Тұйық қорғасын-барит кен орны

Тұйық қорғасын-барит кен орны – Алматы облысы Райымбек ауданы Кеген кентінен солтүстікке қарай 35 км қашықтықта орналасқан. 1955-1963 жылдары барланып, 1966 жылдан бастап пайдалануға берілді.

Тұйық қорғасын-барит кен орны
43°06′05″ с. е. 79°23′49″ ш. б. / 43.1014842° с. е. 79.3968201° ш. б. / 43.1014842; 79.3968201 ^(G) ^(O) ^(Я)Координаттар: 43°06′05″ с. е. 79°23′49″ ш. б. / 43.1014842° с. е. 79.3968201° ш. б. / 43.1014842; 79.3968201 ^(G) ^(O) ^(Я)^(T)
Ел	Қазақстан
Аймақ	Алматы облысы
Ашылған уақыты
Өндіре бастады	1966 жыл
Тұйық қорғасын-барит кен орны
Тұйық қорғасын-барит кен орны

Геологиялық құрылымы

Кетпен жотасындағы Темірлік синклиналының солтүстік жағында орналасқан. Кен аумағында гранит интрузиялары, дайка, шток пішінді магмалық тау жыныстарымен қиылған төменгі карбонның эффузия-шөгінді тау жыныстары тараған. Тұйық антиклинорийіндегі орта және жоғары визей кезеңінде жаралған шөгінді тау жыныстарына сыйысқан кендену қалыңдығы 50 м, төмен горизонттарда 200-250 м болатын уатылу белдемдерімен ұштасқан. Кентас бақылаушы құрылым ретінде осы иілім арқылы өтетін тектоникалық жарылыс саналады.

Құрамы, минералдары

Кентас құрамы қорғасынды, мысты, баритті. 54 кен денесінің 15-і балансқа алынған. Басты минералдары: галенит, сфалерит, халькопирит, барит, пирит.

• Галенит
• Барит
• Халькопирит
• Пирит
• Сфалерит

Тотығу белдемі

Тотығу белдемінің тереңдігі 150-200 м. Кентас карьер, штольня әдістері арқылы өндіріліп, флотация әдіспен байытылады. Гидротермалдық, шөгінді-гидротермалдық жолмен жаралған. Қорғасын-барит кентастарының қоры А, В, С категориялары бойынша 13577 мың т ірі кен орны саналады.

Дереккөздер

1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VIII том