Ив дю Мануар

Ив дю Мануар атындағы Олимпиада стадионы (фр. Stade Olympique Yves-du-Manoir) сондай-ақ, "Коломбо" деген атпен де танымал — Париж маңындағы Коломбо қаласындағы стадион. 1907 жылы іргесі қаланған. Француздың әйгілі регбишісі, 1928 жылы ұшақ апатынан қайтыс болған Ив де Мануардың аты берілген.

Тарихы

1924 жылғы жазғы Олимпиада ойындарының негізгі, басты аренасы болған. Ол уақытта сыйымдылығы 45 000 адам болды. 1938 жылы сыйымдылығы 60000 адамға артты. 1938 жылғы футболдан әлем чемпионатының басты стадиондарының бірі болды, турнирдің финалдық матчы өткізілді. Италия футболшылары 4:2 есебімен Мажарстан құрамасын ұтып, екінші рет қатарынан әлем чемпионы атанды.

1930-70 жылдары стадион Франциядағы ең басты ареналардың бірі болды. Францияның регби және футбол құрамалары өз алаңдағы ойындарын осында өткізіп жатты. Әр кезде футбол кубоктерінің финалдық матчтары да өткізіліп тұрды. 1972 жылы "Парк де Пренс" күрделі жөндеуден өтіп, қайта пайдалануға берілген соң Франция футбол құрамасының ойындары сонда өткізілетін болды да, "Ив дю Мануар" стадионында тек регби ғана ойналатын болып қалды. Франция футбол құрамасы мұндағы соңғы матчын 1975 жылы өткізді.

Қазіргі таңда стадионға 14000 адам жайғаса алады. "Расинг-92" регби клубының стадионы саналады.

Атаулары

• Stade du Matin (1907–1919)
• Stade de Colombes (1920–1928)
• Ив дю Мануар (1928 жылдан бері)

Стадионда өткен ірі турнирлер

• 1924 — Жазғы Олимпиаладық ойындар
• 1938 — Футболдан әлем чемпионаты

Сыртқы сілтемелер

• Стадионның тарихы Мұрағатталған 9 қыркүйектің 2008 жылы.