Жаңаталап ауылдық округі Атырау облысы Құрманғазы ауданындағы әкімшілік бірлік 2018 жылға дейін Киров ауылдық округі деп

Жаңаталап ауылдық округі — Атырау облысы, Құрманғазы ауданындағы әкімшілік бірлік. 2018 жылға дейін Киров ауылдық округі деп аталған.

Қазақстан ауылдық округі
Жаңаталап ауылдық округі
Облысы	Атырау облысы
Ауданы	Құрманғазы ауданы
Округ орталығы	Хиуаз
Енеді	4 ауыл
Тұрғыны (2021)	▼3472
Әкімі	Сұңғат Мұхамбетжанұлы Бралиев
Округ әкімдігінің мекенжайы	Хиуаз ауылы, Егемен Қазақстан көшесі, №22А
Бұрынғы атаулары	Киров ауылдық округі
Уақыт белдеуі	UTC+5:00
Автомобиль коды	06
Телефон коды	+771233
Пошта индексі	060404

Басқа мағыналар үшін Жаңаталап ауылдық округі деген бетті қараңыз.

Әкімшілік құрамы

Құрамына Хиуаз, Жасарал, Үлкенкүйген, Шағырлы ауылдары кіреді. Орталығы – Хиуаз ауылы.

Тарихы

Жаңаталап ауылдық округінің негізі 1920 жылы «Жасен шағырлысына» құрылған ауылдық кеңестен басталады, көп кешікпей Шешеген аралына көшіріліп, Нұржау кеңесі деп аталған. 1933-34 жылдары Дыңғызыл ауылдық кеңесінен бөлінген Қарағайлы ауылдық кеңесі Нұржау кеңесіне келіп қосылды да Зормата кеңесі деп аталды.
1962 жылы Зормата ауылдық кеңесі Дәшінге көшірілді де, Киров ауылдық кеңесі болып өзгерді. 1930 жылы Нұржауда Талап балық қабылдау-өңдеу батағасының негізінде құрылған «Қазақстан» балықшылар артелінен 1934 жылы «Жаңа талап - Коминтерн», «Жамбыл» колхоздары бөлініп шықты. 1962 жылы Киров және Зорматадағы «XX партсьезд» бірігіп Киров совхозы құрылды. Сол жылы «Киров» селолық кеңесі ұйымдасты.

Округте 30 жылдары ашылған Каганович атындағы бастауыш мектеп кейіннен 7 жылдыққа жетті. 1965 жылы Ы.Алтынсарин атындағы жалпы орта мектеп болып өзгерді. Хиуаз (Дәшін) ауылында 1959 жылдан клуб жанындағы драма үйірмесі жұмыс жасады. 1965 жылы Алматы қаласындағы республикалық театрлардың байқауында Б.Майлиннің «Шұға» пьесасын сахналап, І-ші дәрежелі дипломмен марапатталды. Конкурс қорытындысымен «Халық театры» деген атаққа ие болды.

Атырау облысы әкімдігінің 2018 жылғы 27 ақпандағы №40 қаулысы және Атырау облыстық мәслихатының 2018 жылғы 16 наурыздағы № 197- VI бірлескен шешімі негізінде Киров ауылдық округі Жаңаталап ауылдық округі болып Дәшін ауылы Хиуаз ауылы болып өзгертілді.

Халқы

2021 жылғы санақ қорытындысы бойынша 3472 адамды (1775 ер адам және 1697 әйел адам) құрады.

Сипаттамасы

Ауылдық округтегі елді мекендер: — Хиуаз, Жасарал, Үлкенкүйген, Шағырлы.
Ескі елді мекендері: — Аяпберген, Ермен, Зормата, Конца, Қасиет, Қызылмұрын, Ленивый, Маймантұғыл, Мәнжік, Молотов, Мүршида-Жайық, Пертруха, Сильный, Шешен.
Өзендері: — Өлеңді өзені, Ақтөбе өзені, Шора өзені, Дархан өзені, Зормата өзені, Аққалам шүңейт, Үштамақ.
Көлдері: — Кіші Дәшін, Үлкен Дәшін көлдері, Қамал көлі.

Инфрақұрылымы

Округте орта мектеп, бала-бақша, мәдениет үйі, дәрігерлік амбулатория, Дәулеткерей атындағы балалар музыка мектебі бар. Округ әкімі - Олжас Сержанұлы Тәжбаев.

Округтегі тарихи және мәдени ескерткіштер

Ұлы Отан соғысында қаза тапқан жерлестерге қойылған обелискі
Федор Кузьмич Рудаковтың обелискісі

Дереккөздер

Атырау облысы Құрманғазы ауданының кейбір әкімшілік-аумақтық бірліктерін қайта атау туралы
"Қазақ энциклопедиясы", X том
Киелі мекен, қасиетті өлке -Құрманғазы. Ағатай баспасы, Атырау-1920 ж. ISBN 978-601-7861-86-5
2021 жылғы ұлттық халық санағының қорытындылары
Киров ауылдық округіне қарасты мемлекеттік органдар тізімі Мұрағатталған 16 сәуірдің 2016 жылы.
Құрманғазы ауданы. Шежіре. - Алматы: "Арыс" баспасы, 2008. ISBN 9965-17-535-7

[1] Атырау облысы Құрманғазы ауданының кейбір әкімшілік-аумақтық бірліктерін қайта атау туралы

[source1-2] "Қазақ энциклопедиясы", X том

[3] Киелі мекен, қасиетті өлке -Құрманғазы. Ағатай баспасы, Атырау-1920 ж. ISBN 978-601-7861-86-5

[4] 2021 жылғы ұлттық халық санағының қорытындылары

[5] Киров ауылдық округіне қарасты мемлекеттік органдар тізімі Мұрағатталған 16 сәуірдің 2016 жылы.

[6] Құрманғазы ауданы. Шежіре. - Алматы: "Арыс" баспасы, 2008. ISBN 9965-17-535-7