Имантау (көл)

Имантау — Сарыарқадағы Имантау тауының солтүстік-шығысындағы көл.

Имантау
Морфометрия
Өлшемі	13,1 × 4,8 км
Ауданы	49 км²
Тереңдігі	10 м
Орташа тереңдігі	5,7 м
Су алабы
Суды жинау ауданы	483 мың км²
Шығатын өзен	Иманбұрлық өзені
Орналасуы
53°00′30″ с. е. 68°16′09″ ш. б. / 53.00833° с. е. 68.26917° ш. б. / 53.00833; 68.26917 ^(G) ^(O) ^(Я)Координаттар: 53°00′30″ с. е. 68°16′09″ ш. б. / 53.00833° с. е. 68.26917° ш. б. / 53.00833; 68.26917 ^(G) ^(O) ^(Я)^(T)
Ел	Қазақстан
Аймақ	Солтүстік Қазақстан облысы
Аудан	Айыртау ауданы
Имантау
Имантау
Имантау Ортаққорда

 Басқа мағыналар үшін Имантау деген бетті қараңыз.

Географиялық орны

Солтүстік Қазақстан облысы Айыртау ауданында солтүстік-батыстан оңтүстік-шығысқа қарай созылып жатыр.

Гидрографикасы

Аумағы 49 км², ұзындығы 13,1 км, енді жері 4,8 км. Орташа тереңдігі 5,7 м, ең терең жері 10 м-дей. Су жиналатын алабы 483 мың км². Суы гидрокарбонатты, минералдану мөлшері 780–840 мг/л.

Жағалау сипаты

Имантаудың оңтүстік жағалауында қарағай, қайың аралас орман өседі. Оңтүстік-батыс жағасы биік, тік жарлы. Басқа жағалары жайпақ. Көлдің солтүстік-батыс бөлігін көлге сұғына енген мүйіс оқшаулайды. Орта бөлігінде тасты арал бар. Түбі оңтүстік-шығысында тастақ, солтүстігінде сазды-құмды, қалған бөлігінде лай батпақты. Көл жағалауында қоға аралас қамыс қопасы өседі. Көлге бірнеше жылға келіп құяды. Оңтүстік-шығысынан Иманбұрлық өзені ағып шығады. Мал суаруға, т.б. шаруашылықтарға пайдаланылады, көлден балық ауланады (торта, аққайран, алабұға, шортан, күміс түсті және сарғыш мөңке).

Дереккөздер

1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том