Елубай Атағайұлы Оразалинов

Елубай Атағайұлы Оразалинов

Елубай Атағайұлы Оразалинов

1955 жылы 17 шілдеде Павлодар облысы Павлодар ауданының Ефремовка ауылында туған. Қазақ. Арғын тайпасы Қанжығалы руынан шыққан.

Павлодар индустриалдық институтын (1978) инженер механик мамандығы бойынша; Г.В. Плеханов атындағы Ресей экономикалық академиясы жанындағы менеджер лер дайындау орталығын (1996) менеджер, экономика ғылымдарының магистрі мамандығы бойынша бітірген. 1978 жылдан - АП-162/7 мекемесінің ауысым шебері , инженер-технологы, «Павлодарсельстрой» тресті авто базасының механигі; пайдалану бойынша бастық, Ермаков АТП бастығының орынбасары. 1984 жылдан - Павлодар облысы Екібастұз турмыстық қызмет көрсету фабрикасы директорының орынбасары. 1986 жылдан - Павлодар облысы Екібастұз сыра зауытының бас инженері, директоры. 1992 жылдан - Екібастұз қалалық әкімшілігі басшысының орынбасары. 1993 жылдан - Павлодар қалалық әкімшілігі басшысының бірінші орынбасары. 1995 жылдан - Екібастұз қаласының әкімі. 1998 жылдан - Павлодар облысы еңбек және халықты әлеуметтік қорғау басқармасы бастығының орынбасары. 1999 жылдан - Солтүстік Қазақстан облыстық статистика және сараптама басқармасының бастығы.

2001 жылдан - Павлодар облысы автокөлік жолдары бас қармасының бастығы. 2003 жылдан - Павлодар облысы әкімдігінің істері жөніндегі басқарма бастығы. 2003 жылдан - Павлодар облысы Ақсу қаласының әкімі.

2007 жылдан бері - ҚР Парламенті Мәжілісі 4-шақырылымының «Нұр Отан» ХДП тізімі бойынша депутаты, Экология мәселелері және табиғат пайдалану комитетінің төрағасы.

«Қазақстан Конституциясына 10 жыл» (2005), «Ерен еңбегі үшін» (2005), «Қазақстан Парламентіне 10 жыл» (2006) медальдарымен; ҚР Үкіметінің, Павлодар облысы әкімдігінің, мәслихатының грамоталарымен марапатталған

Дереккөздер

1. Қанжығалы шежiресi, Құрастырушылар Ғ.Умаров, Қ.Әлімжанов, бас редактор Негимов Серік 558 бет, Астана 2017 - ISBN 9786013026701
2. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2