Колумбия үстірті

Колумбия үстірті – Солтүстік Америка Кордильерасындағы лавалық үстірт.

Географиялық орны

АҚШ-тың солтүстік-батысындағы Каскад және Сеңгір таулары аралығында. Ауданы 500 мың км². Биіктігі 700 – 1000 м.

Геологиясы

Іргесі палеозойдың кристалл және шөгінді жыныстарынан, одан жоғары қабаттары миоцен мен плиоценнің базальтынан түзілген.

Жер бедері

Колумбия үстірті Колумбия өзенінің базальттық қатпарлығының басым бөлігін алып жатыр (жасыл түспен белгіленген)

Жер бедері, негізінен, тегіс, тек кейбір тұстары толқынды-төбелі келген. Шымды дала қалыптасқан. Оның басым бөлігі жыртылған. Үстірт Колумбия, Снейк өзендерінің каньондарымен тілімделген. Өзендерінде су құламалары мен шоңғалдар көп, бірнеше СЭС салынған.

Дереккөздер

1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том