Ерлан Нұрәліұлы Нысанбаев

Ерлан Нұрәліұлы Нысанбаев (кей дереккөзде Нұрәлиұлы немесе Нұралыұлы; 11 тамыз 1961 жыл, Ұйғыр ауданы, Алматы облысы) — қазақстандық мемлекеттік қайраткер, ауыл шаруашылығы ғылымдарының кандидаты және 2023 жылғы қыркүйектен Экология және табиғи ресурстар министрі.

Ерлан Нұрәліұлы Нысанбаев
Нысанбаев, 2024 жыл
Лауазымы
Ту Экология және табиғи ресурстар министрі Ту
5 қыркүйек 2023 жылдан бері
Президент	Қасым-Жомарт Тоқаев
Премьер-Министр	Әлихан Смайылов Олжас Бектенов
Ізашары	лауазымы құрылды ( ретінде Зүлфия Сүлейменова)
Ту орынбасары Ту
29 шілде 2019 — 21 мамыр 2021
Премьер-Министр	Асқар Мамин
Министрі	Мағзұм Мырзағалиев
Ту Ауыл шаруашылығы министрінің орынбасары Ту
13 тамыз 2014 — 29 шілде 2019
Премьер-Министр	Кәрім Мәсімов Бақытжан Сағынтаев Асқар Мамин
Министрі	Асылжан Мамытбеков Асқар Мырзахметов Өмірзақ Шөкеев
Ту Қоршаған ортаны қорғау министрінің орынбасары Ту
ақпан 2013 — тамыз 2014
Министрі	Нұрлан Қаппаров
Ту Астана қалалық мәслихатының депутаты Ту
2007 — 2009
Әкімі	Асқар Мамин Иманғали Тасмағамбетов
Өмірбаяны
Партиясы	Аманат
Білімі	Қазақ ауыл шаруашылығы институты (1983) Қазақ ұлттық педагогикалық университеті (2008)
Ғылыми дәрежесі	Ауыл шаруашылығы ғылымдарының кандидаты
Мамандығы	орман шаруашылығының инженері (1983) қаржыгер (2008)
Дүниеге келуі	11 тамыз 1961 (1961-08-11) (63 жас) Подгорное, Ұйғыр ауданы, Алматы облысы, Қазақ КСР, КСРО
Жұбайы	Лейла Төлегенова (1963 туған)
Балалары	ұлдары Ердан (1984 туған) және Райымбек (2003 туған); қызы Анар (1985 туған)
Әскери қызметі
Қызмет еткен жылдары	?
Құрамында болды	?
Атағы	запастағы
Марапаттары	Құрмет ордені
өңдеу

Жастық шағы және білімі

Ерлан Нұрәліұлы Нысанбаев 1961 жылғы 11 тамызда, Алматы облысының Ұйғыр ауданындағы Подгорное ауылында дүниеге келген.

Ерлан Нысанбаев 1983 жылы Қазақ ауыл шаруашылығы институтында орман шаруашылығының инженері мамандығы бойынша және 2008 жылы Абай атындағы Қазақ ұлттық педагогикалық университетінде қаржыгер мамандығы бойынша білім алған.

Мансабы

Саясатқа дейінгі мансабы (1983–2009)

1983–2009 жылдары аралығында Ерлан Нысанбаев түрлі компанияларда маман және директор сынды қызметтерінде болған:

• 1983 жылдан Ұйғыр ауданы орман шаруашылығының шебері.
• 1984 жылдан Ұйғыр аудандық комсомол комитетінің нұсқаушысы.
• 1986 жылдан ұйымдастыру бөлімі меңгерушінісінің орынбасары.
• 1989 жылдан Алматы облыстық комсомол комитеті ұйымдастыру бөлімінің нұсқаушысы.
• 1990 жылдан ауыл шаруашылығы бөлімінің сектор меңгерушісінің орынбасары.
• 1991 жылдан «КРАМДС-Агро» ғылыми-өндірістік фирмасының бас маманы.
• 1992 жылдан «Ақжол-ИМПЭКС» сыртқы сауда фирмасының директоры.
• 1994 жылдан «Нысана» шаруа қожалығының төрағасы.
• 1996 жылдан «Сельхозэнерго» АӨБ бастығы.
• 2000 жылдан Атырау облысы (әкімінің) аппараты «ШБ» КМҚК әкімшілік-шаруашылық қызметі департаментінің бастығы.
• 2002 жылдан «Лейер» ЖІЖ директоры.
• 2003 жылдан «Автоцентр ЖШС директоры.
• 2005 жылдан «Жасылқұрылыс» ҚКК директоры.
• 2006 жылдан 2009 жылға дейін «Астана-Жасылқұрылыс» АҚ бас директоры.

Саяси мансабы (2009–2023)

2009 жылғы шілдеден тамызына дейін Ерлан Нысанбаев Қарағанды облысының Бұқар жырау ауданы Тұзды ауылдық округінің әкімі қызметінде болды.

2009 жылғы тамыздан 2013 жылғы қаңтарға дейін Ерлан Нысанбаев Ауыл шаруашылығы министрлігі Орман және аңшылық шаруашылығы комитетінің төрағасы болған. Сол жылғы ақпанда ол Қоршаған ортаны қорғау вице-министрі лауазымына тағайындалған болатын. Бұл қызметін ол 2014 жылға дейін жалғастырды.

2014 жылғы 13 тамыздан 2019 жылғы 29 шілдеге дейін ол Ауыл шаруашылығы министрінің орынбасары қызметінде болды. Орынбасарлығы аяқталған күні ол Мағзұм Мырзағалиевтің орынбасары қызметіне тағайындалды. Бұл лауазымдағы жұмысы 2021 жылғы 21 мамырда аяқталды.

2021 жылғы мамырдан 2023 жылғы наурызға дейін Нысанбаев Басқарма төрағасының стратегиялық даму және халықаралық байланыстар жөніндегі орынбасары лауазымының иесі болған. Бұл қызметі аяқталғанынан кейін, 2023 жылғы 5 қыркүйекке дейін ол Астана әкімінің кеңесшісі болды.

Экология министрі (2023 бері)

Мәжіліс депутаттарының Нысанбаевтың Экология және табиғи ресурстар министрі кандидатурасына келісім беруі. Оң жақтан сол жаққа: Мәжіліс аппаратының басшысы Ренат Айтаев, Ерлан Нысанбаев, жазушы Ермек Аманшаев, депутат Еділ Жаңбыршин және Мәжіліс төрағасының орынбасары Альберт Рау және басқалары

2023 жылғы 5 қыркүйекте президент Тоқаев жарлығымен Қазақстан Республикасы Экология және табиғи ресурстар министрі болып тағайындалды. Бұған дейін, 4 қыркүйек күні, Мәжіліс депутаттары оның сол лауазымға кандидаттығына келісім берген еді.

2024 жылғы 6 ақпандағы отставкасынан кейін Ерлан Нысанбаев Экология және табиғи ресурстар министрі болып қайта тағайындалды.

Ғылыми еңбектері

Кандидаттық диссертациясының тақырыбы: «Астана қаласын көгалдандырудың экологиялық-ағаш өсіру проблемалары».

Марапаттары және атақтары

Ерлан Нысанбаевтың марапаттар тізімі:

• Құрмет ордені;
• Ерен еңбегі үшін медалі (2007);
• Астанаға 10 жыл медалі (2008).

Нысанбаевтың әскери атағы — запастағы аға лейтенант.

Жеке өмірі

Ерлан Нысанбаевтың әкесі — Нысанбаев Нұрәлі Еркебұланұлы және анасы — Нысанбаева Арзангүл. Ерлан Төлегенова Ләйлә Жұмажанқызына (1963 жылы туған) үйленген. Екі ұлы, Ердан (1984 жылы туған), Ерлан Райымұлы (2003 жылы туған) Нұрәлиндер және бір қызы Анар Нұрәлина (1985 жылы туған) бар.

Ерлан Нысанбаев қазақ және орыс тілдерін меңгерген.

Дереккөздер

1. Нысанбаев Ерлан Нуралиевич (персональная справка)  (орыс.). online.zakon.kz. Тексерілді, 6 қыркүйек 2023.
2. Қазақстан Республикасында Кімнің Кім екені – 2011. 2 томдық анықтамалық. Алматы, 2011. ISBN 978-601-278-473-2
3. Ерлан Нысанбаев ҚР Экология және табиғи ресурстар министрі болып тағайындалды  (қаз.). Экология және табиғи ресурстар министрлігі Орман шаруашылығы және жануарлар дүниесі комитетінің ресми сайты (5 қыркүйек 2023). Тексерілді, 6 қыркүйек 2023.
4. Нысанбаев Ерлан Нұрәлиұлы  (қаз.). BAQ.kz. Тексерілді, 6 қыркүйек 2023.
5. Мәжіліс Экология және табиғи ресурстар министрінің кандидатурасына келісім берді  (қаз.). Қазақстан Парламенті Мәжілісінің ресми сайты (5 қыркүйек 2023). Тексерілді, 6 қыркүйек 2023.
6. Экология және табиғи ресурстар министрі  (қаз.). Қазақстан премьер-министрінің ресми сайты. Тексерілді, 6 қыркүйек 2023.
7. Е.Н. Нысанбаевты тағайындау туралы  (қаз.). Қазақстан президентінің ресми сайты (5 қыркүйек 2023). Тексерілді, 6 қыркүйек 2023.
8. Ерлан Нысанбаев Экология және табиғи ресурстар министрі болып қайта тағайындалды  (қаз.). Astana TV (6 ақпан 2024). Тексерілді, 6 ақпан 2024.