Қазақстан футбол федерациясы ҚФФ ағылш Kazakhstan Football Federation Қазақстанда футбол додалары мен біріншіліктерін ұй

Қазақстан футбол федерациясы (ҚФФ, ағылш. Kazakhstan Football Federation) — Қазақстанда футбол додалары мен біріншіліктерін ұйымдастыратын мемлекеттік ұйым. Ол Қазақстан Премьер Лигасы және Қазақстан Кубогы сияқты додалар мен Қазақстан Ұлттық футбол құрамасы ойындарын ұйымдастырады.

Басшылары
Қазақстан футбол федерациясы
Қазақстан футбол федерациясының логотипі
Штаб-пәтері:	Қазақстан, Астана
Президент	лауазымы бос
Бас хатшы	Дудин Андрей Юрьевич
Құрылуы
Құрылды	1992 жыл
ФИФА мүшесі	1994 жыл
УЕФА-ға қабылданды	2002 жыл
Ресми сайты
010000, Астана қаласы, Б. Момышұлы даңғылы 5 А

Бұрынғы атаулары

Қазақстан Республикасы футбол қауымдастығы (1992–2000)
Қазақстан футбол одағы (2000–2007)
Қазақстан футбол федерациясы (2007–қазіргі уақытқа дейін)

Тарихы

Қазақстан футбол федерациясы (ҚФФ) 1992 жылы Қазақ КСР футбол қауымдастығының қайта құрылуымен (1989 жылы құрылған) құрылды. Сол жылы (1992), ҚФФ ФИФА мен Азия футбол конфедерациясының (АФК) қауымдастырылған мүшесі болды (немесе 1993 жылы). Оның құрылуы қазақ футболын халықаралық стандарттарға сай ұйымдастырудың бастамасы болды. ҚФФ еліміздің ең ірі спорт федерациясына айналды, Қазақстандағы футбол «спорт патшасы» ретінде бағаланып, спорт сүйер қауымның таңдауы бойынша бірінші орынды иеленді.

1992 жылы федерация футболдан ұлттық лига чемпионаты мен Қазақстан кубогы сияқты кәсіби деңгейдегі түрлі жарыстарды өткізді. Қауымдастырылған мүше бола тұра, ҚФФ ұлттық құрамалар үшін ресми халықаралық жарыстарға қатысуға рұқсат етілмеді, сондықтан 1992 жылдың ортасы мен аяғында және 1994 жылдың сәуірінде ортаазиялық Өзбекстан, Қырғызстан, Тәжікстан, Түрікменстан елдерімен бірге өңірлік жарыстарға қатысты. 1994 жылы ҚФФ ақыры ФИФА мен АФК-ның толыққанды мүшесі ретінде қабылданды. АФК-ға кіру туралы шешім дауыс беруден кейін қабылданды. Ұлттық құраманың Орталық Азиядан тыс құрамамен алғашқы ойыны 1995 жылы желтоқсанда өтті. Сол жылы Қазақстанның атынан шыққан Олег Литвиненко қазан айындағы Азияның үздік ойыншысы болып танылды.

2000 жылы ҚФФ УЕФА-ның кандидаты болды және 2002 жылғы 25 сәуірде Швецияның Стокгольм қаласында өткен УЕФА конгресінде оның толық мүшелігіне ие болды.

Тағы қараңыз

Қазақстандағы футбол
Қазақстан футзал қауымдастығы

Дереккөздер

Әділет Барменқұлов Қазақстан футбол федерациясының президенті қызметінен кетті (қаз.). Азаттық радиосы (8 қараша 2024). Тексерілді, 8 қараша 2024.
ОСНОВНЫЕ ВЕХИ ИСТОРИИ КАЗАХСТАНСКОГО ФУТБОЛА, 1971-1989 (орыс.). Тексерілді, 10 ақпан 2011. Мұрағат көшірмесі 3 шілденің 2015 Wayback Machine мұрағатында
AFC membership reaches 44 (ағыл.) (30 April 1993).
Kazakhstan International Matches - Details 1992-1999 (ағыл.). rdfc.com.ne.kr. Мұрағатталған 21 тамыздың 2008 жылы.
UEFA delegation visit Kazakhstan (ағыл.), УЕФА ресми сайты (26 June 2002). Тексерілді 21 қарашаның 2019.
UEFA Congress (ағыл.). УЕФА ресми сайты. Тексерілді, 21 қараша 2019.

[1] Әділет Барменқұлов Қазақстан футбол федерациясының президенті қызметінен кетті (қаз.). Азаттық радиосы (8 қараша 2024). Тексерілді, 8 қараша 2024.

[2] ОСНОВНЫЕ ВЕХИ ИСТОРИИ КАЗАХСТАНСКОГО ФУТБОЛА, 1971-1989 (орыс.). Тексерілді, 10 ақпан 2011. Мұрағат көшірмесі 3 шілденің 2015 Wayback Machine мұрағатында

[3] AFC membership reaches 44 (ағыл.) (30 April 1993).

[4] Kazakhstan International Matches - Details 1992-1999 (ағыл.). rdfc.com.ne.kr. Мұрағатталған 21 тамыздың 2008 жылы.

[5] UEFA delegation visit Kazakhstan (ағыл.), УЕФА ресми сайты (26 June 2002). Тексерілді 21 қарашаның 2019.

[6] UEFA Congress (ағыл.). УЕФА ресми сайты. Тексерілді, 21 қараша 2019.