Фернандо Кортес де Монрой и Писарро Альтамирано ис Fernando Cortés de Monroy y Pizarro Altamirano немесе Эрнан Кортес ис

Фернандо Кортес де Монрой и Писарро Альтамирано (ис. Fernando Cortés de Monroy y Pizarro Altamirano), немесе Эрнан Кортес (ис. Hernán Cortés), кейде Фернандо, Эрнандо, Фернан деп те аталады; 1485—1547) — Мексиканы жаулап алған және Ацтектердің мемлекеттігін жойған испан конкистадоры. Еуропаға XVI ғасырдың бірінші ширегінде алғашқы рет ваниль және шоколадты алып келген адам.

Эрнан Кортес
Fernando Cortés de Monroy y Pizarro Altamirano

Туған күні	1485 (1485)
Туған жері	, Кастилия және Леон, Испания
Қайтыс болған күні	1547 (1547)
Қайтыс болған жері	Кастильеха-де-ла-Куэста, Севилья, Испания
Азаматтығы	Испания
Қызметі	Конкистадор
Әкесі	Мартин Кортес де Монрой
Анасы	Каталина Писарро Альтамирано
Жұбайы	1) Каталина Хуáрес Маркайда (в 1514—1522) 2) Хуана Рами́рес де Орельяно де Суньига (в 1529—1547) Леонора (күң) Малинче (күң)
Марапаттары мен сыйлықтары	Сантьяго ордены
Ортаққордағы Эрнан Кортес

Орташа дәулетті, бірақ атақты идальго отбасынан шыққан. Саламанка университетіндегі оқуын тастап, әскери адамның өмірін таңдаған. 1504 жылы Эспаньолаға көшіп, 1510-1514 жылдары Диего де Веласкес бастаған экспедияға (Кубаны жаулап алу) қатысты. 1519-1521 жылдары өз бастамасыменмен Мексиканы бағындыруды іске асырды. 1522-1526 жылдары қайта құрыған Жаңа Испания отарында генерал-капитан шенінде қызмет атқарған. Өзінің дербес саясатын жүргізген Кортес билік үшін тартыстан кейін 1528 жылы Еуропаға қайта оралды. 1529 жылы король Карл V оған Оахака маркизі лауазымын тарту етті. 1530 жылы Мексикаға әскери губернатор болып қайтқанымен, Кортестің қолында нақты билік болмады. 1540 жылы Еуропаға біржолата қайтып, 1541 жылы сәтсіз аяқталған Алжирдегі жорыққа қатысты. Испанияда қайтыс болып, Отанында жерленген Кортестің денесі 1556 жылы Мексикаға жеткізілді. 1560-шы жылдары оның ұрпақтары бастаған Мексикадағы билікті басып алу әрекеттері еш нәтиже бермеді.

Мексиканың билеушісі

Жаңа Испанияны бағындырғаны үшін император Карл V Кортеске жеке елтаңбаға (шығу тегінінен тыс) ие болу құқығын сыйға тартты. Сол заманның дәстүріне сейкес жаңа елтаңбаны құрастыруда Кортестің ұсыныстары ескерілді. Профессор Хавьер Лопес Медельин елтаңбадағы белгілердің мағынасын жете түсіндірген:

қалқанның сол жақ үсті - екі басты бүркіт Габсбург әулетінің империялық масштабы мен Кортестің императорға тәуелділігінің көрінісін сипаттайды.
қалқанның оң жақ үстіндегі үш тәж - Кортестен жеңіліс тапқан үш билеушіні (Монтесума, Куитлауак, Куаутемок) білдіреді;
қалқанның сол жақ асты - арыстанның бейнесі (ерлік іс);
қалқанның оң жақ асты - Теночтитлана пирамидалары мен Мехикода енді тұрғызылған монастрь мен соборлар.
қалқанның ортасы - Кортестің әкесі шыққан Монро әулетінің елтаңбасы;
7 үндістің бейнесі - Кортестің вассалдарына айналған 7 қала-мемлекет ( Тлакопан, Койоакан, Истапалапа, Тескоко, Чалько, Шочимилько, Тлателолько);

Дереккөздер

The Herb Society of Nashville The Life of Spice. The Herb Society of Nashville (21 мамыр 2008). Басты дереккөзінен мұрағатталған 15 шілде 2013. Тексерілді, 23 шілде 2008.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[nashville-1] The Herb Society of Nashville The Life of Spice. The Herb Society of Nashville (21 мамыр 2008). Басты дереккөзінен мұрағатталған 15 шілде 2013. Тексерілді, 23 шілде 2008.