдан - ҚазКСР Мемлекеттік экономикалық комитетінің бас маманы. 1992 жылдан - ҚР Президенті Әкімшілігінің экономикалық кеңесшісі, Экономикалық кеңес берушілер кеңесі жетекшісінің орынбасары. 1994 жылдан - Қазақстандағы Тасис бюросының ұлттық директоры. 1996 жылдан - Алматы қалалық Экономика комитетінің төрағасы. 1997 жылдан - Алматы қаласы әкімінің орынбасары. 2003 жылдан 2007 жылғы ақпанға дейін -Қорғаныс министрінің қаржы және экономика жөніндегі орынбасары. 2008 жылғы ақпаннан - ҚР Қауіпсіздік Кеңесі хатшысының орынбасары. 2009 жылғы қыркүйектен - ҚР Қауіпсіздік кеңесі хатшысының орынбасары - ҚР Қауіпсіздік кеңесі хатшылығының меңгерушісі.2014 жылдан - Республикалық бюджеттің атқарылуын бақылау жөніндегі есеп комитетінің төрағасы.

Республикалық ат спортының ұлттық түрлері федерациясының Алматы филиалының президенті. «Құрмет» орденімен, ҚР және шетел мемлекеттерінің 10 медалімен марапатталған.

Саяси қайраткер ретіндегі идеалы - Н.Ә. Назарбаев, У. Черчилль.

Қазақстанның болашағы туралы болжамы - «Тұрақты, бай, барлық жағынан дамыған және ашық ел».

Хоббиі - тау шаңғысы, жүзу, ат спорты, кітап оқу.

Сүйіп оқитын әдебиеті - отандық, орыс және шетел классикасы, тарихи әдебиет, оның ішінде естеліктер.

Үйленген. Жұбайы - Артықова Бақытгүл Аманғалиқызы (1965 жылы туған). Ұлдары - Шыңғыс (1988 жылы туған), Сержан (2006 жылы туған); қызы - Сәуле (2006 жылы туған).

Дереккөздер

Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

[1] Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2